Kuv Lub Sijhawm Teem Caij Mus Ntsib
Ntawm nplooj ntawv no:
- Rov Qab Saib Xyuas Tag Nrho
- Cov Ntaub Ntawv Pab Txhawb
- Kev Txwv Pauv Hloov Kev Teem Caij Mus Ntsib
- Tus neeg thov tsis yog pej xeem Nplog
- Kev Nqi Tes Ua Ntau Yam Ntxiv
Rov Qab Saib Xyuas Tag Nrho
Ib txwm, ib tug neeg txawv tebchaws uas xav mus saib Tebchaws Meskas yuav tsum tau daim ntawv vixaj, tsis hais daim ntawv vixaj nkag tebchaws ib ntus lossis vixaj nkag mus nyob hauv tebchaws rau cov neeg muaj chaw nyob ruaj ntseg. Cov neeg ntawm lub tebchaws muaj cai tej zaum tuaj yeem mus Tebchaws Meskas tau yam tsis tas muaj vixaj raws li Hom Kev Zam Tsis Muaj Vixaj. Yog koj tsis muaj cai rau hom Kev Zam Tsis Muaj Vixaj lossis yog koj tabtom mus kawm ntawv, ua haujlwm, lossis koom txoj haujlwm sib pauv hloov, koj yuav tsum thov hom vixaj nkag tebchaws ib ntus.
Cov neeg thov vixaj Meskas tus kheej yuav tsum tshwm ntsej muag thaum xam phaj muab vixaj rau tom Xab Tham Thuj lossis Koos Xum Meskas. Koj yuav teem caij mus ntsib rau qhov xam phaj ntawd, uas yog mus siv hauv online rau ntawm lub website no lossis teem caij rau tom lub chaw pabcuam.
Cov Ntaub Ntawv Pab Txhawb
Yuav teem caij sib ntsib rau hom vixaj nkag tebchaws ib ntus, koj yuav tsum muaj cov ntaub ntawv txuas mus ntxiv no thiab muaj cov ntaub ntawv coj los siv tau:
- Ib phau ntawv hla tebchaws raug cai siv taug kev mus Tebchaws Meskas yuav tsum siv tau tsawg kawg yog rau lub hli dhau lub sijhawm uas koj xav mus nyob Tebchaws Meskas (tshwj tsis yog muaj kev zam raws li lub tebchaws uas tau muaj kev sib cog lus pom zoo lawm). Yog muaj ntau dua ib tug neeg nyob rau hauv koj phau ntawv hla tebchaws, tus neeg no xav tau vixaj nws yuav tsum xa ib daim ntawv thov mus;
- Koj tus nqi them rau daim ntawv thov vixaj (MRV);
- Koj nplooj ntawv lees paub daim ntawv foos DS-160;
- Koj tus e-mail; thiab
- Yog tsim nyog, xav tau cov ntaub ntawv raws li koj theem vixaj (xws li ib daim ntawv thov kev pom zoo rau cov vixaj; cov ntaub ntawv ntxiv ntsig txog hom vixaj thiab cov ntaub ntawv ntsig txog txhua yam tuaj yeem nrhiav tau rau ntawm no).
Kev Txwv Pauv Hloov Kev Teem Caij Mus Ntsib
Cov neeg thov rov qab teem caij sib ntsib dua tshiab yuav raug txwv tsis pub lawv teem caij tau ntau zaus. Thov npaj raws li qhov ntawd koj thiaj tsis tau them lwmyam nqi vixaj ntxiv.
Tus neeg thov tsis yog pej xeem Nplog
Koj tuaj yeem thov hom vixaj mus nyob ib ntus rau huav txhua lub teb chaw uas koj tab tom nyob: koj tsis tag yuav yog neeg pej xeem los sis cov neeg nyob. Txawm li cas los xij, tsis hais koj yuav thov vixaj qhov twg, koj yuav tsum ua kom tau raws li txhua cov kev xav tau ntawm hom vixaj uas koj tab tom thov, suav nrog rau pov thawj kev sib nraug zoo nyob sab nraum teb chaws Meskas.
Thov nco ntsoov hai tias:
- Koj yuav tsum tau them tus nqi vixaj mus nyob ib ntus rau lub teb chaws koj thov.
- Koj yuav coj tsis tau tus neeg txhais lus nrog koj mus yog tias koj tsis paub hais lus Askiv los sis cov lus ntawm lub teb chaws koj thov.
- Yog tias hom vixaj koj thov xav tau koj cov ntaub ntawv, koj yuav tsum tau muab koj cov ntaub ntawv txhais los uas lus Askiv los sis cov lus ntawm lub teb chaws koj thov.
- Tsis muaj kev lees paub tias vixaj yuav raug pom zoo muab rau koj. Yog tsis raug pom zoo muab, yuav tsis thim cov nqi vixaj rov qab.
- Tom qab xam phaj thov vixaj, koj li vixaj yuav raug pom zoo muab rau koj los yog tsis raug pom zoo muab. Yog tias koj tsis muaj pov thawj txaus tsim nyog muab vixaj, cov tub tsav xwm koos xum yuav txiav txim kuaj xyuas txuas ntxiv rau koj kom koj los ntxiv cov ntaub ntawv pov thawj los pab kom tsim nyog rau koj. Yuav tsis muaj lub sij hawm kom paub meej tias thaum twg li ua tiav thiab xa koj daim ntawv hla teb chaws rov qab rau koj.
- Tom qab xa, daim ntawv thov hom vixaj mus nyob ib ntus thiab them nqi lawm yuav xa tsis tau mus rau xab tham thuj los sis koos xum lwm qhov chaws.
- Ntau qhov chaw xab tham thuj thiab koos xum pom zoo ua ntej rau cov kev teem caij xam phaj ntawm cov pej xeem thiab cov neeg nyob raug cai rau lub teb chaws lawv nyob. Tej thaum lub sij hawm tos xam phaj yuav ntev dua rau cov neeg tsis yog nyob hauv teb chaws.