வீசா கட்டணங்கள்

இந்தப் பக்கத்தில்:


மேலோட்டம்

குடிவரவாளர் அல்லாதோருக்கான வீசா ஒன்றை விண்ணப்பிப்பதற்கு முன்பாக, குழந்தைகள் உள்ளிட்ட வீசா விண்ணப்பதாரர்கள் திருப்பித் தரமுடியாத, மற்றவர்களுக்கு மாற்றிக் கொள்ள முடியாத வீசா விண்ணப்பக் கட்டணம் ஒன்றை செலுத்த வேண்டியுள்ளது, இது சில நேரங்களில் MRV கட்டணம் என்று குறிப்பிடப்படுகிறது. வீசா கொடுக்கப்படுகிறதோ இல்லையோ, ஆனால் வீசா விண்ணப்பக் கட்டணத்தைச் செலுத்தியே ஆக வேண்டும். நீங்கள் எந்த வீசாவிற்கு விண்ணப்பிக்கிறீர்களோ அது தான் வீசாக் கட்டணத்தைத் தீர்மாணிக்கிறது. உங்கள் குடியுரிமை வகை மற்றும் நீங்கள் விண்ணப்பிக்கும் வீசா வகை ஆகியவற்றைப் பொருத்து, நீங்கள் வீசா வழங்கல் கட்டணம் அல்லது "பிரதிச்சலுகைக்" கட்டணம் ஒன்றைச் செலுத்த வேண்டியிருக்கலாம். இந்த இணையபக்கம், ஒவ்வொரு குடிவரவாளர் அல்லாதோர் வீசா வகையோடும் தொடர்புடைய வீசா விண்ணப்பக் கட்டணங்களைப் பட்டியலிடுகிறது.

குடிவரவாளர் அல்லாதோர் வீசாக்களுக்கான விண்ணப்பக் கட்டணங்கள் மட்டுமே இங்கே பட்டியலிடப்படுகின்றன என்பதைத் தயவுசெய்து குறித்துக் கொள்ளுங்கள்.

கட்டண செலுத்துவதற்கான வழிவகைகள்

கட்டணங்கள் அமெரிக்க டாலர்களில் பட்டியலிடப்பட்டாலும், கட்டணத்தை அந்தந்த நாட்டுப் பணத்திலேயே செலுத்த வேண்டும். இலங்கைக் குடியுரிமை பெற்றவர்கள் அவர்களது கட்டணங்களை எந்தவொரு HSBC வங்கிக் கிளையிலும் செலுத்தலாம். பணம் செலுத்துவதற்கான வழிவகைகள் குறித்த இன்னும் அதிகத் தகவல்கள் இங்குள்ளன. HSBC வங்கிக் கிளையொன்றைக் கண்டுபிடிக்க, இங்கே சொடுக்குங்கள். மாலைத்தீவுக் குடியுரிமை பெற்றவர்கள், நேர்காணல் நடைபெறும் நாளன்று தூதரகத்திலேயே அமெரிக்க டாலர்களில் வங்கி வரைவோலை மூலமாக அவர்களது கட்டணங்களைச் செலுத்திக் கொள்ளலாம். மாலைத்தீவிலிருந்து வருகிற அந்நாட்டுக் குடியுரிமை பெற்றவர்கள், வங்கி இரசீதில்லாமலேயே இந்த இணையதளத்தில் ஒரு குடிவரவாள அல்லாதோருக்கான வீசா பெறுவதற்கான நேர்காணல் நேரத்தைக் குறித்துக் கொள்ள இயலும்.

கட்டுப்பாடுகள்

உங்கள் வீசா விண்ணப்பம் திரும்பத் தரக்கூடியதல்ல மேலும் இதனை இன்னொரு நபருக்கு மாற்றிக் கொள்ள முடியாது. விண்ணப்பக் கட்டணத்தைச் செலுத்திய பிறகு நீங்கள் ஒரு இரசீதைப் பெற்றுக் கொள்வீர்கள். இந்த இரசீது பணம் செலுத்தியதிலிருந்து ஒரு ஆண்டிற்கு செல்லுபடியானதாகும் மேலும் இது அமெரிக்கத் தூதரகம் மற்றும் துணைத் தூதரகத்தில் உங்கள் நேர்காணலைத் திட்டமிட்டுக் கொள்ள வழி செய்கிறது. அந்த இரசீது செல்லுபடியாவதாக இருக்கும் வேளையிலேயே நீங்கள் உங்கள் நேர்காணலைத் திட்டமிட்டுக் கொள்ள வேண்டும், அதன் பொருள் உங்கள் கட்டணத்தைச் செலுத்திய ஒரு வருடத்திற்குள் நீங்கள் உங்கள் நேர்காணலைப் பதிவு செய்து கொள்ள வேண்டும். பணம் செலுத்தியதிலிருந்து ஒரு வருடத்திற்குள் நீங்கள் ஒரு நேர்காணலைத் திட்டமிட்டுக் கொள்ளவில்லை என்றால் உங்கள் இரசீது காலாவதியாகிவிடும், உங்களால் ஒரு நேர்காணலைத் திட்டமிட முடியாது, மேலும் நீங்கள் உங்கள் கட்டணத்தை மறுபடியும் செலுத்தி, அந்நடைமுறையைப் புதிதாக ஆரம்பித்தாக வேண்டும்.

வீசா வகைகள் மற்றும் விண்ணப்பக் கட்டணத் தொகைகள்

வீசா விண்ணப்பக் கட்டணங்கள் கீழே பட்டியலிடப்பட்டுள்ளன மேலும் இவை ஒரு வீசா விண்ணப்பத்திற்கு மட்டுமே பொருந்துகிறது. மிகவும் பொதுவான குடிவரவாளர் அல்லாதோர் வீசா வகைகளுக்கான விண்ணப்பக் கட்டணம் US$160 ஆகும். இவற்றில் சுற்றுலாப் பயணி, வர்த்தகர், மாணவர் மற்றும் பரிமாற்ற வீசாக்கள் அடங்குகின்றன. வேலை மற்றும் மத ரீதியிலான வீசாக்கள் போன்ற பெரும்பாலான மனு-அடிப்படையிலான வீசாக்களுக்கு US$190 ஆகும். K வீசாக்களுக்கான வீசாக்களுக்கு US$265 தொகையும், E வீசாக்களுக்கு US$205 தொகையும் கட்டணமாக விதிக்கப்படுகிறது. கீழுள்ள அட்டவணைகள், வீசா வகைகள் மற்றும் அவற்றுக்கான கட்டணத் தொகைகள் குறித்ததோர் விரிவான பட்டியலை வழங்குகிறது.

வீசா வகைகள் மற்றும் விண்ணப்பக் கட்டணத் தொகைகள் - கட்டண வகுப்பு வாரியாக அடுக்கப்படுகிறது
கட்டணத் தொகை (USD$) கட்டணத் தொகை (LKR) வீசா வகை விவரக்குறிப்பு
$160 N/A B வியாபாரம்/சுற்றுலா
$160 N/A C-1 பயண இடைநிலை
$160 N/A D கப்பல் / விமானப் பணியாளர்
$160 N/A F மாணவர் (கல்வி)
$160 N/A I பத்திரிக்கையாளர் மற்றும் ஊடகம்
$160 N/A J பரிமாற்ற வருகையாளர்கள்
$160 N/A M மாணவர் (தொழிற் கல்வி)
$160 N/A T ஆட்கடத்தலில் சிக்கிக் கொண்டவர்கள்
$160 N/A TN/TD NAFTA தொழில் நிபுணர்கள்
$160 N/A U குற்றவியல் செயல்பாடுகளில் சிக்கிக் கொண்டவர்கள்
$190 N/A H தற்காலிக / காலநிலைப் பணியாளர்கள் மற்றும் வேலைவாய்ப்புப் பயிற்சி பெறுபவர்கள்
$190 N/A L நிறுவனத்தினுள் பணிமாற்றம் பெறுபவர்கள்
$190 N/A O அசாதாரணத் திறனுள்ள நபர்கள்
$190 N/A P தடகள விளையாட்டு வீரர்கள். கலைஞர்கள் & பொழுது போக்கு தருபவர்கள்
$190 N/A Q சர்வதேசக் கலாச்சாரப் பரிமாற்றம்
$190 N/A R மதப் பணியாளர்
$265 N/A K அமெரிக்க குடியுரிமை பெற்றவரைத் திருமண நிச்சயம் செய்துள்ளவர் அல்லது அவரது இல்வாழ்க்கைத் துணை
$205 N/A E உடன்பாட்டு வர்த்தகர் / முதலீட்டாளர், ஆஸ்திரேலிய சிறப்புத் தொழில் நிபுணர்
வீசா வகைகள் மற்றும் விண்ணப்பக் கட்டணத் தொகைகள் - வீசா வகை வாரியாக அடுக்கப்படுகிறது
வீசா வகை விவரக்குறிப்பு கட்டணத் தொகை (USD$) கட்டணத் தொகை (LKR)
B வியாபாரம்/சுற்றுலா $160 N/A
C-1 பயண இடைநிலை $160 N/A
D கப்பல் / விமானப் பணியாளர் $160 N/A
E உடன்பாட்டு வர்த்தகர் / முதலீட்டாளர், ஆஸ்திரேலிய சிறப்புத் தொழில் நிபுணர் $205 N/A
F மாணவர் (கல்வி) $160 N/A
H தற்காலிக / காலநிலைப் பணியாளர்கள் மற்றும் வேலைவாய்ப்புப் பயிற்சி பெறுபவர்கள் $190 N/A
I பத்திரிக்கையாளர் மற்றும் ஊடகம் $160 N/A
J பரிமாற்ற வருகையாளர் $160 N/A
K அமெரிக்க குடியுரிமை பெற்றவரைத் திருமண நிச்சயம் செய்துள்ளவர் அல்லது அவரது இல்வாழ்க்கைத் துணை $265 N/A
L நிறுவனத்தினுள் பணிமாற்றம் பெறுபவர்கள் $190 N/A
M மாணவர் (தொழிற் கல்வி) $160 N/A
O அசாதாரணத் திறனுள்ள நபர்கள் $190 N/A
P தடகள விளையாட்டு வீரர்கள். கலைஞர்கள் & பொழுது போக்கு தருபவர்கள் $190 N/A
Q சர்வதேசக் கலாச்சாரப் பரிமாற்றம் $190 N/A
R மதப் பணியாளர் $190 N/A
T ஆட்கடத்தலில் சிக்கிக் கொண்டவர்கள் $160 N/A
U குற்றவியல் செயல்பாடுகளில் சிக்கிக் கொண்டவர்கள் $160 N/A
TN/TD NAFTA தொழில் நிபுணர்கள் $160 N/A

கட்டணம் அவசியமில்லாத வீசா வகைகள் மற்றும் அவற்றுக்கான நிபந்தனைகள்

  • A, G, C-2, C-3, NATO மற்றும் தூதரகப் பணி வீசாக்களுக்கான விண்ணப்பதாரர்கள் (22 CFR 41.26-ல் விவரித்துள்ளபடி);
  • J வீசாக்களை வைத்திருந்து, ஒருசில அலுவலகப் பூர்வமான அமெரிக்க அரசாங்கம் நிதியுதவியளிக்கிற கல்வி மற்றும் கலாச்சாரப் பரிமாற்றத் திட்டங்களில் பங்கேற்கிற விண்ணப்பதாரர்கள்;
  • அசல் வீசா முறையாக ஒட்டப்படாமல் இருக்கும் போது அல்லது விண்ணப்பதாரரின் பால் தவறேதும் இல்லாமல் இருந்து வீசாவை மறுபடியும் வழங்க வேண்டியுள்ள போது, வீசா வழங்கியதிலிருந்து ஒரு ஆண்டிற்குள் எந்திரம்-படித்துணரக்கூடியதோர் வீசாவாக மாற்றுகிறவர்கள்;
  • ஐக்கிய நாடுகளின் பொதுப் பேரவை அங்கீகரித்துள்ள ஐக்கிய நாடுகளின் தலைமையத்திற்கான கண்காணிப்புப் பணியில் உள்ள உறுப்பினர்கள் மற்றும் ஊழியர்கள் உள்ளிட்ட சர்வதேச ஒப்பந்தங்களினால் விதிவிலக்குப் பெற்ற விண்ணப்பதாரர்கள் மற்றும் அவர்தம் நேரடிக் குடும்பத்தினர்;
  • ஒருசில கருணை அடிப்படையிலான சேவைகளை வழங்குவதற்காகப் பயணிக்கிற விண்ணப்பதாரர்கள்;
  • அலுவலகப் பூர்வமான வேலையாகப் பயணம் செய்கிற அமெரிக்க அரசாங்கப் பணியாளர்கள்; மற்றும்,
  • பணியிலிருக்கும் போது கொலை செய்யப்பட்டதோர் அமெரிக்க அரசாங்கப் பணியாளரின் உடல் தகனத்தில் மற்றும்/அல்லது உடல் அடக்கத்தில் கலந்து கொள்வதற்காகப் பயணிக்கிற அப்பணியாளரின் பெற்றோர், உடன் பிறந்தோர், இல்வாழ்க்கைத் துணை அல்லது குழந்தை; அல்லது பணியிலிருக்கும் போது மிகக் கடுமையாகக் காயமடைந்ததோர் அமெரிக்கப் பணியாளரின் அவசர சிகிச்சை மற்றும் உடல் தேறிவரும் காலத்தின் போது அவரைப் பார்ப்பதற்காக பயணம் செய்கிற அவரது பெற்றோர், உடன்பிறந்தோர், இல்வாழ்க்கைத் துணை, மகன் அல்லது மகள்.

மற்ற கட்டணங்கள்

சில நிலைகளில், தேசிய வீசா மையத்திற்கு, அமெரிக்கத் தூதரகத்திற்கு அல்லது துணைத் தூதரகத்திற்கு அல்லது உள்நாட்டுப் பாதுகாப்புத் துறைக்கு நேரடியாகக் கூடுதல் வீசாக் கட்டணங்கள் செலுத்தப்படுகின்றன.

குடிவரவாளர் அல்லாதோருக்கான வீசா வழங்குதல் (“பிரதிச்சலுகை”) கட்டணம்

ஒருசில நாடுகளிலிருந்து வருகிற விண்ணப்பதாரர்களது விண்ணப்பத்தை அங்கீகரித்த பிறகு அவர்கள் வீசா வழங்கல் கட்டணம் ஒன்றைச் செலுத்த வேண்டியிருக்கலாம். இக்கட்டணங்கள் “பிரதிச்சலுகை” அடிப்படையிலானவையாகும் (இதே போன்றதோர் வீசா வகைக்கு அமெரிக்கக் குடியுரிமை பெற்ற ஒருவருக்கு மற்றொரு நாடு எவ்வளவு விதிக்கிறதோ அவ்வளவு). கூடுமான போதெல்லாம் வீசா வழங்கல் கட்டணத்தைக் குறைப்பதற்கு அமெரிக்கா கடுமுயற்சி எடுத்துக் கொள்கிறது, ஆயினும் ஒரு அயல்நாட்டு அரசாங்கம் ஒருசில வீசா வகைகளுக்கு அமெரிக்கக் குடியுரிமை பெற்றவர்கள் மீது இவ்விதக் கட்டணங்களை விதிக்கும் போது, அதே போன்ற வீசா வகைகளுக்கு அந்நாட்டுக் குடியுரிமை பெற்றவர்களுக்கு ஒரு “பிரதிக்” கட்டணத்தை அமெரிக்கா விதிக்கும். வீசா வழங்கல் கட்டணம் குறித்த இன்னும் அதிகத் தகவல்கள் அமெரிக்காவின் அயலுறவுத் துறை இணையதளத்தில் கிடைக்கின்றன மேலும் அவை உங்கள் நாட்டினத்திற்கு வீசா வழங்கல் கட்டணம் ஒன்று பொருந்துகிறதா என்பதைத் தீர்மானிக்க உதவ முடியும்.

SEVIS கட்டணம்

மாணவர் மற்றும் பரிமாற்ற வருகையாளர் தகவல் அமைப்பு (Student and Exchange Visitor Information System (SEVIS)) என்பது F, M, மற்றும் J வீசா பங்கேற்பாளர்கள் தங்களது ஆரம்பகட்ட ஆவணப்படுத்தலைப் பெற்றுக் கொள்கிற நேரத்திலிருந்து (I-20 அல்லது DS-2019) அவர்கள் பட்டம் பெறுகிற வரை / பாடசாலையை விட்டுச் செல்கிற வரை அல்லது நிகழ்ச்சியை முடிக்கும் வரை / அதனை விட்டுச் செல்லும் வரை அவர்களது நிலையைத் தொடர்ந்து தெரிந்து வைத்துக் கொள்கிறதோர் இணைய-அடிப்படையிலான அமைப்பாகும்.

F, M மற்றும் J வீசா முதன்மை விண்ணப்பதாரர்கள்: உங்களைக் குறித்த தகவல்கள் SEVIS-ல் பதிவு செய்யப்பட்டுள்ளது என்பதை உங்கள் அமெரிக்கப் பாடசாலையில் கேட்டு உறுதி செய்து கொள்ளுங்கள். வீசா விண்ணப்பக் கட்டணத்திற்குக் கூடுதலாக நீங்கள் தனியாக ஓர் SEVIS கட்டணத்தைச் செலுத்த வேண்டியிருக்கும். படிவம் I-20 வைத்துள்ள குடிவரவாளர் அல்லாத மாணவர்களைப் பொருத்த வரையில், SEVIS கட்டணம் US$200 ஆகும். படிவம் I-2019 வைத்துள்ள பெரும்பாலான பரிமாற்ற வருகையாளர்களைப் பொருத்த வரையில், SEVIS கட்டணம் US$180 ஆகும். உங்களது மாணவர் அல்லது பரிமாற்ற வருகையாளர் வீசாவை வழங்குவதற்கு முன்பு பணம் செலுத்தியதற்கான அத்தாட்சி தேவைப்படுகிறது. அமெரிக்கத் தூதரகம் அல்லது துணைத் தூதரகத்தில் பணம் செலுத்த முடியாது. SEVIS கட்டணத்தைச் செலுத்துவதற்கான அறிவுறுத்தல்களை இங்கே காணலாம்.

SEVIS கட்டண விதிவிலக்கு

ஓர் அமெரிக்க அரசாங்கம் நிதியுதவியளிக்கிற திட்டத்தில் பங்கேற்கிற விண்ணப்பதாரர்கள் (G-1, G-2, G-3, G-7 என்ற குறியீடுகளைக் கொண்டு ஆரம்பிக்கிற திட்டங்கள்) SEVIS கட்டணத்தைச் செலுத்த வேண்டிய அவசியமில்லை.

Blanket L Fee (மோசடித் தடுப்புக்கான கட்டணம்)

 முக்கிய விண்ணப்பதாரர்கள் முதல் முறையாக L நிலையை கொண்ட ஒரு போர்வை மனு கீழ் இருந்தால் அமெரிக்க $500, ஒரு  மோசடித் தடுப்புக்கான கட்டணம் செலுத்த வேண்டும். இந்த கட்டணம் நேர்முக  பரிட்சையன்று தூதரக பிரிவு காசாளரிடம் செலுத்த வேண்டும். ஒரு தொடர்ந்த L 1 விசா விண்ணப்பதாரர் ஒரு புதிய படிவம் I 129 S யை அடிப்படையாக கொண்டிருந்தால் மோசடித் தடுப்புக்கான கட்டணம் மீண்டும் சேகரிக்கப்படும்.