अमेरिकी भिसाको लागि आवेदन गर्न | Photos and Fingerprints - Nepal (Nepali)

फोटाहरु र औंलाछापहरू

यो पृष्ठमा:


सिंहावलोकन

एउटा गैर आप्रवासी भिसाको लागि आवेदन गर्दा, तपाईंले फारम DS-160 पूरा गरेर पेस गर्नको लागि पछिल्लो छ महिना भित्र लिएको डिजिटल फोटो अपलोड गर्न आवश्यक छ। तपाईंले अमेरिकी दूतावासमा तपाईंको साक्षात्कारको दिन तपाईंको फोटोको एउटा प्रतिलिपि पनि ल्याउनु पर्नेछ। तपाईं अमेरिकी दूतावासमा तपाईंको साक्षात्कार लागि आउँदा तपाईंको औंला छाप पनि गरिनेछ।

डिजिटल फोटोका आवश्यकताहरु

तपाईंको भिसा आवेदन फोटोले आकार र सामाग्री सम्बन्धमा निश्चित मापदण्ड पूरा गर्नुपर्छ। यी मापदण्ड नभएका फोटोहरू पेस गरेमा भिसा आवेदन प्रक्रियामा ढिलाइ हुन सक्छ। तपाईंको फारम DS-160 मा अपलोड डिजिटल फोटो पछिल्लो छ महिना भित्र लिएको हुनुपर्छ, र तलको छविमा देखाइएको नियम पूरा गर्नुपर्छ:

शिरको आकार

तपाईंको टाउकोको उचाइ, कपाल सहित तपाईंको टाउकोको शीर्षदेखि तपाईंको चिउंडोको तलसम्म मापन गरिन्छ, फोटोको कुल उचाइभन्दा 50% र 70%को बीचमा हुनुपर्दछ। तपाईंको आँखाको उचाइ फोटोको तल देखि तपाईंको आँखाको तहसम्म मापन गरिन्छ, 55% र 70%को बीचमा वा फोटोको उचाइको लगभग 2/3- हुनुपर्छ।

फोटोको आयाम

तपाईंको फोटो वर्ग आकारको हुनुपर्छ, अर्थात उचाइ यसको चौडाई जस्तै हुनुपर्छ। तपाईंको फोटोको न्यूनतम आयाम 600 पिक्सेल x 600 पिक्सेल (उचाइ x चौडाई) हो। अधिकतम आयाम 1200 पिक्सेल x 1200 पिक्सेल (उचाइ x चौडाई) हो।

सफल फोटोका लागी 7 चरण

शिर अभिमुखीकरण

तपाईंको भिसा फोटो लिनलाई शिर अभिमुखीकरण महत्त्वपूर्ण छ। फोटो भित्र आफैलाई फ्रेम गराउनुहोस ताकि तपाईंको पूर्ण अनुहार देखियोस। क्यामेरा तिर प्रत्यक्ष अनुहार गरेर आँखा खुला छन् भन्ने सुनिश्चित गर्नुहोस्।

फ्रेम भर्नुहोस्

तपाईंको फोटोमा कपालको माथि देखि चिउंडोको तलसम्म, तपाईंको सम्पूर्ण टाउको देखिनु पर्छ। एउटा राम्रो फोटो मा, तपाईंको टाउकोको उचाइको मापन 1-1-3/8 इन्च (25 देखि 35मिमी) हुनेछ, वा फोटोको 50% देखि 70% बीच भर्नेछ, यसरी:

केन्द्रमा रहनु

फ्रेम भित्र तपाईंको टाउको मध्यमा राख्नुहोस्।

तपाईंका आँखाहरु देखाउनुहोस्

तपाईंको आँखा खुला भएको सुनिश्चित गर्नुहोस्। तपाईंका आंखा फोटोसम्म 2/3 हुनुपर्छ, वा फोटोको मुनीदेखि 1-1/8 इन्च देखि 1-3/8 इन्च (28 मिमी र 35 मिमी)- लगभग 60% को हुनुपर्छ।

पृष्ठभूमि

तस्वीरमा तपाईंको पृष्टभूमि मैलारहित हुनुपर्छ जुन सेतो वा हल्का सेतो हुनुपर्छ। राम्रो परिणामको लागि सादा सेतो वा हल्का सेतो पृष्ठभूमि अगाडि बस्नुहोस्।

छायाँ हटाउनुहोस्

बस्नुहोस् जसले गर्दा तपाईंको अनुहार उज्यालो हुन्छ र कुनै धमिलो छाया तपाईंको अनुहारमा या पृष्ठभूमिमा छैनन्।

आरामसंग बस्नुहोस् र सामान्य देखिनुहोस्

तपाईं यहाँ देखाइएको जस्तै, तपाईंको फोटो लिंदा अनुहारमा एउटा प्राकृतिक अभिव्यक्ति आएको यकीन गर्नुहोस्:

धार्मिक उद्देश्यको लागि दैनिक लगाउने देखि बाहेक, कपाल वा कपालको रेखा अस्पष्ट पार्ने टोपी वा टाउको छोप्ने केही लगाउनु हुंदैन। तपाईंको पूरा अनुहार देखिने हुनुपर्छ, र टाउको छोप्नेले तपाईंको अनुहारमा कुनै पनि छाया पार्नु हुँदैन।

औंलाछाप लगाउनु

भिसा आवेदकहरुलाई भिसा साक्षात्कारको अंशको रुपमा अमेरिकी दूतावासले औंलाछाप  लिन्छ। भिसा आवेदन प्रक्रियाको समयमा, सामान्यतया साक्षात्कारमा, एउटा मसी रहित, डिजिटल औठाछाप स्क्यान चाँडै लिइन्छ। औंलाछाप आवश्यक नपर्ने केही आवेदकहरु छन्, जसमा सामेल छन्:

  • A-3 र G-5 आवेदकदेखि बाहेक, कार्यालयी सरकारी व्यापारमा यात्रा गर्ने आवेदक
  • 14वर्षभन्दा कम उमेर भएका वा 79 बर्ष भन्दा माथिका आवेदक

थप जानकारी

भिसा आवेदन फोटो विशेषताहरुको बारेमा धेरै जानकारीको लागि, अमेरिकी राज्य  विभागको वेबसाइटमा हेर्नुहोस्।

अमेरिकी राज्य  विभागको फोटो  सम्बन्धी FAQ (धेरै सोधिने प्रश्नहरू) यहाँ छ।