Mga Uri ng Visa at Mga Kaukulang Bayarin

Karaniwan, ang mga taga ibang bansang nais pumasok sa Estados Unidos ay dapat munang makakuha ng visa. Maaring kumuha ng isang nonimmigrant visa para sa pansamantalang pananatili, o ng isang immigrant visa para sa permanenteng paninirahan. Mga mamamayan ng mga kwalipikadong bansa ay maaari ring bumisita ng walang visa sa ilalim ng Programa Para sa Visa waiver. 

Ang visa ay hindi kasiguruhan na makakapasok sa Estados Unidos. Ang visa ay nagpapahiwatig lamang na ang isang opisyal ng konsulado ng US ay nagpasiya na ikaw ay pwedeng mag-apply upang makapasok ng Estados Unidos at maisagawa ang isang tiyak na layunin.

  • Nonimmigrant Visa

    Ang nonimmigrant visa ay ginagamit ng mga turista, negosyante, estudyante, o specialty workers (mga trabaho kung saan ang kursong natapos or espelisasyon ng aplikante ang kailangan) na nais manatili sa Estados Unidos upang magampanan ang isang layunin sa naitalagang panahon. Ayon sa US visa laws and regulations, karamihan sa mga aplikante ng nonimmigrant visa ay dapat ipakita sa mga konsulado na sila ay may malaking rason upang bumalik sa kanilang bansa ng paninirahan at dapat ipakita na may plano silang umalis ng Estados Unidos pagkatapos ng kanilang panandaliang pananatili.

  • Immigrant Visa

    Ang immigrant visa ay para sa mga taong nagbabalak na permanenteng manirahan sa Estados Unidos. Ito ay nagpapahintulot ng aplikasyon para sa pagpasok sa Estados Unidos bilang isang Legal Permanent Resident at ito ay isang malaking hakbang patungo sa pagkuha ng US citizenship. Karamihan sa mga aplikasyon para sa immigrant visa ay nagsisimula kapag ang isang kwalipikadong miyembro ng pamilya na isa ng US citizen o legal permanent resident ay nagsumite ng kahilingan sa ngalan ng mga nagbabalak na maging immigrant sa US Citizenship & Immigration Services (USCIS) sa Estados Unidos o sa isang US Embassy abroad. Posible rin para sa isang employer na i-petisyon ang empleyadong nais niyang bigyan ng isang permanenteng posisyon.

Back