ສະຖານທູດສະຫະລັດອາເມລິກາ ປະຈຳນະຄອນຫຼວງວຽງຈັນຈະປ່ຽນອັດຕາແລກປ່ຽນກົງສຸນຈາກ 1 USD=12,000 LAK ເປັນ 1 USD=13,000 LAK ພຶດສະພາ 5 ທັນວາ 2022 ເປັນຕົ້ນໄປ.

ຜູ້ຍື່ນຂໍວີຊາເຂົ້າເມືອງຊົ່ວຄາວທັງໝົດທີ່ຊຳລະຄ່າທຳນຽມການດຳເນີນວີຊາໃນ ຫຼື ຫຼັງຈາກວັນທີ 5 ພຶດສະພາ 2022 ຈະຕ້ອງຊຳລະຄ່າທຳນຽມຕາມອັດຕາແລກປ່ຽນໃໝ່.

ຜູ້ສະໝັກທີ່ຊຳລະຄ່າທຳນຽມການດຳເນີນວີຊາໃນອັດຕາແລກປ່ຽນເກົ່າໃນ ຫຼື ກ່ອນວັນທີ 4 ພຶດສະພາ 2022 ຍັງສາມາດນຳໃຊ້ໃບຮັບເງິນພາຍໃນໜຶ່ງປີ.


“ໃນວັນທີ 25 ຕຸລາ, ປະທານາທິບໍດີ Biden ໄດ້ອອກຖະແຫຼງການຂອງປະທານາທິບໍດີທີ່ມີຫົວຂໍ້ວ່າ "ຖະແຫຼງການກ່ຽວກັບສົ່ງເສີມການຟື້ນຟູການເດີນທາງທົ່ວໂລກທີ່ປອດໄພ ໃນໄລຍະການລະບາດຂອງ COVID-19.” ປະກາດນີ້, ມີຜົນສັກສິດໃນເວລາ 12:01 ໂມງເຊົ້າ (ຕາມເວລາມາດຕະຖານຕາເວັນອອກ) ວັນທີ 8 ພະຈິກ ປີ2021, ຈະຢຸດຕິການຈຳກັດການເດີນທາງອີງຕາມຖະແຫຼງການຂອງປະທານາທິບໍດີ (PP) ເລກທີ 9984, 9992, 10143 ແລະ 10199. ຖະແຫຼງການເຫຼົ່ານີ້ກ່ຽວຂ້ອງກັບການໂຈະການເຂົ້າປະເທດສະຫະລັດອາເມຣິກາ ສໍາລັບຜົນລະເມືອງທີ່ອາໄສຢູ່ໃນປະເທດບຣາຊິນ, ຈີນ, ອິນເດຍ, ອີຣ່ານ, ໄອແລນ, ເຂດ Schengen, ອາຟຣິກາໃຕ້, ແລະສະຫະລາຊະອານາຈັກ. ແທນທີ່ຂໍ້ຈໍາກັດເຫຼົ່ານີ້, ປະທານາທິບໍດີໄດ້ປະກາດຂໍ້ກໍານົດການສັກຢາປ້ອງກັນທົ່ວໄປສໍາລັບນັກທ່ອງທ່ຽວຕ່າງປະເທດຜູ້ໃຫຍ່ທຸກຄົນ. ຖະແຫຼງການນີ້ນຳໃຊ້ກັບຜູ້ໂດຍສານທີ່ບິນໄປສະຫະລັດອາເມລິກາ ໂດຍອອກເດີນທາງຫຼັງເວລາ12:01 ໂມງເຊົ້າ ຕາມເວລາມາດຕະຖານຕາເວັນອອກຂອງວັນທີ 8 ພະຈິກ ປີ 2021. ຂໍ້ມູນເພີ່ມເຕີມກ່ຽວກັບຂໍ້ກໍານົດຂອງການສັກຢາປ້ອງກັນໂລກນີ້, ລວມທັງລາຍລະອຽດກ່ຽວກັບການຍົກເວັ້ນແລະການຍົກເວັ້ນຍ້ອນຄວາມກັງວົນດ້ານມະນຸດສະທໍາ, ກະລຸນາເບິ່ງເວັບໄຊທ໌ທີ່ https://travel.state.gov/content/travel/en/News/visas-news/safely-resuming-travel-by-vaccine-requirement-and-rescission-of-travel-restrictions.html.

ຕາມຖະແຫຼງການຂອງປະທານາທິບໍດີ Biden, ນັບແຕ່ວັນທີ 8 ພະຈິກນີ້, ກະຊວງການຕ່າງປະເທດສະຫະລັດສາມາດເລີ່ມດຳເນີນການໃຫ້ຂໍວີຊາສຳລັບຜູ້ສະໝັກທີ່ອາໄສຢູ່ປະເທດດັ່ງກ່າວ.

ກະລຸນາຮັບຊາບວ່າ ຖະແຫຼງການຂອງປະທານາທິບໍດີ (PP) ເຫຼົ່ານີ້ ໄດ້ສິ້ນສຸດແຕ່ບໍ່ໄດ້ຫມາຍຄວາມວ່າ ສະຖານທູດຫຼືກົງສຸນສະຫະລັດສາມາດຈັດຕາຕະລາງໃຫ້ຜູ້ສະຫມັກທີ່ຖືກຮັບຜົນກະທົບສໍາລັບການສໍາພາດວີຊາໄດ້ທັນທີ. ຖ້າທ່ານຢາກຮູ້ຂໍ້ມູນເພີ່ມເຕີມກ່ຽວກັບປະເພດຂອງການບໍລິການວີຊ່າທີ່ເປີດຢູ່ໃນຂະນະນີ້ ແລະຄໍາແນະນໍາກ່ຽວກັບການຍື່ນຂໍວີຊາຄົນເຂົ້າເມືອງຊົ່ວຄາວ ກະລຸນາເຂົ້າເວັບໄຊທ໌ຂອງສະຖານທູດ/ກົງສຸນຫຼືເວັບໄຊທ໌”


ສູນຄວບຄຸມ ແລະ ປ້ອງກັນພະຍາດ (CDC) ຮຽກຮ້ອງໃຫ້ຜູ້ໂດຍສານທັງໝົດທີ່ເດີນທາງໄປສູ່ສະຫະລັດອາເມລິກາໂດຍທາງອາກາດ ຈະຕ້ອງຍື່ນຜົນການກວດ COVID-19 ທີ່ບໍ່ພົບເຊື້ອຂອງພະຍາດທີ່ກວດ (ການວິໄຈເພື່ອຄົ້ນຫາໄວຣັດ SARS-CoV-2ທີ່ໄດ້ຮັບການອະນຸມັດ ຫຼື ຮັບຮອງຈາກອົງການທີ່ກ່ຽວຂ້ອງແຫ່ງຊາດ) ພາຍໃນ 1 ມື້ກ່ອນການອອກເດີນທາງ. ສາຍການບິນຕ້ອງຢັ້ງຢືນຜົນການກວດທີ່ບໍ່ພົບເຊື້ອຂອງພະຍາດສໍາລັບຜູ້ໂດຍສານທັງໝົດກ່ອນການຂຶ້ນເຮືອບິນ. ສາຍການບິນຕ້ອງປະຕິເສດການຂຶ້ນເຮືອບິນຂອງຜູ້ໂດຍສານສໍາລັບຜູ້ທີ່ບໍ່ຍື່ນເອກະສານກ່ຽວກັບການກວດທີ່ບໍ່ພົບເຊື້ອຂອງພະຍາດ ຫຼື ການປິນປົວທີ່ດີແລ້ວ. ຂໍ້ກໍານົດນີ້ແມ່ນແຍກອອກຈາກຂັ້ນຕອນການຍື່ນຂໍວີຊາ. ທຸກໆຄໍາຖະແຫຼງການຂອງທ່ານປະທານາທິບໍດີກ່ຽວກັບຂໍ້ຈໍາກັດການເດີນທາງອັນເນື່ອງມາຈາກເຊື້ອພະຍາດ COVID-19 ຍັງມີຜົນສັກສິດ ແລະ ສືບຕໍ່ນໍາໃຊ້ສໍາລັບຜູ້ທີ່ຄາດໝາຍຈະເດີນທາງໄປສະຫະລັດອາເມລິກາໂດຍບໍ່ຄໍານຶງເຖິງຜົນການກວດ ຫຼື ສະຖານະພາບການສັກຢາກັນພະຍາດຂອງເຂົາເຈົ້າ. ຜູ້ເດີນທາງເຂົ້າມາປະເທດທີ່ຖືຂໍ້ຍົກເວັ້ນໂດຍຜົນປະໂຫຍດແຫ່ງສະຫະລັດອາເມລິກາ ກໍ່ຕ້ອງປະຕິບັັດຕາມຂໍ້ກໍານົດຕ່າງໆໃນການກວດຫາເຊື້ຶອພະຍາດກ່ອນການອອກເດີນທາງ. ສໍາລັບຂໍ້ມູນເພີ່ມຕື່ມກ່ຽວກັບການຍົກເວັ້ນຂໍ້ກໍານົດໃນການກວດຫາເຊື້ອພະຍາດດັ່ງກ່າວ, ກະລຸນາກົດເຂົ້າເບີ່ງທີ່ນີ້.


ສະຖານທູດສະຫະລັດອາເມລິກາປະຈໍາຢູ່ ສປ ປ ລາວເຂົ້າໃຈວ່າ ຜູ້ສະໝັກຂໍວີຊາຫຼາຍທ່ານໄດ້ຊໍາລະຄ່າທໍານຽມວີຊາແລ້ວ ແລະ ກໍາລັງລໍຖ້ານັດໝາຍສໍາພາດຂໍວີຊາ. ພວກເຮົາກຳລັງເຮັດວຽກຢ່າງສຸດຄວາມສາມາດ ເພື່ອຟື້ນຟູການດຳເນີນງານວີຊາທັງໝົດໃຫ້ປົກກະຕິ ແລະ ປອດໄພເທົ່າທີ່ຈະເປັນໄປໄດ້. ໃນລະຫວ່າງນີ້, ໃຫ້ທ່ານໝັ້ນໃຈໄດ້ວ່າ ສະຖານທູດສະຫະລັດອາເມລິກາຈະຕໍ່ອາຍຸການນໍາໃຊ້ຂອງໃບບິນຈ່າຍເງີນດັ່ງກ່າວຂອງທ່ານ (ຄ່າທໍານຽມ MRV) ຈົນຮອດວັນທີ 30 ກັນຍາ 2023, ເພື່ອໃຫ້ຜູ້ສະໝັກຂໍວີຊາທີ່ບໍ່ສາມາດນັດໝາຍສໍາພາດເນື່ອງຈາກການຢຸດຕິການບໍລິການແບບປົກກະຕິຂອງທາງກົງສຸນ ຈະໄດ້ມີໂອກາດນັດໝາຍສໍາພາດ ແລະ/ ຫຼືເຂົ້າມາສໍາພາດຂໍວີຊາຕາມຄ່າທໍານຽມວີຊາທີ່ໄດ້ຈ່າຍໄປແລ້ວ.


ເພື່ອຮັບຮູ້ບັນດາຂໍ້ມູນການຈຳກັດການຕ່າງໆດ້ານເດີ່ນທາງຂອງໂຄງການຍົກເວັ້ນວີຊາ, ລວມມີຄວາມຕ້ອງການກ່ຽວກັບປັດສະປອດເອເຫຼັກໂຕນິກ ກະລຸນາເຂົ້າເບີງໃນເວບ https://travel.state.gov/content/travel/en/us-visas/tourism-visit/visa-waiver-program.html.


Mount Rushmore - South Dakota

ຍິນດີຕ້ອນຮັບເຂົ້າສູ່ເວັບໄຊ໌ບໍລິການ ການຍື່ນຂໍວີຊາສໍາລັບ ປະເທດລາວ. ໃນເວັບໄຊ໌ນີ້, ທ່ານສາມາດຊອກຫາຂໍ້ມູນກ່ຽວກັບວີຊາເຂົ້າເມືອງຊົ່ວຄາວ ແລະ ວີຊາເຂົ້າເມືອງຖາວອນຂອງ ສະຫະລັດອາເມລິກາ ແລະ ເງື່ອນໄຂໃນການຍື່ນຂໍວີຊາສຳລັບວີຊາແຕ່ລະປະເພດ. ທ່ານຍັງສາມາດຮຽນຮູ້ວິທີຊຳລະຄ່າທຳນຽມຍື່ນຂໍວີຊາ ແລະ ຈອງການນັດສຳພາດທີ່ສະຖານທູດສະຫະລັດ ທີ່ວຽງຈັນ.

ເວັບໄຊ໌ນີ້ ແມ່ນເວັບໄຊ໌ທາງການທີ່ສະໜອງຂໍ້ມູນ ກ່ຽວກັບການຍື່ນຂໍວີຊາ ຂອງສຳນັກງານການທູດຂອງ ສະຫະລັດອາເມລິກາ ປະຈຳ ລາວ.

ຂໍ້ມູນ ກ່ຽວກັບ ວີຊາຄົນເຂົ້າເມືອງຊົ່ວຄາວ


ການຍື່ນ ໃບຄຳຮ້ອງຂໍ ວີຊາຄົນເຂົ້າເມືອງຊົ່ວຄາວ


ຂໍ້ມູນ ກ່ຽວກັບ ວີຊາຄົນເຂົ້າເມືອງຖາວອນ