भिसा शुल्क

यो पृष्ठमा:


सिंहावलोकन

बालबालिकाहरू लगायत भिसा आवेदकहरूले गैर-आप्रवासी भिसाको लागि आवेदन गर्नुभन्दा पहिले, कहिलेकाहीँ MRV शुल्क भनिने फिर्ता नहुने, अरूको नाउँमा सार्न नमिल्ने भिसा आवेदन शुल्क तिर्न आवश्यक छ । भिसा जारी भए पनि वा नभए पनि भिसा आवेदन शुल्क तिर्नैपर्छ । तपाईँले आवेदन गरेको भिसाको प्रकारले शुल्क राशि निर्धारण गर्छ । तपाईँको नागरिकता र तपाईँले आवेदन गरेको भिसाको प्रकार अनुसार, तपाईँले भिसा इस्सुएन्स वा "रेसिप्रोसिटी" शुल्क तिर्नुपर्ने हुनसक्छ । यस वेबपेजमा प्रत्येक गैर-आप्रवासी भिसा प्रकारसँग सम्बन्धित भिसा आवेदन शुल्कको सूची संलग्न छ ।

यहाँ दिइएको सूची गैर-आप्रवासी भिसाहरूको आवेदन शुल्कको लागि मात्र हो ।

भुक्तानीसम्बन्धी जानकारी

शुल्क अमेरिकी डलरमा सूचीबद्ध भए तापनि भुक्तानी स्थानीय मुद्रामा गरिनु पर्छ । तपाईँले नेपाल इन्भेष्टमेन्ट बैंक लिमिटेड (NIBL) का कुनै पनि शाखामा शुल्क तिर्न सक्नुहुन्छ । भुक्तानीका विकल्प बारे थप जानकारी यहाँ छ । नेपाल इन्भेष्टमेन्ट बैंक लिमिटेड (NIBL) को शाखा खोज्न यहाँ क्लिक गर्नुहोस् ।

सीमितता

तपाईँको भिसा आवेदन शुल्क फिर्ता हुँदैन र अरूको नाउँमा सार्न पनि मिल्दैन । आवेदन शुल्क तिरेपछि तपाईँले एउटा रसिद प्राउनुहुनेछ । यो रसिद भुक्तानीको मितिदेखि एक वर्षको लागि वैध रहन्छ र यसले तपाईँलाई अमेरिकी दूतावासमा अन्तर्वार्ता निर्धारण गर्ने मौका दिन्छ । तपाईँले आफ्नो अन्तर्वार्ता रसिद वैध रहेको अवधिभत्र निर्धारण गरिसक्नुपर्छ, अर्थात् शुल्क तिरेको एक वर्षभित्र अन्तर्वार्ताको लागि बुकिङ गरिसक्नुपर्छ । शुल्क तिरेको एक वर्षभित्र अन्तर्वार्ता निर्धारण नगरेमा तपाईँको रसिदको म्याद समाप्त हुनेछ, तपाईँले अन्तर्वार्ता निर्धारण गर्नसक्नु हुनेछैन र तपाईँले फेरि शुल्क तिरेर नयाँ प्रक्रिया सुरु गर्नुपर्नेछ ।

भिसा प्रकार र आवेदन शुल्क राशि

एउटा भिसाको आवेदनको लागि मात्र लागु हुने गरी आवेदन शुल्कहरूको सूची तल दिइएको छ । सबैभन्दा सामान्य प्रकारको गैर-आप्रवासी भिसाको लागि आवेदन शुल्क US$ 160 छ । यसमा पर्यटक, व्यापार/व्यवसाय, विद्यार्थी, र आदानप्रदान भिसा पर्दछन् । कामदार र धार्मिक भिसा जस्ता अधिकांश पेटिसनमा आधारित भिसाको शुल्क US$ 190 छ । K भिसाको शुल्क US$ 265 छ र E भिसाको लागि शुल्क राशि US$ 205 छ । तलको तालिकामा भिसा प्रकार र शुल्क राशिको अझ बृहत् सूची दिइएको छ ।

भिसा प्रकार र आवेदन शुल्क राशि - शुल्क वर्गअनुसार क्रमबद्ध
शुल्क राशि (USD $) शुल्क राशि (NPR) भिसा प्रकार विवरण
$160 N/A B व्यापार व्यवसाय/पर्यटक
$160 N/A C-1 ट्रान्जिट
$160 N/A D जहाज/एयरलाइन टोली
$160 N/A F विद्यार्थी (शैक्षिक)
$160 N/A I पत्रकार र मिडिया
$160 N/A J एक्सचेन्ज आगन्तुक
$160 N/A M विद्यार्थी (व्यावसायिक)
$160 N/A T मानव बेचबिखनका पीडित
$160 N/A TN/TD NAFTA प्रोफेसनल
$160 N/A U आपराधिक गतिविधिका पीडित
$190 N/A H अस्थायी/मौसमी कामदार र रोजगार, प्रशिक्षार्थी
$190 N/A L इन्ट्राकम्पनी ट्रान्सफरी
$190 N/A O असाधारण क्षमता भएका व्यक्तिहरू
$190 N/A P खेलाडी, कलाकार र मनोरञ्जन गराउनेहरू
$190 N/A Q अन्तर्राष्ट्रिय सांस्कृतिक आदानप्रदान
$190 N/A R धार्मिक कामदार
$205 N/A E ट्रिटी ट्रेडर/इन्भेस्टर, अस्ट्रेलियन प्रोफेसनल स्पेसल्टी
$265 N/A K अमेरिकी नागरिकको फियान्से (सी) वा पतिपत्‍नी
भिसा प्रकार र आवेदन शुल्क मात्रा - भिसा प्रकारअनुसार क्रमबद्ध
भिसा प्रकार विवरण शुल्क राशि (USD$) शुल्क राशि (NPR)
B व्यापार व्यवसाय/पर्यटक $160 N/A
C-1 ट्रान्जिट $160 N/A
D जहाज/एयरलाइन टोली $160 N/A
E ट्रिटी ट्रेडर/इन्भेस्टर, अस्ट्रेलियन प्रोफेसनल स्पेसल्टी $205 N/A
F विद्यार्थी (शैक्षिक) $160 N/A
H अस्थायी/मौसमी कामदार र रोजगार, प्रशिक्षार्थी $190 N/A
I पत्रकार र मिडिया $160 N/A
J एक्सचेन्ज आगन्तुक $160 N/A
K अमेरिकी नागरिकको फियान्से (सी) वा पतिपत्‍नी $265 N/A
L इन्ट्राकम्पनी ट्रान्सफरी $190 N/A
M विद्यार्थी (व्यावसायिक) $160 N/A
O असाधारण क्षमता भएका व्यक्तिहरू $190 N/A
P खेलाडी, कलाकार र मनोरञ्जन गराउनेहरू $190 N/A
Q अन्तर्राष्ट्रिय सांस्कृतिक आदानप्रदान $190 N/A
R धार्मिक कामदार $190 N/A
T मानव बेचबिखनका पीडित $160 N/A
U आपराधिक गतिविधिका पीडित $160 N/A
TN/TD NAFTA प्रोफेसनल $160 N/A

कुनै शुल्क आवश्यक नपर्ने भिसा प्रकार र अवस्थाहरू

  • A, G, C-2, C-3, NATO, र कूटनीतिक भिसा (22 CFR 41.26 मा परिभाषित गरे अनुसार) का आवेदकहरू;
  • J भिसा लिएका आवेदकहरू र अमेरिकी सरकारद्वारा प्रायोजित निश्‍चित औपचारिक शैक्षिक र सांस्कृतिक आदानप्रदानमा सहभागी हुनेहरू;
  • मूल भिसा ठीकसँग जोडिएको नभएमा वा भिसा आवेदकको कुनै गल्ती बिना पुनः भिसा जारी गर्न आवश्यक परेमा एक वर्षभित्र मिसिनले पढ्नसक्ने भिसाको प्रतिस्थापन गर्ने;
  • संयुक्त राष्ट्रसंघीय महासभाले मान्यता दिएको संयुक्त राष्ट्रसंघ मुख्यालयमा पर्यवेक्षक मिसन लिएर जाने सदस्य र कर्मचारी लगायतका आवेदकहरू, जसलाई अन्तर्राष्ट्रिय सम्झौताले छूट दिएको छ, र उनीहरूका नजीकका परिवारजन;
  • निश्चित परोपकारी सेवा प्रदान गर्न भ्रमण गर्ने आवेदकहरू;
  • कार्यालयको कामका लागि भ्रमणमा जाने अमेरिकी सरकारका कर्मचारीहरू; र,
  • कर्तव्यपालनाको सिलसिलामा देहान्त भएका अमेरिकी सरकारका कर्मचारीका बाबु वा आमा, भाइबहिनी, श्रीमान्/श्रीमती वा छोराछोरी, जो मृतक कर्मचारीको अन्त्येष्टि र/वा समाधिमा उपस्थित हुने उद्देश्यले भ्रमण गर्दैछन्; वा कर्तव्यपालनाको सिलसिलामा गम्भीर घाइते भएका अमेरिकी सरकारका कर्मचारीका बाबु वा आमा, भाइबहिनी, श्रीमान्/श्रीमती, छोरा वा छोरी, जो तत्काल उपचार र स्वास्थ्यलाभको समयमा भेटघाटका लागि भ्रमण गर्दैछन् ।

अन्य शुल्कहरू

कुनै अवस्थामा, अतिरिक्त भिसा शुल्क राष्ट्रिय भिसा केन्द्र, अमेरिकी दूतावास वा डिपार्टमेन्ट अफ होमल्यान्ड सेकुरिटीमा सिधै भुक्तानी गरिन्छ ।

गैर-आप्रवासी भिसा इस्सुएन्स ("रेसिप्रोसिटी)" शुल्क

केही देशहरूका आवेदकले आफ्नो आवेदन स्वीकृत भएपछि भिसा जारी शुल्क तिर्न आवश्यक हुनसक्छ । यो शुल्क "रेसिप्रोसिटी" (उस्तै भिसा प्रकारको लागि अमेरिकी नागरिकलाई अर्को देशले लिने शुल्क) मा आधारित छ । संयुक्त राज्य अमेरिकाले सम्भव भएसम्म भिसा इस्सुएन्स शुल्क निर्मूल गर्न प्रयास गरिरहेको छ । तथापि, जब कुनै विदेशी सरकारले भिसाको त्यही प्रकारको लागि अमेरिकी नागरिकहरूमाथि यो शुल्क लगाउँछ, तब संयुक्त राज्य अमेरिकाले पनि भिसाको समान प्रकारको लागि त्यस देशको नागरिकहरूमाथि लागि एउटा "रेसिप्रोकल" शुल्क लगाउँछ । अमेरिकी डिपार्टमेन्ट अफ स्टेटको वेबसाइट मा भिसा इस्सुएन्स शुल्कसम्बन्धी थप जानकारी राखिएको छ र यसले तपाईँको राष्ट्रियताको सन्दर्भमा इस्सुएन्स शुल्क लागु हुन्छ कि हुँदैन भन्ने कुरा तय गर्न मद्दत गर्नेछ ।

SEVIS शुल्क

विद्यार्थी र एक्सचेन्ज आगन्तुक सूचना प्रणाली (SEVIS) एउटा इन्टरनेटमा आधारित प्रणाली हो जसले F, M, र J भिसा सहभागी (र उनीहरूका परिवारका सदस्य) हरूलाई तिनीहरूले प्रारम्भिक दस्तावेज (I-20 वा DS--2019) प्राप्त गरेको समयदेखि तिनीहरूले पढाइ पूरा गर्ने/स्कुल छोड्ने वा कार्यक्रम समापन गरेर वा छोडेर जाने बेलासम्म ट्रयाक गर्दछ ।

F, M र J भिसाका मुख्य आवेदकहरू: तपाईँको जानकारी SEVISमा दर्ज गरिएको छ भन्ने सुनिश्चित गर्न आफ्नो अमेरिकी स्कूलमा जाँच गर्नुहोस् । तपाईँले भिसा आवेदन शुल्क बाहेक SEVIS शुल्क अलग्गै तिर्नुपर्नेछ । फारम I-20 भएका गैर-आप्रवासी विद्यार्थीका लागि SEVIS शुल्क US$ 200 छ । फारम DS-2019 भएका अधिकांश एक्चेन्ज आगन्तुकहरूका लागि SEVIS शुल्क US$ 180 छ । तपाईँको विद्यार्थी वा एक्चेन्ज आगन्तुक भिसा जारी हुनुअघि भुक्तानीको प्रमाण आवश्यक छ । अमेरिकी दूतावासमा भुक्तानी गर्न सकिन्न । SEVIS शुल्क तिर्नको लागि निर्देशन यहाँ पाउन सकिन्छ ।

SEVIS शुल्कको अपवाद

अमेरिकी सरकारद्वारा प्रायोजित कार्यक्रममा सहभागी हुने आवेदक (कार्यक्रम जसको कोड G-1, G-2, G-3, G-7बाट सुरु हुन्छ) ले SEVIS शुल्क तिर्न आवश्यक छैन ।

Blanket L शुल्क (धोखा रोकथाम र खोज शुल्क)

L दर्जाको लागि Blanket याचिका अन्तर्गत पर्ने र पहिलो पटक आवेदन गर्ने प्रधान आवेदकलाई धोखा रोकथाम र खोज शुल्क $500 तिर्नुपर्छ। यो शुल्क अन्तर्वार्ताको दिन कन्सुलर विभागमा कैसियरलाई बूझाउनूपर्छ। यदि बादको L-1 भिसा नया फारम I-129S को आधारमा छ भने धोखा रोकथाम र खोज शुल्क पूनः तिर्नुपर्छ।