निशुल्क डेलिभरी सेवाहरुः मार्च २९, २०२१ देखि संयुक्त राज्य अमेरीका भिसा आवेदकहरुको लागि कागजपत्र बुझाउने र संकलन गर्ने सेवाहरु विना शुल्क नेपाल इन्भेष्टमेन्ट बैंकको दरबारमार्ग शाखामा मात्र उपलब्ध हुनेछन् ।

वैकल्पिक प्रीमियम डेलिभरी सेवाहरुः अप्रिल १५, २०२१ देखि बिराटनगर, बीरगञ्ज, पोखरा, भैरहवा र नारायणगढमा कागजात वितरण केन्द्रहरु “वैकल्पिक प्रीमियम डेलिभरी सेवा” को रुपमा आवेदकहरुको लागि कागजपत्र बुझाउन र संकलन गर्न ने.रु. ४०० को लागतमा उपलब्ध हुनेछ जुन भुक्तानी नगदमा मात्र गर्न पाउनुहुनेछ । यस सेवाको लागि भुक्तानी यी स्थानहरुमा उपलब्ध नेपाल इन्भेष्टमेन्ट बैंकको नगद काउन्टरहरुमा गर्न सकिन्छ । यो सेवा वैकल्पिक हो । थप विवरणको लागि कृपया वेबसाइटमा हेर्नुहोस् ।


मार्च १०, २०२१ बाट संयुक्त राज्य अमेरीका दूतावास काठमाण्डौ, नेपालले केहि गैर–आप्रवासी भिसा सेवाहरु पुनः शुरु गर्यो जसमा: F, M, केहि J श्रेणीहरु, केहि H र L श्रेणीहरु ; B1, B2 , र B1 /B2 का अन्तर्वार्ता–छूट आवेदनहरु, र IR1, IR2, CR1, र CR2 सहितका केहि आप्रवासी भिसा सेवाहरु शुरु गरिरहेको छ । संयुक्त राज्य अमेरीका दूतावासले व्यवहारीक रुपमा चाँडो नै केसहरुको प्रक्रिया गर्ने लक्ष राखेतापनि, पर्याप्त व्याकलगहरुको कारणले गर्दा त्यस्ता सेवाहरु पूरा गर्नका लागि बढि समय कुर्नुपर्ने संभावना हुन सक्छ । MRV शुल्क खरीद गरिएको मितिले सेप्टेम्बर ,३०, २०२२ सम्म र सोहि अवधिभित्र जुन देशमा खरिद गरिएको हो त्यही अन्तर्वार्ता भेटको समय तालिका मिलाउन प्रयोग गर्न सकिन्छ । यदि तपाईंलाई अत्यन्त जरुरी छ र तुरुन्तै यात्रा गर्न आवश्यक छ भने, कृपया आपतकालिन अन्र्तर्वाता भेटको लागि https://www.ustraveldocs.com/np/np-niv-expeditedappointment.asp मा दिइएको निर्देशन अनुसरण गर्नुहोस्। कृपया नोट गर्नुहोस् कि हामी यस समयमा F-1 शीघ्र अनुरोधहरू स्वीकार वा विचार गरिरहेका छैनौं।


मसचिव ब्लिन्केनले, होमल्याण्ड सुरक्षा विभागको परामर्शमा, समान वर्गीकरणमा गैर–आप्रवासी भिसाका लागि आवेदन गर्ने व्यक्तिहरूको लागि व्यक्ति–अन्तर्वार्ता आवश्यकता छूट गर्न कन्सुलर अधिकारीहरूको क्षमता अस्थायी रूपमा विस्तार गराएका छन्। पहिले, अन्तर्वार्ता छूटका लागि गैर-आप्रवासी भिसाको म्याद २४ महिना भित्र सकिएका आवेदकहरू मात्र योग्य थिए । सचिवले अस्थायी रूपमा समयावधि समाप्ति अवधि ४८ महिनामा विस्तार गरेका छन्। यो नीति डिसेम्बर ३१, २०२१ सम्म प्रभावमा छ। यस परिवर्तनले कन्सुलर अफिसरहरूलाई केहि गैर–आप्रवासी भिसा आवेदनहरूको प्रक्रिया जारी राख्न अनुमति दिनेछ, जबकि यसरी कन्सुलर शाखामा उपस्थित हुनुपर्ने आवेदकहरूको संख्या सीमित गर्नाले अन्य आवेदकहरू र कन्सुलर स्टाफलाई कोभिड–१९ सर्ने जोखिम कम गर्दछ। यात्रुहरूलाई हाल कुन कुन सेवाहरू उपलब्ध छन् र अन्तर्वार्ता बिना भिसाका लागि आवेदन दिन आवश्यक पर्ने योग्यता र निर्देशनहरू सम्बन्धी विस्तृत जानकारीका लागि नजीकको अमेरिकी दूतावास वा वाणिज्यदूतको कार्यालयको वेबसाइट समीक्षा गर्न प्रोत्साहन गरिन्छ ।


यु.एस. को मिसन नेपाल ले बुझ्दछ कि धेरै भिसा आवेदकहरूले भिसा आवेदन प्रसंस्करण शुल्क तिरैका छन् र अझै पनी भिसा अपोइन्टमेन्टको लागि कुर्दै छन्। हामी सक्दो चाँडो र सुरक्षित रूपमा सबै नियमित भिसा संचालनहरूलाई पुनर्स्थापित गर्न लगनशील भई काम गरिरहेका छौं। त्यहि समयमा, बाकीहरु आश्वस्त हुनुहोस कि अमेरिकी मिसनले तपाइँको भुक्तानीको वैधता (एमआरवी शुल्क भनेर चिनिन्छ) सेप्टेम्बर ,३०, २०२२ सम्म बढाउनेछ, नियमित कन्सुलर अपरेशनको निलम्बनको परिणामका रूपमा भिसा अपोइन्टमेन्ट अनुसूची गर्न असमर्थ थिए उनीहरूलाई तालिका बनाउने अवसर र / वा पहिले नै भुक्तान गरिएको शुल्कको साथ भिसा अपोइन्टमेन्टमा उपस्थित हुने सबैलाई अनुमति दिने छ! कृपया हामी कहिले नियमित भिसा अपरेशनमा फर्किन्छौं भन्ने बारे जानकारीको लागि यस साइटलाई मोनिटर गर्न जारी राख्नुहोस्।


जनवरी २६ देखि लागु हुने गरी Centers for Disease Control and Prevention (CDC) ले अमेरिका प्रवेश गर्ने सबै हवाई यात्रुहरूलाई कोभिड-१९ को परीक्षणमा नेगेटिभ नतिजासहितको प्रतिवेदन पेश गर्न अनिवार्य बनाएको छ (प्रासंगिक राष्ट्रिय प्राधिकरण द्वारा स्वीकृत वा अधिकृत SARS-CoV- २ का लागि एक भाइरल पहिचान परीक्षण) । उक्त परीक्षण प्रस्थानको ७२ घण्टाभित्र गरिएको हुनुपर्नेछ । विमानमा चढ्नुअघि सबै यात्रुहरूको परीक्षणको नतिजा नेगेटिभ भएको कुरा एअरलाइनहरूले पुष्टि गर्नुपर्नेछ । यात्रुहरूले नेगेटिभ टेस्टको वा स्वास्थ्यलाभ गरेको सम्बन्धमा कागजात पेश नगरेमा एअरलाइनहरूले उनीहरूलाई विमानमा चढ्न दिनु हुँदैन । यो भिसा आवेदनभन्दा बेग्लै आवश्यकता हो । कोभिड-१९ का कारण भ्रमणलाई प्रतिबन्धित गर्ने सबै राष्ट्रपतीय घोषणाहरू यथावत छन् र सम्भावित यात्रुहरूको हकमा उनीहरूको परीक्षणको परिणाम वा खोपको स्थिति जेसुकै भए तापनि उक्त घोषणाअनुसारको व्यवस्था लागु हुने क्रम जारी छ । राष्ट्रिय हितसम्बन्धी अपवाद (National Interest Exception) भएका यात्रुहरू समेत लागु भएअनुसारका प्रस्थानपूर्वका परीक्षणका सबै अनिवार्यताहरूको अधीनमा रहनेछन्। परीक्षण आवश्यकता माफी मा अधिक जानकारी को लागी यहाँ क्लिक गर्नुहोस्।



फेब्रुअरी २४, २०२१ मा राष्ट्रपति बाइडेनले ‘कोभिड १९ प्रकोपपछि आर्थिक पुनः प्राप्तिको बेला अमेरीकी श्रम बजारमा जोखिम प्रस्तुत गर्ने आप्रवासीहरुको प्रवेश स्थगित” नामक शीर्षकको राष्ट्रपति घोषणापत्र (पीपी)१००१४ लाई खारेज गरे ।यस घोषणाबाट प्रभावित आप्रवासी भिसा आवेदकहरुले यहाँ उल्लेखित निर्देशनहरु समीक्षा गर्नुपर्नेछ


राष्ट्रपति घोषणापत्र १००५२, जसले अस्थायी रूपमा केहि H-1B, H-2B, J ( एक्सचेन्ज भिजिटर कार्यक्रमभित्रका केहि श्रेणीहरूको लागि ), र L गैर–आप्रवासीको प्रवेशलाई स्थगित गरेको थियो,त्यसको म्याद मार्च ३१,२०२१ मा समाप्त भएको छ।

भिसा आवेदकहरू जसको अन्तर्वार्ता लिइएको छैन वा अन्तर्वार्ताको लागि अनुसूचित भएका छैनन् उनीहरूको आवेदन प्राथमिकतामा राखिनेछ र भिसा सेवा मार्गनिर्देशनहरूको अवस्थित पुनः बहाली चरण अनुसार प्रक्रिया गरिनेछ। राष्ट्रपति घोषणापत्र १००५२ को प्रतिबन्धका कारण भिसा आवेदकहरू जसको पहिले भिसा अस्वीकृत गरिएको थियो, उहाँहरुले नयाँ शुल्क सहित पुनः नयाँ आवेदन दिन सक्नुहुनेछ।


राष्ट्रपति घोषणापत्र ९९८४, ९९९२, १०१४३, जारी गरिएको घोषणा अनुसार र अप्रिल ३०, २०२१ मा हस्ताक्षर गरियेको घोषणा अनुसार संयुक्त राज्य अमेरिकामा प्रवेश गर्नु अघि १४ दिन भित्र निम्नलिखित देशहरुको सूचीमा शारीरिक रुपमा उपस्थित रहेका विदेशी नागरिकहरुको प्रवेश निलम्बित गरिएको छः

  • भारत (गैर-आप्रवासीहरूलाई मात्र लागू);
  • दक्षिण अफ्रिका;
  • ब्राजील;
  • संयुक्त राज्य ब्रिटेन, उत्तरी आयरल्याण्ड र यूरोप बाहिरको शाशित क्षेत्रहरु बाहेक;
  • आयरल्याण्ड गणतन्त्र;
  • शेन्जेन क्षेत्रमा समावेश हुने २६ देशहरू (अष्ट्रिया, बेल्जियम, चेक गणराज्य, डेनमार्क, एस्टोनिया, फिनल्यान्ड, फ्रान्स, जर्मनी, ग्रीस, हंगेरी, आइसल्यान्ड, इटाली, लाटभिया, लिच्टेनस्टेन, लिथुआनिया, लक्जमबर्ग, माल्टा, नेदरल्याण्ड, नर्वे, पोल्याण्ड, पोर्चुगल, स्लोभाकिया, स्लोभेनिया, स्पेन, स्विडेन, र स्विजरल्याण्ड)
  • इस्लामी गणतन्त्र ईरान;र
  • जन गणतन्त्र चीन, हंगकंग र मकाउको विशेष प्रशासकीय क्षेत्रहरू बाहेक

यस प्रवेश निलम्बनका केहि अपवादहरु छन् जसमा अमेरिकी कानूनी स्थायी बासिन्दाहरू र तिनका केहि खास परिवारका सदस्यहरु र कानूनी स्थायी बासिन्दा सहित घोषणाहरुमा अन्य अपवादहरु छन्। यदि तपाइँ संयुक्त राज्य अमेरिकाको लागि तपाइँको योजनाबद्ध यात्रा भन्दा पहिले माथि उल्लेखित देशहरुमा बसोबास गर्नुहुन्छ वा हालसालै यात्रा गर्नुभएको थियो, वा यी देशमा ट्रान्जिट पारेर यात्रा गर्न चाहानुहुन्छ भने हामी तपाइँलाई तपाइँको भिसा अन्तर्वार्ता १४ दिनसम्म स्थगित गर्न सिफारिस गर्दछौं । साथै यदि तपाईं फ्लूका लक्षणहरू अनुभव गर्दै हुनुहुन्छ, वा नोबेल कोरोनाभाइरसको प्रभावमा परेको आशंकामा हुनुहुन्छ भने, तपाईंलाई कम्तिमा १४ दिनसम्म तपाईंको अन्तर्वाता स्थगित गर्न कडा रुपमा प्रोत्साहित गरिन्छ। त्यहाँ अन्तर्वाताको मिति परिवर्तन गर्नका लागि कुनै शुल्क लाग्नेछैन र भिसा आवेदन शुल्क जुन देशमा तिर्नु भएको थियो त्यहाँ एक बर्षको लागि मान्य हुनेछ। बाँकी रहेको कन्सुलर अन्तर्वाता पुन: थप जानकारीको लागि यहाँ क्लिक गर्नुहोस्


जनवरी २०, २०२१ मा राष्ट्रपति बाइडेनले “संयुक्त राज्य प्रवेशको लागि भेदभावकारी प्रतिबन्ध अन्त्य” नामक शीर्षकको राष्ट्रपति घोषणापत्रमा हस्ताक्षर गरे । यो घोषणाले राष्ट्रपति घोषणापत्र ९६४५ र ९९८३ अन्तर्गत यात्रा प्रतिबन्ध समाप्त गर्दछ जसले केहि नागरिकको भिसा प्रकारको आधारमा बर्मा, एरिट्रिया, ईरान, किर्गिजस्तान, लिबिया, नाइजेरिया, उत्तर कोरिया, सोमालिया, सुडान, सिरिया, तान्जनिया, भेनेजुएला र यमनबाट संयुक्त राज्य अमेरिका प्रवेश स्थगित गरेको थियो । थप जानकारीको लागि यहाँ क् क्लिक गर्नुहोस् ।


कन्सुलर बिनिमयदर नियमित चलिआएको दरको आधारमा संशोधन गरिन्छ ।  भुक्तानी गर्नु अघि कृपया आफ्नो डिपोजीट पृष्टमा देखिएको भिसा शुल्क हालको भिसा शुल्क पृष्टको क्युलर बिनिमयदरसँग मेल खाए वा नखाएको हेर्नुहोस् ।


Mount Rushmore - South Dakota

नेपालका लागि अमेरिकी भिसा सूचना सेवामा स्वागत छ। यस साइटमा अमेरिकी आप्रवासी र गैर आप्रवासी भिसा बारे तथा भिसा आवेदन सम्बन्धि आवश्यक जानकारी उपलब्ध छ। तपाईँले आफ्नो भिसा शुल्क कसरी तिर्ने र अमेरिकी दूतावास काठमाडौं, नेपालमा भिसा अन्तर्वाताका लागि मिति तय गर्ने सम्बन्धि जानकारी पनि पाउनु हुनेछ।

यो नेपालमा अमेरिकी मिशन को आधिकारिक भिषा जानकारी वेबसाइट हो।

गैर-आप्रवासी भिसासम्बन्धी जानकारी


गैर आप्रवासी भिसा आवेदन


आप्रवासी भिसा जानकारी