ඔක්තෝබර් 25 වන දින, ජනාධිපති බයිඩන් "COVID-19 වසංගතය අතරතුර ගෝලීය සංචාර ආරක්ෂිතව නැවත ආරම්භ කිරීම ඉදිරියට ගෙන යාමේ ප්‍රකාශයක්" යන මාතෘකාව යටතේ ජනාධිපති ප්‍රකාශයක් ප්‍රකාශයට පත් කළේය. 2021 නොවැම්බර් 8 වන දින නැගෙනහිර සම්මත වේලාවෙන් පෙ.ව. 12:01 ට ක්‍රියාත්මක වූ මෙම ප්‍රකාශය, ජනාධිපති ප්‍රකාශන (PP) 9984, 9992, 10143, සහ 10199 යටතේ බ්‍රසීලය, චීනය, ඉන්දියාව, ඉරානය, අයර්ලන්තය, ෂෙන්ගන් ප්‍රදේශය, දකුණු අප්‍රිකාව සහ එක්සත් රාජධානිය යන රටවල භෞතිකව සිටින පුද්ගලයින් එක්සත් ජනපදයට ඇතුළුවීම අත්හිටුවීමට අදාළ වන පරිදි ගමන් සීමා කිරීම් අවසන් කරනු ලදී. මෙම සීමාවන් වෙනුවට සියලුම වැඩිහිටි විදේශීය ජාතික සංචාරකයින් සඳහා ගෝලීය එන්නත් අවශ්‍යතාවයක් ජනාධිපතිවරයා විසින් ප්‍රකාශයට පත් කළේය. මානුෂීය අවශ්‍යතා හේතුවෙන් ව්‍යතිරේක සහ අත්හැරීම් පිළිබඳ විස්තර ඇතුළුව, මෙම ගෝලීය එන්නත් අවශ්‍යතාවය පිළිබඳ වැඩි විස්තර, රෝග පාලන සහ වැළැක්වීමේ මධ්‍යස්ථාන වෙබ් අඩවියෙන් ලබා ගත හැක.


ජනවාරි 26 වන දින සිට බලපැවැත්වෙන පරිදි, රෝග පාලනය හා වැළැක්වීමේ මධ්‍යස්ථානය (සීඩීසී) එක්සත් ජනපදයට ඇතුළු වන සියලුම ගුවන් මගීන් පිටවීමට පැය 72 ක් ඇතුළත ගනු ලබන COVID-19 ආසාදිතයෙක් නොවන බවට තහවුරු කරන පරීක්ෂණයක් ඉදිරිපත් කළ යුතුය. (අදාළ ජාතික අධිකාරිය විසින් අනුමත කරන ලද හෝ බලයලත් SARS-CoV-2 සඳහා වෛරස් හඳුනාගැනීමේ පරීක්ෂණයේ අනුමත කරන ලද) ගුවන්යානයට නැගීමට පෙර සියලුම මගීන් සඳහා ආසාදිතයෙක් නොවන බවට තහවුරු කරන පරීක්ෂණ ප්‍රතිපල තහවුරු කළ යුතුය. ආසාදිතයෙක් නොවන බවට තහවුරු කරන පරීක්ෂණයක් හෝ ප්‍රකෘතියක් පිළිබඳ ලියකියවිලි ලබා නොදෙන්නේ නම් මගීන්ට ගුවන්යානයට ගොඩවීම ප්‍රතික්ෂේප කළ යුතුය. මෙම අවශ්‍යතාවය වීසා බලපත්‍ර ඉදිරිපත් කිරීමේ ක්‍රියාවලියෙන් පරිබාහිරව ඇත. COVID-19 හේතුවෙන් සංචාරය සීමා කරන සියලුම ජනාධිපති ප්‍රකාශන ක්‍රියාත්මක වන අතර, පරීක්ෂණ ප්‍රතිපල හෝ එන්නත් කිරීමේ තත්ත්වය නොසලකා සංචාරකයින්ට දිගටම අදාළ වේ. ජාතික ව්‍යතිරේකයක් (National Interest Exception) ඇති සංචාරකයින් ද පිටත්වීමට පෙර අදාළ සියලුම පරීක්ෂණ අවශ්‍යතා වලට යටත් වේ.පරීක්ෂණ අවශ්‍යතාවයෙන් නිදහස් වීම පිළිබඳ වැඩි විස්තර සඳහා කරුණාකර මෙහි පිවිසෙන්න.

මීට අමතරව, ඔබ උණ වැනි රෝග ලක්ෂණ අත්විඳින්නේ නම් හෝ ඔබ නව කොරෝනා වෛරසයට නිරාවරණය වී ඇතැයි විශ්වාස කරන්නේ නම්, ඔබගේ වීසා සම්මුඛ පරීක්ෂණය අවම වශයෙන් දින 14 කින් කල් දැමීමට දැඩි ලෙස දිරිමත් කරනු ලැබේ.


කොළඹ එක්සත් ජනපද තානාපති කාර්යාලය වැඩි සංක්රමණික හා සංක්රමණ නොවන වීසා සේවා සැපයීමට පටන් ගෙන තිබේ. තානාපති කාර්යාලය මේ වන විට සියළුම IR කාණ්ඩයේ සංක්රමණ වීසා බලපත්ර, පවුල් මනාප සංක්රමණ වීසා, විවිධත්ව වීසා, මානුෂීය හා වෛද්ය හදිසි වීසා, ශිෂ්ය සංක්රමණ නොවන වීසා, පෙත්සම් පදනම් කරගත් සංක්රමණ නොවන වීසා සහ C1/D සංක්රමණ නොවන වීසා බලපත්ර සේවා සැකසෙමින් පවතී. එක්සත් ජනපද තානාපති කාර්යාලය අදාළ වීසා සේවා සැපයීම ප්රායෝගිකව කඩිනමින් කිරීමට අපේක්ෂා කරන අතර, පසුගිය කාලය කාලය තුළ සිදු වු සැලකිය යුතු පසුබෑම හේතුවෙන් එවැනි සේවාවන් සම්පුර්ණ කිරීම සඳහා රැඳී සිටීමේ කාලය වැඩිවීමට ඉඩ ඇත. MRV ගාස්තු එය ගෙවූ දිනයේ සිට 30 සැප්තැම්බර් 2023 දක්වා වලංගු වන අතර සම්මුඛ පරීක්ෂණ හමුවීමක් වෙන්කරවා ගැනීමට භාවිතා කළ හැකිය. ඔබට හදිසිකාරණයක් තිබේ නම් සහ වහාම ගමන්කිරීමට අවශ්යනම්, කරුණාකර https://www.ustraveldocs.com/lk/lk-niv-expeditedappointment.asp හි ලබා දී ඇති මාර්ගෝපදේශය අනුගමනය කර හදිසි හමුවීමක් ඉල්ලා සිටින්න.


බොහෝ වීසා බලපත්‍ර අයදුම්කරුවන් වීසා අයදුම්පත් සැකසීමේ ගාස්තුව ගෙවා ඇති අතර වීසා හමුවීමක් උපලේඛනගත කිරීමට තවමත් බලා සිටින බව ශ්‍රී ලංකාවේ එක්සත් ජනපද තානාපති කාර්යාලයේ අවධානයට යොමුවී ඇත. සියලුම සාමාන්‍ය වීසා මෙහෙයුම් හැකි ඉක්මනින් හා ආරක්ෂිතව යථා තත්වයට පත් කිරීමට අපි උනන්දුවෙන් කටයුතු කරන්නෙමු. මේ අතර, එක්සත් ජනපද දූත මණ්ඩලය විසින් ඔබේ ගෙවීම් වලංගු භාවය (එම්ආර්වී ගාස්තුව ලෙස හැඳින්වේ) 2023 සැප්තැම්බර් 30 දක්වා දීර්ඝ කරන ලද බවට මෙයින් දන්වා සිටී. කොන්සියුලර් මෙහෙයුම් සඳහා දැනටමත් ගෙවා ඇති ගාස්තුව සමඟ වීසා හමුවීමක් උපලේඛනගත කිරීමට සහ / හෝ සහභාගී වීමට අවස්ථාවක් ලබා ගැනීමට, සාමාන්‍ය වීසා මෙහෙයුම් සඳහා නැවත පැමිණෙන්නේ කවදාද යන්න පිළිබඳ තොරතුරු දැන ගැනීම සඳහා කරුණාකර මෙම වෙබ් අඩවිය දිගටම නිරීක්ෂණය කරන්න.


ලේකම් බ්ලින්කන්, ස්වදේශ ආරක්ෂක දෙපාර්තමේන්තුව සමඟ සාකච්ඡා කර, එකම වර්ගීකරණයක් තුළ සංක්‍රමණ නොවන වීසා බලපත්‍රයක් සඳහා ඉල්ලුම් කරන පුද්ගලයින් සඳහා පුද්ගල සම්මුඛ පරීක්ෂණ අවශ්‍යතාවයෙන් නිදහස් වීමට ඇති හැකියාව තාවකාලිකව පුළුල් කර තිබේ. මීට පෙර, සංක්‍රමණ නොවන වීසා බලපත්‍රය මාස 24 ක් තුළ කල් ඉකුත් වූ අයදුම්කරුවන් පමණක් සම්මුඛ පරීක්ෂණ අත්හැරීම සඳහා සුදුසුකම් ලබා තිබූ අතර, ලේකම් බ්ලින්කන් විසින් කල් ඉකුත් වීමේ කාලය මාස 48 දක්වා තාවකාලිකව දීර්ඝ කර තිබේ. මෙම ප්‍රතිපත්තිය 2021 දෙසැම්බර් 31 දක්වා බලපැවැත්වේ. මෙමගින් කොන්සියුලර් අංශයට පෙනී සිටිය යුතු අයදුම්කරුවන්ගේ සංඛ්‍යාව සීමා කරන අතරම කොන්සියුලර් නිලධාරීන්ට ඇතැම් සංක්‍රමණ නොවන වීසා බලපත්‍ර අයදුම්පත් අඛණ්ඩව සැකසීමට ඉඩ සලසයි. එමඟින් අනෙකුත් අයදුම්කරුවන්ට සහ කොන්සියුලර් කාර්ය මණ්ඩලයට COVID-19 සම්ප්‍රේෂණය වීමේ අවදානම අවම කරනු ඇත. දැනට පවතින සේවාවන් පිළිබඳ සවිස්තරාත්මක තොරතුරු සඳහා මෙන්ම සම්මුඛ පරීක්ෂණයකින් තොරව වීසා බලපත්‍රයක් සඳහා අයදුම් කිරීම පිළිබඳ සුදුසුකම් පිළිබඳ තොරතුරු සහ උපදෙස් සඳහා ළඟම ඇති එක්සත් ජනපද තානාපති කාර්යාලයේ හෝ කොන්සියුලර් කාර්යාලයේ වෙබ් අඩවිය සමාලෝචනය කිරීමට සංචාරකයින් දිරිමත් කරනු ලැබේ.


පවත්නා විදේශ විනිමය අනුපාතය මත පදනම්ව කොන්සියුලර් විනිමය අනුපාතය වරින් වර සංශෝධනය කෙරේ. ඔබගේ වීසා ගාස්තු ගෙවීමට පෙර, කරුණාකර ඔබගේ තැන්පතු පත්‍රිකාවේ ගාස්තු, වීසා ගාස්තු පිටුවේ ලැයිස්තුගත කර ඇති වත්මන් කොන්සියුලර් විනිමය අනුපාතයට ගැලපෙන බව තහවුරු කරන්න.


Mount Rushmore - South Dakota

ශ්‍රී ලංකාව සහ මාල දිවයින සඳහා එක්සත් ජනපද වීසා බලපත්‍ර තොරතුරු සේවාව වෙත සාදරයෙන් පිළිගනිමු. මෙම වෙබ් අඩවිය මත ඔබට එක්සත් ජනපද සංක්‍රමණ සහ සංක්‍රමණ නොවන වීසා බලපත්‍ර සහ එක එකක් අයදුම් කිරීම සඳහා අයදුම් කිරීමට වන අවශ්‍යතා පිළිබඳ සොයා ගත හැකිය. එමෙන්ම අවශ්‍ය කරන වීසා බලපත්‍ර අයදුම් පත් ගාස්තු ගෙවන ආකාරය, සහ කොළඹ පිහිටි එක්සත් ජනපද තානාපති කාර්යාලයේදී සම්මුඛ පරීක්ෂණ හමුවීමක් වෙන්කරවා ගන්නා ආකාරය හැදෑරීමට හැකිය:-

මේ ශ්‍රී ලංකාවේ එක්සත් ජනපද දූත මණ්ඩලයේ නිල වීසා බලපත්‍ර තොරතුරු වෙබ් අඩවියයි.

සංක්‍රමණ නොවන වීසා බලපත්‍ර තොරතුරු


සංක්‍රමණ නොවන වීසා බලපත්‍ර අයදුම්පත්‍රය


සංක්‍රමණ වීසා බලපත්‍ර තොරතුරු