АНУ руу зорчих виз мэдүүлэх

Монгол улсад

MRV хураамж 2023 оны 6 сарын 17-ны өдрөөс эхлэн нэмэгдэх болсныг анхаарна уу. Шинэ визийн хураамж хүлээн авах үйлчилгээг 6 сарын 16-нд түр зогсоох болно. 2023 оны 6-р сарын 16-нд визийн хураамж төлөх гэж оролдох хэрэггүй. Тус үйлчилгээ нь 2023 оны 6-р сарын 17-ны өдрөөс эхлэн хэвийн ажиллаж эхэлнэ. Мөн визийн хураамжийн үнийг шинэчлэхтэй холбоотой тус вебд тасалдал үүсэж болзошгүйг анхаарна уу.

АНУ-ын Төрийн департамент нь зарим төрлийн цагаачлалын бус визийн хураамжийг нэмэгдүүлэх болсныг мэдэгдэж байна. Хураамжийн нэмэгдлүүд 2023 оны 6-р сарын 17-ны өдрөөс эхлэн хэрэгжинэ.

Бизнесийн болон аялал жуулчлалын (B1/B2) түр зорчигчийн виз мэдүүлгийн хураамж, өргөдөлд суурилаагүй бусад цагаачлалын бус виз, тухайлбал оюутан болон солилцооны зорчигчийн виз 160 ам.доллар байснаас 185 ам.доллар болж нэмэгдэнэ.

Өргөдөлд суурилсан түр хугацааны ажилчтны (H, L, O, P, Q, болон R ангилал) зарим төрлийн цагаачлалын бус визийн хураамж 190 ам.доллар байснаас 205 ам.доллар болж нэмэгдэнэ.

Гэрээт худалдаа эрхлэгч, гэрээт хөрөнгө оруулагч, мэргэшсэн мэргэжлийн (E ангилал) гэрээт ажилтны виз мэдүүлгийн хураамж 205 ам.доллар байснаас 315 болж нэмэгдэнэ.

УЛААНБААТАР ДАXЬ АНУ-ЫН ЭСЯ НЬ БУСАД УЛС ОРНЫ КОНСУЛ БОЛОН ЭЛЧИН САЙДЫН ЯАМДУУДААС ДОТООД ҮЙЛ АЖИЛЛАГААНЫ АЧААЛЛЫН УЛМААС ЦАГААЧЛАЛЫН ВИЗИЙН ӨРГӨДӨЛ ХҮЛЭЭН АВАХ БОЛОМЖГҮЙ БӨГӨӨД ХЭЗЭЭНЭЭС ӨРГӨДӨЛ АВАХ НЬ ТОДОРХОЙГҮЙ БАЙНА.

ГЭСЭН ХЭДИЙ Ч ТА МОНГОЛ УЛСАД ОРШИН СУУГАА БОЛ ULAANBAATARIV@STATE.GOV ЦАХИМ ХАЯГААР ИМЭЙЛ ИЛГЭЭНЭ ҮҮ. ЭСЯ ТАНЫ ХҮСЭЛТИЙГ НЯГТАЛЖ ШАЛГАСНЫ ДАРАА ХАРИУ ИМЭЙЛЭЭР АЛЬ БОЛОХ ХУРДАН ХОЛБОГДОХ БОЛНО.

Урьдчилж өргөдөл гаргадаг зарим төрлийн визийн мэдүүлгийн Ярилцлагаас чөлөөлөгдөхөд тавигдах шаардлагын талаар илүү ихийг мэдэхийг хүсвэл энд дарна уу.

2021 оны 12 сарын 20-ноос эхлэн визээ шинэчлэх хүсэлтэй цагаачлалын бус виз мэдүүлэгчид Монгол Улс дахь АНУ-ын ЭСЯ-нд биечлэн ярилцлагад оролгүй виз мэдүүлэх боломжтой боллоо. Виз мэдүүлэгчид https://ustraveldocs.com/mn/mn-niv-visarenew.asp цахим хуудас дээр дурьдсан шаардлагыг хангасан байх хэрэгтэй.

2022 оны 10-р сарын 1-ний өдөр ба түүнээс хойш хийгдсэн цагаачлалын бус виз мэдүүлгийн хураамжийн (буюу MRV хураамж) төлбөр нь тухайн баримт олгосон өдрөөс хойш 365 хоногийн хугацаанд хүчинтэй байна. Энэхүү 365 хоногийн хугацаанд виз мэдүүлэгч нь ярилцлагын цагаа товлох эсвэл ярилцлагаас чөлөөлөгдөх өргөдлөө өгөх ёстойг анхаарна уу. Ярилцлага энэхүү 365 хоногийн хугацаанд явагдах ёстой гэсэн заалт байхгүй. 2022 оны 10-р сарын 1-ээс өмнө MRV хураамжийг төлсөн бүх баримтыг 2023 оны 9-р сарын 30 хүртэл сунгасан бөгөөд энэ өдрийг хүртэл хүчинтэй хэвээр байна.