அடிக்கடி கேட்கும் கேள்விகள் (FAQ)

இந்தப் பக்கத்தில்:


அடிக்கடி கேட்கப்படும் கேள்விகள் - பொதுவான வீசா தகவல்கள்

  1. ஒரு அமெரிக்க வீசாவிற்கு விண்ணப்பிக்க வேண்டுமானால் எனது கடவுச்சீட்டு எவ்வளவு காலத்திற்குச் செல்லுபடியாவதாக இருக்க வேண்டியுள்ளது?
  2. வீசா தள்ளுபடித் திட்டத்திற்கு நான் தகுதியடைகிறேனா?
  3. ESTA-விற்கு கட்டணம் எவ்வளவு மற்றும் அதனை யார் செலுத்த வேண்டும்?
  4. ESTA இல்லாமல் நான் அமெரிக்காவிற்குப் பயணம் செய்தால், என்ன நேர்கிறது?
  5. நான் இலங்கையில் வசிக்கிற மூன்றாம்-நாட்டைச் சேர்ந்தவர் என்றால் அல்லது மாலத்தீவைச் சேர்ந்தவர் என்றால், நான் இலங்கையில் குடிவரவாளர் அல்லதோருக்கான வீசாவிற்கு விண்ணப்பிக்கலாமா?
  6. குடிவரவாளர் அல்லாதோருக்கான வீசா விண்ணப்பதாரர்கள் அனைவரும், நேர்காணலுக்காக அமெரிக்கத் தூதரகம் அல்லது துணைத் தூதரகத்திற்கு வர வேண்டுமா?
  7. சீக்கிரமே காலாவதியாகப் போகிறதோர் குடிவரவாளர் அல்லாதோருக்கானதோர் வீசா என்னிடம் உள்ளது, அதனை நான் புதுப்பித்துக் கொள்ள விரும்புகிறேன். நான் மறுபடியும் முழு வீசா விண்ணப்ப நடைமுறை வாயிலாகச் செல்ல வேண்டுமா?
  8. எனது கடவுச்சீட்டு காலாவதியாகி விட்டது, ஆனால் அதில் உள்ள அமெரிக்க வீசா இன்னமும் செல்லுபடியாவதாக உள்ளது. நான் புதிய வீசா ஒன்றுக்கு விண்ணப்பிக்க வேண்டுமா?
  9. எனக்குக் இரட்டைக் குடியுரிமை உள்ளது. அமெரிக்காவிற்குப் பயணம் செய்ய நான் எந்தக் கடவுச்சீட்டை உபயோகிக்க வேண்டும்?
  10. எனது வீசாவை நான் எவ்விதம் நீட்டிக்கலாம்?
  11. எனது வீசா விண்ணப்பப் படிவத்தை நான் மின்னணு ரீதியாக சமர்ப்பித்தாக வேண்டுமா?
  12. ‘நிர்வாக ரீதியாக நடவடிக்கை எடுத்தல்” என்றால் என்ன?
  13. எனது வீசாவை நான் எவ்விதம் படித்துப் புரிந்து கொள்ளலாம்?
  14. நான் அமெரிக்காவில் இருக்கையில் எனது வீசா காலாவதியாகிவிடும். அதில் ஏதும் பிரச்சினை ஏற்படுமா?
  15. நான் அமெரிக்காவில் நுழையும் போது என்ன நேரும்?
  16. நான் அமெரிக்காவை விட்டு வெளியேறும் போது எனது I-94 -ஐ திருப்பிக் கொடுக்கவில்லை. நான் என்ன செய்ய வேண்டும்?
  17. எனது படிவத்தைச் சமர்ப்பிப்பது மற்றும் உறுதிப்படுத்தல் பக்கத்தை அச்சிடுவது குறித்து எனக்குக் கேள்விகள் இருக்கின்றன. இன்னும் அதிகத் தகவல்களுக்கு நான் எங்கே செல்ல வேண்டும்?
  18. நான் எனது பெயரை மாற்றியுள்ளேன். என்னுடைய பழைய பெயருடன் உள்ள எனது அமெரிக்க விசா இன்னும் செல்லுபடியாகுமா?

மறுபடியும் மேலே செல்க


 

கே.1. ஒரு அமெரிக்க வீசாவிற்கு விண்ணப்பிக்க வேண்டுமானால் எனது கடவுச்சீட்டு எவ்வளவு காலத்திற்குச் செல்லுபடியாவதாக இருக்க வேண்டியுள்ளது?

உங்களிடம் அமெரிக்காவில் நீங்கள் தங்குவதற்கு எண்ணம் கொண்டுள்ள காலத்திற்கு அப்பால் குறைந்தது ஆறு மாதங்களுக்கு செல்லுபடியாகிற, அமெரிக்காவிற்குப் பயணம் செய்வதற்கான செல்லுபடியாகிறதோர் கடவுச் சீட்டு ( நாடு-குறிப்பான ஒப்பந்தங்கள் விதிவிலக்குகளை வழங்கினால் ஒழிய) இருந்தாக வேண்டும்.

மறுபடியும் மேலே செல்க


 

கே. 2. வீசா தள்ளுபடித் திட்டத்திற்கு நான் தகுதியடைகிறேனா?

நீங்கள் வீசா தள்ளுபடித் திட்ட நாட்டின் குடியுரிமை பெற்றவராக இருந்தால், எந்திரம்-படித்துணரக்கூடியதோர் கடவுச்சீட்டு உங்களிடம் இருந்தால், நீங்கள் தற்காலிக வியாபாரத்திற்காகவோ அல்லது 90 நாட்களை விடக் குறைவானதோர் காலத்திற்கோ பயணம் செய்கிறீர்கள் என்றால், திட்டத்தின் மற்ற தேவைகளைச் சந்தித்தால், பயண அங்கீகரிப்பிற்கான மின்னணு அமைப்பு (ESTA) வாயிலாக அதிகாரத்தைப் பெற்றிருந்தால், நீங்கள் வீசா தள்ளுபடித் திட்டத்திற்குத் தகுதியடைகிறீர்கள்.

இந்தத் திட்டத்தை உபயோகிக்க வேண்டுமானால், நீங்கள் வீசா தள்ளுபடித் திட்டத்திற்குத் தகுதியடைகிற நாட்டின் குடியுரிமை பெற்றவராக இருந்தாக வேண்டும். வீசா தள்ளுபடித் திட்டத்திற்குத் தகுதியடைகிற நாட்டில் நிரந்தர வசிப்புரிமை உள்ளவர்கள், வீசா தள்ளுபடித் திட்டத்திற்குத் தகுதியடைகிற நாட்டின் குடியுரிமை பெற்றவர்களாகவும் இருக்கிற பட்சத்தில் அவர்கள் வீசா தள்ளுபடித் திட்டத்திற்குத் தகுதியடைவதில்லை. அமெரிக்காவிற்குப் பயணம் எதையும் மேற்கொள்வதற்கு முன்பாக நீங்கள் வீசா தள்ளுபடித் திட்டத்திற்குத் தகுதியடைகிறீர்களா என்பதைத் தீர்மானித்துக் கொள்வதற்காக, நீங்கள் வீசா தள்ளுபடித் திட்ட இணையதளத்திற்குச் சென்று பார்த்துக் கொள்ள வேண்டும் என்றே நாங்கள் சிபாரிசு செய்கிறோம்.

மறுபடியும் மேலே செல்க


 

கே. 3. ESTA-விற்கு கட்டணம் எவ்வளவு மற்றும் அதனை யார் செலுத்த வேண்டும்?

வீசா தள்ளுபடித் திட்டத்தின் கீழ் அமெரிக்காவிற்குப் பயணம் செய்கிற அனைவருக்கும் ESTA பதிவு அவசியமாகிறது. ESTA பதிவிற்கு US$14 கட்டணமாக விதிக்கப்படுகிறது. டெபிட் கார்டு அல்லது பின்வரும் கிரெடிட் கார்டுகள் எதையேனும் உபயோகித்து கட்டணத்தைச் செலுத்தலாம்: வீசா, மாஸ்டர்கார்டு, அமெரிக்கன் எக்ஸ்பிரெஸ், அல்லது டிஸ்கவர். உங்களிடம் சரியான வகை கிரெடிட் கார்டு இல்லை என்றால், மூன்றாம் தரப்பினர் (பயண முகவர்கள், குடும்ப உறுப்பினர்கள் போன்றோர்) உங்களுக்காக உங்கள் ESTA கட்டணத்தைச் செலுத்தலாம். ESTA பதிவு மறுக்கப்பட்டால், கட்டணம் US$4 மட்டுமே.

மறுபடியும் மேலே செல்க


 

கே. 4. ESTA இல்லாமல் நான் அமெரிக்காவிற்குப் பயணம் செய்தால், என்ன நேர்கிறது?

ESTA வாயிலாக அங்கீகாரத்தைப் பெற்றிருக்காத வீசா தள்ளுபடித் திட்டப் பயணிகள், அமெரிக்காவிற்குச் செல்கிற எந்தவொரு விமான சேவையிலும் ஏறுவதற்கு அனுமதி மறுக்கப்பட எதிர்பார்க்க வேண்டும். நீங்கள் விமானத்தில் ஏற அனுமதிக்கப்பட்டால், அமெரிக்காவிற்குள் நுழையும் இடத்தில் (அதாவது, வந்து சேரும் விமான நிலையத்தில்) நீங்கள் குறிப்பிடத்தக்க அளவிற்குத் தாமதத்தை அல்லது உள்ளே நுழைய அனுமதி மறுக்கப்படுவதற்கான சாத்தியக்கூற்றை சந்திக்க நேரலாம். ESTA பதிவைப் பூர்த்தி செய்வதற்கு வழக்கமாக வெகு சில நிமிடங்களே எடுக்கிறது, அதற்கான அங்கீகாரம் சில நொடிகளில் வந்து சேர்ந்து விடுகிறது, மேலும் பயணம் செய்பவரின் கடவுச்சீட்டு இரண்டு ஆண்டு காலங்களுக்குள் காலாவதியானால் ஒழிய, அது இரண்டு ஆண்டுகளுக்குச் செல்லுபடியாவதாகும். அந்நிலைகளில், ESTA செல்லுபடியாகும் காலம் என்பது கடவுச்சீட்டு செல்லுபடியாகும் காலத்திற்குக் கட்டுப்பட்டதாகும்.

மறுபடியும் மேலே செல்க


 

கே. 5 நான் இலங்கையில் வசிக்கிற மூன்றாம்-நாட்டைச் சேர்ந்தவர் என்றால் அல்லது மாலத்தீவைச் சேர்ந்தவர் என்றால், நான் இலங்கையில் குடிவரவாளர் அல்லதோருக்கான வீசாவிற்கு விண்ணப்பிக்கலாமா?

விண்ணப்பதாரர்களுக்கு அவர்களது நாட்டின அல்லது வசிக்கும் நாட்டிலேயே விண்ணப்பிக்குமாறு அறிவுறுத்தப்படுகிறது. சட்டப்பூர்வமாக இலங்கையில் இருக்கிற எந்தவொரு நபரும், இலங்கையில் வீசாவிற்காக விண்ணப்பிக்கலாம். ஆயினும், வசதி அல்லது சொந்த மாவட்டத்தில் வீசா நேர்காணலுக்கு நேரம் குறிப்பதில் தாமதமாகுதல் என்பவற்றுக்கும் அப்பாற்பட்டதன் அடிப்படையில் எங்கு வீசாவிற்கு விண்ணப்பிக்க வேண்டும் என்பதையே விண்ணப்பதாரர்கள் முடிவு செய்ய வேண்டும். பரிசீலிக்க வேண்டிய ஒரு விஷயம் என்பது, உதாரணமாக, எந்தத் துணைத்தூதரக மாவட்டத்தில் அந்த விண்ணப்பதாரர் மிக வலுவான பிணைப்புகளை நிரூபித்துக் காண்பிக்க முடியும் என்பதாகும்.

வீசா வழங்கப்படும் என்பதற்கு எவ்வித உத்திரவாதமுமில்லை, அல்லது வீசா விண்ணப்பத்தின் மீது நடவடிக்கை எடுக்கும் காலத்தின் மீதும் எவ்வித உத்திரவாதமுமில்லை. வீசா மறுக்கப்பட்டால், விண்ணப்பக் கட்டணமும் திருப்பித் தரப்படாது.

மறுபடியும் மேலே செல்க


 

கே. 6 குடிவரவாளர் அல்லாதோருக்கான வீசா விண்ணப்பதாரர்கள் அனைவரும், நேர்காணலுக்காக அமெரிக்கத் தூதரகம் அல்லது துணைத் தூதரகத்திற்கு வர வேண்டுமா?

இது முதல் முறையாக விண்ணப்பிக்கும் விண்ணப்பதாரர்களுக்கு மிகவும் உண்மை என்றாலும், அவசியம் இல்லை.நேர்காணல் தேவைக்கான ஒரு சில விதிவிலக்குகள் உள்ளன. பின்வரும் விண்ணப்பதாரர்கள் பொதுவாக நபராக தோன்றும் தேவை இல்லை:

  • A-1, A-2 வீசாவிற்கான விண்ணப்பதாரர்கள் (மத்திய அரசு வேலையாக அலுவலகப் பூர்வமாகப் பயணம் செய்பவர்கள்), C-2, C-3 வீசாவிற்கான விண்ணப்பதாரர்கள் (மத்திய அரசு வேலையாகச் செல்கையில் இடைவழியில் இருக்கிற மத்திய அரசு அதிகாரிகள்), G-1, G-2, G-3, G-4 வீசாவிற்கான விண்ணப்பதாரர்கள் (ஒரு சர்வதேச ஸ்தாபனத்தோடு தொடர்பாக பயணம் செய்கிற மத்திய அரசு அதிகாரிகள் அல்லது ஒரு சர்வதேச ஸ்தாபனத்தின் பணியாளர்கள்)

  • விண்ணப்பதாரர்கள் ஒரு பார்வையாளர் (B1/ B2 ) விசா புதுப்பித்தால் நேர்காணல் தள்ளுபடி க்கு தகுதி பெறுவர். இந்த சிறப்பு திட்டத்திக்கு தகுதி பெறுபவர்கள் தூதரக பிரிவிற்கு நபராக தோன்றும் தேவை இல்லை, ஆனால் இன்னும் விசா விண்ணப்ப படிவங்களை பூர்த்தி மற்றும் சம்பந்தப்பட்ட விசா கட்டணம் செலுத்த வேண்டும்.

மறுபடியும் மேலே செல்க


 

கே. 7 சீக்கிரமே காலாவதியாகப் போகிறதோர் குடிவரவாளர் அல்லாதோருக்கானதோர் வீசா என்னிடம் உள்ளது, அதனை நான் புதுப்பித்துக் கொள்ள விரும்புகிறேன். நான் மறுபடியும் முழு வீசா விண்ணப்ப நடைமுறை வாயிலாகச் செல்ல வேண்டுமா?

ஒவ்வொரு குடிவரவாளர் அல்லாதோருக்கான வீசா விண்ணப்பமும் ஒரு தனியான நடைமுறையாகும். உங்களிடம் முன்னமே ஒரு வீசா இருந்திருந்தாலும் கூட மேலும் உங்களது தற்போதைய குடிவரவாளர் அல்லாதோருக்கான வீசா இப்போதும் செல்லுபடியாகும் நிலையில் இருந்தாலும் கூட, நீங்கள் சாதாரண முறையில் விண்ணப்பித்தாக வேண்டும்.

மறுபடியும் மேலே செல்க


 

கே. 8. எனது கடவுச்சீட்டு காலாவதியாகி விட்டது, ஆனால் அதில் உள்ள அமெரிக்க வீசா இன்னமும் செல்லுபடியாவதாக உள்ளது. நான் புதிய வீசா ஒன்றுக்கு விண்ணப்பிக்க வேண்டுமா?

வேண்டாம். உங்களது வீசா இப்போதும் செல்லுபடியானதாக இருந்தால், அந்த வீசா செல்லுபடியாகும் காலம் வரைக்கும், அது சேதமடையாமல் இருந்து, பயணத்தின் முதன்மை நோக்கத்திற்கு ஏற்றதோர் வகையைச் சேர்ந்த வீசாவாக இருக்கிற பட்சத்தில், நீங்கள் உங்களது இரண்டு கடவுச்சீட்டுக்களையும் வைத்து (பழையது மற்றும் புதியது) அமெரிக்காவிற்குப் பயணம் செய்யலாம். (உதாரணம்: சுற்றுலா வீசா, பயணத்தின் முதன்மையான நோக்கமே சுற்றுலாவாக இருக்கும் போது). மேலும், இரண்டு கடவுச்சீட்டுக்களிலுமே பெயரும், மற்ற தனிப்பட்ட தகவல்களும் ஒரே மாதிரியாக இருக்க வேண்டும். புதிய கடவுச்சீட்டில் சுட்டிக்காட்டியுள்ளபடியான உங்களது நாட்டினம், வீசாவை வைத்துள்ள கடவுச்சீட்டில் காண்பித்துள்ளதைப் போன்று அதே மாதிரியானதாக இருந்தாக வேண்டும்.

மறுபடியும் மேலே செல்க


 

கே. 9. எனக்குக் இரட்டைக் குடியுரிமை உள்ளது. அமெரிக்காவிற்குப் பயணம் செய்ய நான் எந்தக் கடவுச்சீட்டை உபயோகிக்க வேண்டும்?

நாட்டினங்களில் ஒன்று அமெரிக்கர் என்றில்லாத பட்சத்தில், நீங்கள் விரும்புகிற நாட்டினத்தை உபயோகித்து நீங்கள் விண்ணப்பித்துக் கொள்ளலாம், ஆனால் உங்களது விண்ணப்பப் படிவத்தில் நீங்கள் அனைத்து நாட்டினங்களையும் அமெரிக்கத் தூதரகம் அல்லது துணைத் தூதரகத்திற்கு வெளிப்படுத்தியாக வேண்டும். அமெரிக்க குடியுரிமை பெற்றவர்கள், இரட்டைக் குடியுரிமை/நாட்டினம் பெற்றவர்களும் கூட, ஒரு அமெரிக்கக் கடவுச்சீட்டை உபயோகித்தே அமெரிக்காவிற்குள் நுழையவும், வெளியேறவும் வேண்டும்.

மறுபடியும் மேலே செல்க


 

கே.10 எனது வீசாவை நான் எவ்விதம் நீட்டிக்கலாம்?

ஒரு வீசாவின் செல்லுபடியாகும் காலத்தை, அதன் வகையைப் பொருட்படுத்தாமல், நீட்டிக்க முடியாது. நீங்கள் ஒரு புதிய வீசாவிற்கு விண்ணப்பித்தாக வேண்டும்.

மறுபடியும் மேலே செல்க


 

கே.11 எனது வீசா விண்ணப்பப் படிவத்தை நான் மின்னணு ரீதியாக சமர்ப்பித்தாக வேண்டுமா?

ஆம், நீங்கள் DS-160 படிவத்தைப் பூர்த்தி செய்து, அமெரிக்கத் தூதரகம் அல்லது துணைத் தூதரகத்தில் நடைபெறுகிற உங்களது நேர்காணலுக்கு நீங்கள் போகும் போது உங்களோடு DS-160 படிவத்தின் உறுதிப்படுத்தல் பக்கத்தின் அச்சிட்ட நகலைக் கொண்டு வந்தாக வேண்டும்.

மறுபடியும் மேலே செல்க


 

கே. 12. ‘நிர்வாக ரீதியாக நடவடிக்கை எடுத்தல்” என்றால் என்ன?

சில வீசா விண்ணப்பங்களுக்கு மேற்கொண்டும் நிர்வாக ரீதியாக நடவடிக்கை எடுப்பது அவசியமாகிறது, அதற்கு ஒரு துணைத் தூதரக அலுவலரோடு நீங்கள் கொண்டு நேர்காணலுக்குப் பிறகுக் கூடுதல் காலம் ஆகிறது. அவை பொருந்தும் போது அதற்கான இந்த சாத்தியக்கூறு உங்களுக்குத் தெரிவிக்கப்படும். பெரும்பாலான நிர்வாக நீதியிலான நடவடிக்கையானது வீசா நேர்காணலிலிருந்து 60 நாட்களுக்குள் தீர்க்கப்படுகின்றன. துணைத் தூதரக விவகார இணையதளத்தில் உள்ள இந்த இணைய பக்கத்தில், நிர்வாக ரீதியாக நடவடிக்கை எடுப்பது குறித்த இன்னும் அதிகத் தகவல்கள் உள்ளன.

மறுபடியும் மேலே செல்க


 

கே.13 எனது வீசாவை நான் எவ்விதம் படித்துப் புரிந்து கொள்ளலாம்?

உங்களது வீசாவை நீங்கள் பெற்றுக் கொண்டதும், அந்த வீசாவில் அச்சிட்டுள்ள உங்களது தனிப்பட்ட தகவல்கள் அனைத்தும் சரியாக உள்ளன என்பதைப் பார்த்துக் கொள்ளுங்கள். உங்களது வீசாவில் உள்ள தகவல்கள் எதுவும், உங்களது கடவுச்சீட்டில் உள்ள தகவல்களோடு பொருந்தவில்லை என்றாலோ அல்லது மற்றவகையில் சரியானதாக இல்லை என்றாலோ, தயவுசெய்து வீசா வழங்கும் அலுவலகத்தை உடனடியாகத் தொடர்பு கொள்ளுங்கள்.

உங்கள் வீசாவின் காலாவதித் தேதி தான், அமெரிக்காவில் நுழைவதற்கு அந்த வீசாவை நீங்கள் உபயோகிக்கக் கூடிய கடைசித் தேதியாகும். அமெரிக்காவில் நீங்கள் எவ்வளவு காலம் தங்கலாம் என்பதை அது சுட்டிக்காட்டுவதில்லை. நீங்கள் தங்கும் காலம், நீங்கள் நுழையும் இடத்தில் உள்ள உள்நாட்டுப் பாதுகாப்புத் துறையினால் தீர்மானிக்கப்படுகிறது. நீங்கள் தங்கியிருப்பது குறித்த நிபந்தனைகளில் உள்நாட்டுப் பாதுகாப்புத் துறையின் முடிவிற்கு நீங்கள் இணங்கி நடக்கும் காலம் வரைக்கும், உங்களுக்குப் பிரச்சினை எதுவும் இருக்காது.

உங்கள் வீசாவைப் புரிந்து கொள்வது குறித்த மேலும் தகவல்களை, அயலுறவுத் துறையின் தூதரக விவகார இணையதளத்தில் காணலாம்.

மறுபடியும் மேலே செல்க


 

கே.14 நான் அமெரிக்காவில் இருக்கையில் எனது வீசா காலாவதியாகிவிடும். அதில் ஏதும் பிரச்சினை ஏற்படுமா?

ஏற்படாது. நீங்கள் அமெரிக்காவிற்கு வந்து சேர்ந்ததும் உள்நாட்டுப் பாதுகாப்புத் துறை அலுவலர் அங்கீகரிக்கிற கால அளவிற்கும், நிபந்தனைகளுக்கும், நீங்கள் தங்கியிருக்கும் காலத்தின் போது உங்களது வீசா காலாவதியானாலும் கூட, நீங்கள் அமெரிக்காவில் தங்கியிருக்கலாம், இது உங்களது கடவுச்சீட்டில் முத்திரையிடப்படும். நீங்கள் இன்னும் அதிகத் தகவல்களை இங்கே காணலாம்.

மறுபடியும் மேலே செல்க


 

கே.15 நான் அமெரிக்காவில் நுழையும் போது என்ன நேரும்?

உங்களது விமான நிறுவனம் உங்களுக்கு ஒரு காலியான 6059B சுங்கவரி பிரகடனப் படிவத்தைக் கொடுக்கும். ஒன்றாகச் சேர்ந்து பயணம் செய்கிறதோர் குடும்பத்திற்கு ஒரு சுங்கவரிப் பிரகடனம் போதும்.

ஒரு வீசா, அமெரிக்காவில் நுழைவதற்கு உத்திரவாதமளிப்பதில்லை, ஆனால் அது வெளிநாட்டிலிருந்து வருகிறதோர் அயல்நாட்டுக் குடியுரிமை பெற்றுள்ள நபர், அமெரிக்காவின் நுழை வாயிலுக்கு பயணம் செய்து, அமெரிக்காவிற்குள் நுழைய அனுமதி கோருவதற்கு வழிவகுக்கிறது. உள்நாட்டுப் பாதுகாப்புத் துறை, அமெரிக்க சுங்கம் மற்றும் எல்லைப் பாதுகாப்பு (CBP) அலுவலர்களுக்கு, அமெரிக்காவிற்குள் நுழைவதற்கு அனுமதி தர அல்லது அனுமதி மறுப்பதற்கு மற்றும் ஒரு பயணி எவ்வளவு காலம் தங்கியிருக்கலாம் என்பதைத் தீர்மானிப்பதற்கு அதிகாரம் உள்ளது. நுழைவு இடத்தில், அமெரிக்காவிற்குள் நுழைவதற்கு அனுமதி வழங்கியதன் பேரில், தங்குவதற்கு அனுமதித்துள்ள காலத்தின் அளவை சுங்கம் மற்றும் எல்லைப் பாதுகாப்பு அலுவலரே தீர்மானிப்பார். முன்னதாக, இந்தத் தகவலோடு பயணிகள் ஒரு I-94 ஆவணத்தையும் (நுழைவுப் பதிவு) பெற்றுக் கொண்டார்கள். இந்த நடைமுறை இப்போது சில விதிவிலக்குகளோடு தானியங்கி மயமாகி விட்டது. பயணிகளுக்கு, அவர்களது நுழைந்த தேதி, நுழைவு வகை, மற்றும் எவ்வளவு காலம் வரை நுழைவு போன்றவற்றைக் காண்பிக்கிற அவர்களது பயண ஆவணத்தில் ஒரு நுழைவு முத்திரை வழங்கப்படும். CBP இணையதளத்தில் இன்னும் அதிகம் தெரிந்து கொள்ளுங்கள். அந்நியப் பதிவு, குடிவரவு நிலை அல்லது வேலைவாய்ப்பு அங்கீகாரம் ஆகியவற்றை சரிபார்ப்பதற்கு ஒரு பயணிக்கு அவரது ஆவணத்தின் நகல் ஒன்று தேவை என்றால் அதனை www.cbp.gov/I94 என்ற இணையதளத்தில் இருந்து பெற்றுக் கொள்ளலாம். CBP இணையதளத்தில் நுழைவு குறித்த தகவல்களைப் பார்த்துத் தெரிந்து கொள்ளலாம்.

மறுபடியும் மேலே செல்க


 

கே.16 நான் அமெரிக்காவை விட்டு வெளியேறும் போது எனது I-94 -ஐ திருப்பிக் கொடுக்கவில்லை. நான் என்ன செய்ய வேண்டும்?

முன்னதாக, அமெரிக்காவில் நுழைவதற்கு CBP அதிகாரிகள் அனுமதி கொடுத்த அயல்நாட்டுப் பயணிகள் ஓர் I-94 காகிதப் படிவத்தைப் பெற்றுக் கொண்டார்கள் (வந்துசேரும்/புறப்படும் பதிவு). இந்த நடைமுறை இப்போது சில விதிவிலக்குகளோடு தானியங்கி மயமாகி விட்டது. நீங்கள் ஒரு I-94 அல்லது I-94W காகிதப் படிவத்தைப் பெற்றுக் கொண்டு, அமெரிக்காவை விட்டுப் புறப்பட்டுச் செல்லும் போது உங்கள் I-94 காகிதப் படிவத்தை (வந்து சேரும்/புறப்படும் பதிவு) வர்த்தக ரீதியிலான விமானப் போக்குவரத்து அல்லது CBP அதிகாரியிடம் திருப்பிக் கொடுக்கத் தவறினால், அறிவுறுத்தல்களுக்கு CBP இணையதளத்தைப் பாருங்கள். உங்களது I-94 அல்லது I-94W காகிதப் படிவத்தை அமெரிக்கத் தூதரக அல்லது துணைத் தூதரக அதிகாரிக்கு அனுப்பி வைக்காதீர்கள்.

அமெரிக்காவிற்குள் நுழைவதற்கு அனுமதிய வழங்கிய போது, நீங்கள் I-94 காகிதப் படிவத்திற்குப் பதிலாக உங்கள் கடவுச்சீட்டில் ஒரு நுழைவுகள் முத்திரையைப் பெற்றுக் கொள்கிற பட்சத்தில், அந்த I-94 பதிவு மின்னணு ரீதியாக உருவாக்கப்பட்டது, அதனால் உங்களுக்கு ஒரு காகித நகல் கொடுக்கப்படவில்லை. நீங்கள் அமெரிக்காவிலிருந்து புறப்படுவதை CBP மின்னணு ரீதியாகப் பதிவு செய்யும். CBP இணையதளத்தில் இன்னும் அதிகம் தெரிந்து கொள்ளுங்கள்.

மறுபடியும் மேலே செல்க


 

கே.17 எனது படிவத்தைச் சமர்ப்பிப்பது மற்றும் உறுதிப்படுத்தல் பக்கத்தை அச்சிடுவது குறித்து எனக்குக் கேள்விகள் இருக்கின்றன. இன்னும் அதிகத் தகவல்களுக்கு நான் எங்கே செல்ல வேண்டும்?

விண்ணப்பப் படிவம் குறித்த விஷயத்தில் எங்களது அழைப்பு மையத்தினால் உதவிபுரிய இயலாது. DS-160 படிவத்தைப் பூர்த்தி செய்வது குறித்த விசாரணை எதனையும் பின்வரும் இணையதளத்தில் பார்த்துத் தீர்த்துக் கொள்ளலாம்.

மறுபடியும் மேலே செல்க


 

கே.18 நான் எனது பெயரை மாற்றியுள்ளேன். என்னுடைய பழைய பெயருடன் உள்ள எனது அமெரிக்க விசா இன்னும் செல்லுபடியாகுமா?

உங்களது  பெயர் சட்டப்படி திருமணத்தின் மூலமோ அல்லது விவாகரத்தின் மூலமோ
நீதிமன்ற உத்தரவின்படி மாறியிருந்தால் நீங்கள் புதிய கடவுச்சீட்டைப் பெற வேண்டும். ஒரு
புதிய கடவுச்சீட்டு உங்களுக்கு கிடைக்கப் பெற்றவுடன், அமெரிக்காவிலிருந்தோ அல்லது
அமெரிக்காவிற்க்கோ பயணம் செய்ய எளிதாக ஒரு புதிய அமெரிக்க விசாவிற்கு நீங்கள்
விண்ணப்பிக்கும்படி மாநில திணைக்களம் உங்களை  பரிந்துரை செய்கிறது.

மறுபடியும் மேலே செல்க


அடிக்கடி கேட்கப்படும் கேள்விகள் - வீசா மறுப்புகள்

  1. 214(b) பிரிவு என்றால் என்ன?
  2. ஒரு விண்ணப்பதாரர் “வலிமையான பிணைப்புகளை” எவ்விதம் நிரூபிக்க முடியும்?
  3. 214(b) பிரிவின் கீழ் மறுக்கப்படுவது என்பது நிரந்தரமானதா?
  4. ஒரு முடிவை மாற்றுக் கொள்ளும்படி துணைத் தூதரக அதிகாரியை யார் வற்புறுத்த முடியும்?

அமெரிக்கா என்பது ஒரு திறந்த சமுதாயம் ஆகும். மற்ற அநேக நாடுகளைப் போல் அல்லாமல், அவ்வப்பகுதி அதிகாரிகளிடம் பதிவு செய்து கொள்வது போன்று, பெரும்பாலான வருகையாளர்கள் மீது அமெரிக்கா உள்ளான கட்டுப்பாடுகளை விதிப்பதில்லை. வேறுவிதமாக விண்ணப்பதாரர் நிரூபிக்கிற வரையில் ஒவ்வொரு வீசா விண்ணப்பதாரரையும் குடிவரவு செய்ய எண்ணங் கொண்டுள்ளவர் என்பதாகவே துணைத் தூதரக அதிகாரி பார்வையிட வேண்டியது எமது குடிவரவுச் சட்டங்களுக்கு அவசியமாகிறது. அமெரிக்காவில் தடையில்லாத பயணத்திற்கான சுதந்திரத்தை மகிழ்ச்சியாக அனுபவிப்பதற்கு, ஒரு வருகையாளர் அல்லது மாணவர் வீசா உங்களுக்கு வழங்கப்படுவதற்கு முன்பே நீங்கள் மறுபடியும் அமெரிக்காவிலிருந்து திரும்பிச் செல்லப் போகிறீர்கள் என்பதை நிரூபிப்பதற்கான பொறுப்பு உங்களுக்கு உள்ளது.

மறுபடியும் மேலே செல்க


 

கே.1 214(b) பிரிவு என்றால் என்ன?

214(b) பிரிவு என்பது குடிவரவு மற்றும் நாட்டினச் சட்டத்தின் (INA) ஒரு பகுதியாகும். அது சொல்வதாவது:

(b) ஒவ்வொரு அந்நியரும் (101(a)(15) பிரிவின் (L) அல்லது (V) துணைப் பத்தியில் விவரித்துள்ள குடிவரவாளர் அல்லாதோர், மற்றும் இது போன்ற பிரிவுகளின் துணைப்பிரிவு (b1) நீங்கலாக 101(a)(15)(H)(i) பிரிவின் ஷரத்து எதிலும் விவரித்துள்ள குடிவரவாளர் அல்லாதோர் தவிர) ஒரு வீசாவிற்கு விண்ணப்பிக்கும் நேரத்தில் துணைத் தூதரக அதிகாரிக்கும், அமெரிக்காவில் நுழைவதற்கு விண்ணப்பிக்குக்ம் நேரத்தில் குடிவரவு அதிகாரிகளுக்கும், 101(a)(15) பிரிவின் கீழ் குடிவரவாளர் அல்லாதோருக்கான அந்தஸ்திற்கு தான் உரிமையானவர் என அவர்கள் திருப்திப்படும் வகையில் நிரூபிக்காத வரையில் அவர் ஒரு குடிவரவாளராகவே கருதப்படுவார். எமது துணைத் தூதரக அதிகாரிக்கு ஒரு சிரமமான வேலையுள்ளது. தற்காலிக வீசா ஒன்றைப் பெறுவதற்கு ஒருவர் தகுதியடைகிறாரா என்பதை அவர்ர்கள் மிகக் குறுகிய காலத்திலேயே முடிவு செய்தாக வேண்டியுள்ளது. பெரும்பாலான நிலைகள், ஒரு சுருக்கமான நேர்காணலுக்குப் பின்பும், ஒரு விண்ணப்பதாரர் காண்பிக்கிற தடயம் எதையும் மறுஆய்வு செய்த பின்புமே முடிவு செய்யப்படுகின்றன. விண்ணப்பதாரர் ஒருவர் வருகையாளர் அல்லது மாணவர் வீசா ஒன்றுக்குத் தகுதியடைவதற்கு, சட்டத்தின் முறையே 101(a)(15)(B) அல்லது (F) பிரிவுகளின் தேவைகளைச் சந்தித்தாக வேண்டும். அப்படிச் சந்திக்கத் தவறுவது, INA 214(b) சட்டப் பிரிவின் கீழ் வீசா மறுக்கப்படுவதில் போய் முடிந்துவிடும். அது போன்று மறுக்கப்படுவதற்கான மிகவும் அடிக்கடி ஏற்படுகிற அடிப்படைக் காரணம் என்பது அமெரிக்காவிற்கு வரவுள்ள வருகையாளர் அல்லது மாணவருக்கு அமெரிக்காவிற்கு வெளியில் உள்ளதோர் நாட்டில் வசிப்பிடம் ஒன்று இருக்கிறது என்பதையும், அதனை விட்டுவிடுவதற்கு அவருக்கு எவ்வித எண்ணமும் இல்லை என்பதையும் நிரூபிப்பதற்கான தேவையாகவே இருக்கிறது. அது போன்ற வசிப்பிடம் இருப்பதை, விண்ணப்பதாரர்களுக்கு அமெரிக்காவிற்கு வெளியே பிணைப்புகள் இருக்கின்றன என்றும், அமெரிக்காவில் அவர்கள் தற்காலிகமாகத் தங்கியிருந்த காலத்தின் முடிவில் அது அவர்களை ஊர் திரும்பக் கட்டாயப்படுத்துகிறது என்பதை நிரூபிப்பதன் மூலமாகவே அவர்கள் நிரூபிக்கிறார்கள். விண்ணப்பதாரர்களின் மீது சட்டம் இந்தச் சுமையையே சுமத்துகிறது.

மறுபடியும் மேலே செல்க


 

கே.2 ஒரு விண்ணப்பதாரர் “வலிமையான பிணைப்புகளை” எவ்விதம் நிரூபிக்க முடியும்?

பிணைப்புகள் என்பவை உங்களை உங்கள் சொந்த நாட்டோடு இணைக்கிற உங்கள் வாழ்வின் பல்வேறு கோணங்களாகும். வலிமையான பிணைப்புகள் என்பவை நாட்டிற்கு நாடும், நகரத்திற்கு நகரமும், ஆளுக்கு ஆளும் வேறுபடுகின்றன, ஆனால் அதற்கான உதாரணங்களில் அடங்குபவை:

  • உங்கள் வேலை;
  • உங்கள் வீடு; மற்றும்/அல்லது
  • குடும்பத்தினர் நண்பர்களோடு உங்களுக்குள்ள உறவுகள்.

வீசா நேர்காணல்களை நடத்துகையில், துணைத் தூதரக அதிகாரிகள் ஒவ்வொரு விண்ணப்பதாரரையும் தனித்தனியாகப் பார்வையிட்டு, தற்காலிகமாகத் தங்கியிருந்த பிறகு விண்ணப்பதாரர் அமெரிக்காவை விட்டுப் புறப்பட்டு விடுவார் என்பதை உறுதி செய்கிற, விண்ணப்பதாரரின் சூழ்நிலைகளை, பயணத் திட்டங்களை, நிதிசார்ந்த வளங்களை, அமெரிக்காவிற்கு வெளியேயுள்ள பிணைப்புகளைப் பரிசீலிக்க வேண்டியுள்ளது.

மறுபடியும் மேலே செல்க


 

கே.3 214(b) பிரிவின் கீழ் மறுக்கப்படுவது என்பது நிரந்தரமானதா?

இல்லை. 214(b) பிரிவின் கீழ் வீசா மறுக்கப்படுவது, அல்லது வீசாவிற்குத் தகுதியடையாமல் போய் விடுவது என்பது அந்தக் குறிப்பிட்ட விண்ணப்பத்திற்கானதேயாகும், ஆகவே ஒரு வழக்கு முடிக்கப்பட்டதும், துணைத் தூதரகப் பிரிவு மேற்கொண்டு எந்த நடவடிக்கையும் எடுக்க முடியாது. மேல்முறையீட்டு நடைமுறை என்று எதுவுமில்லை. வீசா முடிவு தொடர்பாகப் பரிசீலிக்க வேண்டிய கூடுதல் தகவல்கள் இருக்கின்றன அல்லது நீங்கள் கடந்த முறை விண்ணப்பம் செய்ததிலிருந்து உங்களது சூழ்நிலைகளில் குறிப்பிடத்தக்க அளவிற்கு மாற்றங்கள் ஏற்பட்டிருக்கின்றன என்பதாக நீங்கள் நினைக்கிற பட்சத்தில், நீங்கள் வீசா ஒன்றுக்காக மறுபடியும் விண்ணப்பிக்கலாம். மறுபடியும் விண்ணப்பிப்பதற்கு, நீங்கள் ஒரு புதிய விண்ணப்பப் படிவத்தைப் பூர்த்தி செய்து, விண்ணப்பக் கட்டணத்தைச் செலுத்தி, புதிய நேர்காணல் ஒன்றுக்காக நேரம் ஒன்றைக் குறிக்கத் திட்டமிட்டாக வேண்டும். மறுவிண்ணப்ப நடைமுறைகள் குறித்து இன்னும் அதிகமாகக் கற்றுக் கொள்வதற்கு, நீங்கள் மறுவிண்ணப்பம் செய்யத் திட்டமிடுகிற அமெரிக்கத் தூதரகம் அல்லது துணைத்தூதரக இணையதளத்தைப் பாருங்கள்.

மறுபடியும் மேலே செல்க


 

கே.4 ஒரு முடிவை மாற்றுக் கொள்ளும்படி துணைத் தூதரக அதிகாரியை யார் வற்புறுத்த முடியும்?

குடிவரவுச் சட்டம், வீசாக்களை வழங்குவதற்கு அல்லது வழங்க மறுப்பதற்கான பொறுப்பை அயல்நாட்டில் உள்ள துணைத் தூதரக அதிகாரிகளுக்குக் கொடுக்கிறது. அனைத்து வீசா வழக்குகளிலும் இறுதி முடிவை அவர்களே எடுக்கிறார்கள். ஒழுங்குமுறையின் படி, துணைத் தூதரக முடிவுகளை மறுஆய்வு செய்வதற்கான அதிகாரம் அமெரிக்க வெளியுறவுத் துறைக்கு உள்ளது, ஆனால் இந்த அதிகாரம் யதார்த்தங்களைத் தீர்மானித்தலுக்கு எதிராக, சட்டத்தைப் புரிந்து கொள்வது என்ற விதத்தில் மட்டுமே எனக் கட்டுப்படுத்தப்படுகிறது. அது போன்ற வீசா மறுப்புகளில் பிரச்சினையில் உள்ள கேள்வியான விண்ணப்பதாரர் ஒருவருக்கு அயல்நாட்டில் தேவையான வசிப்பிடம் இருக்கிறதா என்பது யதார்த்தமான ஒன்றாகும். ஆகவே, அதனைத் தீர்ப்பது என்பது தனிப்பட்ட முறையில் எமது அயல்நாட்டுச் சேவை அலுவலகங்களில் உள்ள துணைத் தூதரக அதிகாரிகளின் அதிகார வரம்பிற்குள்ளேயே விழுகிறது. வலுவான பிணைப்புகள் குறித்த புதிய நம்பவைக்கும் தடயத்தைக் காண்பிப்பதன் வாயிலாக மட்டுமே விண்ணப்பதாரர் ஒருவர் முந்தைய வீசா வழங்க மறுத்ததை மாற்றுவதற்குத் தூதரக அலுவலகத்தில் செல்வாக்கு செலுத்த முடியும்.

214(b) பிரிவைத் தவிர்த்து, வீசாவிற்குத் தகுதியில்லாமல் போகும் தன்மைகள் குறித்த தகவல்களுக்கு, தயவுசெய்து அயலுறவுத் துறையின் தூதரக விவகாரத் இணையதளத்திற்குச் சென்று பாருங்கள்.

மறுபடியும் மேலே செல்க


 

அடிக்கடி கேட்கப்படும் கேள்விகள் - வியாபாரம் / சுற்றுலா வீசா

  1. ஒரு சுற்றுலா அல்லது வியாபார வீசாவில் நான் அமெரிக்காவில் எவ்வளவு காலத்திற்குத் தங்கியிருக்க முடியும்?
  2. அமெரிக்காவிற்கு நான் வந்து சேர எண்ணம் கொண்டுள்ள தேதிக்குப் பிறகு எனது வருகையாளர் வீசா (B-1/B-2) காலாவதியாகிப் போகிறது. இங்கிருந்து புறப்படுவதற்கு முன்பாகவே நான் ஒரு புதிய வீசாவைப் பெற்றுக் கொள்ள வேண்டுமா?
  3. எனது அமெரிக்க வீசா அடுத்த 6 மாதங்களில் காலாவதியாகிவிடும். எனது தற்போதைய வீசா காலாவதியான பின்பு நான் புதியதோர் வீசாவிற்கு விண்ணப்பிக்க வேண்டுமா அல்லது நான் முன்னதாகவே விண்ணப்பிக்கலாமா?
  4. என்னிடம் தற்போது ஒரு செல்லுபடியாகிற B-1/B-2 வீசா இருக்கிறது, அது எனது பழையக் கடவுச் சீட்டில் உள்ள முதல் பெயரில் உள்ளது. இந்த வீசாவை எனது திருமணப் பெயரில் இருக்கிற எனது புதிய கடவுச்சீட்டிற்கு மாற்றிக் கொள்ள நான் விரும்புகிறேன். அதற்கான நடைமுறை என்ன?
  5. எனது தற்போதைய அமெரிக்க வீசா, நான் எனது முந்தைய வேலையில் பணியாற்றிக் கொண்டிருந்த போது எனக்கு வழங்கப்பட்டது. இப்போது ஒரு புதிய நிறுவனத்தில் ஒரு புதிய வேலையில் நான் மாறிவிட்டேன் மேலும் என்னைப் பணிக்கு அமர்த்தியுள்ள புதிய நிறுவனம், அடுத்த மாதம் அமெரிக்காவில் நடைபெறுகிறதோர் மாநாட்டில் கலந்து கொள்வதற்கு என்னை அனுப்ப விரும்புகிறது. நான் அதே வீசாவை உபயோகித்துக் கொள்ள முடியுமா அல்லது நான் புதிய வீசா ஒன்றுக்கு விண்ணப்பிக்க வேண்டுமா?
  6. எனது குழந்தை அமெரிக்காவில் படித்து வருகிறான். நான் அவனோடு சேர்ந்து வாழலாமா?

மறுபடியும் மேலே செல்க


 

கே.1 ஒரு சுற்றுலா அல்லது வியாபார வீசாவில் நான் அமெரிக்காவில் எவ்வளவு காலத்திற்குத் தங்கியிருக்க முடியும்?

ஒரு அமெரிக்கக் குடிவரவாளர் அல்லாதோருக்கான வீசா, அமெரிக்காவில் உள்ள அமெரிக்காவில் நுழையும் (விமான நிலையம் / கப்பல் துறைமுகம்) இடத்திற்குப் பயணம் செலுவதற்கான அனுமதியை உங்களுக்குக் கொடுக்கிறது. சேரவேண்டிய இடத்தில் உள்ள நுழையும் இடத்திற்கு நீங்கள் போய்ச் சேர்ந்ததும், நீங்கள் நுழைவதைப் பரிசீலனை செய்கிற அமெரிக்க சுங்கம் மற்றும் எல்லைப் பாதுகாப்பு அதிகாரியே, நீங்கள் அந்த நாட்டில் தங்கியிருக்கக் கூடிய கால அளவைத் தீர்மானிப்பார். உங்கள் குடிவரவாளர் அல்லாதோருக்கான வீசா செல்லுபடியாக இருக்கிற காலத்தின் போது, அந்த வீசா செல்லுபடியாகும் நாள் வரைக்கும் மற்றும் அந்தக் கடைசி நாள் உட்பட, நீங்கள் அந்நாட்டிற்குள் நுழையும் இடத்திற்குப் பயணிக்கலாம். வீசா கால அளவு நீங்கள் சட்டப்பூர்வமாக எவ்வளவு காலம் அமெரிக்காவில் தங்கியிருக்கலாம் என்பதைத் தீர்மானிப்பதில்லை; அமெரிக்காவிற்கு நீங்கள் வந்து சேர்ந்ததன் பேரில் சுங்கம் மற்றும் எல்லைப் பாதுகாப்பு அதிகாரி மட்டுமே அதனை முடிவு செய்ய முடியும்.

மறுபடியும் மேலே செல்க


 

கே.2 அமெரிக்காவிற்கு நான் வந்து சேர எண்ணம் கொண்டுள்ள தேதிக்குப் பிறகு எனது வருகையாளர் வீசா (B-1/B-2) காலாவதியாகிப் போகிறது. இங்கிருந்து புறப்படுவதற்கு முன்பாகவே நான் ஒரு புதிய வீசாவைப் பெற்றுக் கொள்ள வேண்டுமா?

வீசாவில் சுட்டிக்காட்டியுள்ள கடைசி செல்லுபடித் தேதி வரைக்கும் கூட நீங்கள் அமெரிக்காவிற்கு வந்து சேரலாம். சுங்கம் மற்றும் எல்லைப் பாதுகாப்பு அதிகாரி தான் அங்கு போய்ச் சேர்வதன் பேரில் நீங்கள் எவ்வளவு காலம் அமெரிக்காவில் தங்கலாம் என்பதைத் தீர்மானிக்கிறார். நீங்கள் அமெரிக்காவில் இருக்கும் வேளையிலே உங்களது வீசா காலாவதியாகலாம் - அந்த அதிகாரி உங்களுக்கு வழங்குகிற கால அளவிற்கு மேலே அமெரிக்காவில் தங்கியிருக்காதபடிப் பார்த்துக் கொள்ளுங்கள்.

மறுபடியும் மேலே செல்க


 

கே.3 எனது அமெரிக்க வீசா அடுத்த 6 மாதங்களில் காலாவதியாகிவிடும். எனது தற்போதைய வீசா காலாவதியான பின்பு நான் புதியதோர் வீசாவிற்கு விண்ணப்பிக்க வேண்டுமா அல்லது நான் முன்னதாகவே விண்ணப்பிக்கலாமா?

உங்களது தற்போதைய வீசா காலாவதியாகும் வரை நீங்கள் அமெரிக்காவில் காத்திருக்க வேண்டியதில்லை. உங்களது தற்போதைய வீசா செல்லுபடியாக இருக்கும் போதே கூட நீங்கள் புதியதோர் வீசாவிற்கு விண்ணப்பிக்கலாம்.

மறுபடியும் மேலே செல்க


 

கே.4 என்னிடம் தற்போது ஒரு செல்லுபடியாகிற B-1/B-2 வீசா இருக்கிறது, அது எனது பழையக் கடவுச் சீட்டில் உள்ள முதல் பெயரில் உள்ளது. இந்த வீசாவை எனது திருமணப் பெயரில் இருக்கிற எனது புதிய கடவுச்சீட்டிற்கு மாற்றிக் கொள்ள நான் விரும்புகிறேன். அதற்கான நடைமுறை என்ன?

 அமெரிக்க வீசாக்களை ஒரு கடவுச்சீட்டில் இருந்து இன்னொரு கடவுச்சீட்டிற்கு மாற்றிக் கொள்ள முடியாது. உங்களது  பெயர் சட்டப்படி திருமணத்தின் மூலமோ அல்லது விவாகரத்தின் மூலமோ நீதிமன்ற உத்தரவின்படி மாறியிருந்தால் நீங்கள் புதிய கடவுச்சீட்டைப் பெற வேண்டும். ஒரு புதிய கடவுச்சீட்டு உங்களுக்கு கிடைக்கப் பெற்றவுடன், அமெரிக்காவிலிருந்தோ அல்லது அமெரிக்காவிற்க்கோ பயணம் செய்ய எளிதாக ஒரு புதிய அமெரிக்க விசாவிற்கு நீங்கள் விண்ணப்பிக்கும்படி மாநில திணைக்களம் உங்களை  பரிந்துரை செய்கிறது.

மறுபடியும் மேலே செல்க


 

கே.5 எனது தற்போதைய அமெரிக்க வீசா, நான் எனது முந்தைய வேலையில் பணியாற்றிக் கொண்டிருந்த போது எனக்கு வழங்கப்பட்டது. இப்போது ஒரு புதிய நிறுவனத்தில் ஒரு புதிய வேலையில் நான் மாறிவிட்டேன் மேலும் என்னைப் பணிக்கு அமர்த்தியுள்ள புதிய நிறுவனம், அடுத்த மாதம் அமெரிக்காவில் நடைபெறுகிறதோர் மாநாட்டில் கலந்து கொள்வதற்கு என்னை அனுப்ப விரும்புகிறது. நான் அதே வீசாவை உபயோகித்துக் கொள்ள முடியுமா அல்லது நான் புதிய வீசா ஒன்றுக்கு விண்ணப்பிக்க வேண்டுமா?

வியாபார அல்லது உல்லாசத்திற்கு உங்கள் வீசா செல்லுபடியானதாக இருக்கிற வரையில் நீங்கள் அதே வீசாவை வைத்தே அமெரிக்காவிற்குப் பயணம் செய்யலாம்.

மறுபடியும் மேலே செல்க


 

கே.6 எனது குழந்தை அமெரிக்காவில் படித்து வருகிறான். நான் அவனோடு சேர்ந்து வாழலாமா?

உங்கள் குழந்தையைப் பார்த்து வருவதற்காக நீங்கள் உங்கள் B-1/B-2 வீசாவை உபயோகித்துக் கொள்ள முடியும் (தகுதியானால், வீசா தள்ளுபடித் திட்டத்தின் கீழ் பயணம் செய்யலாம்) என்கிற அதே வேளையில், உங்களது சொந்த குடிவரவாளர், வேலை அல்லது மாணவர் வீசா உங்களிடம் இருந்தால் ஒழிய, நீங்கள் உங்கள் குழந்தையுடன் தங்கியிருக்க முடியாமற் போகலாம்.

மறுபடியும் மேலே செல்க


 

அடிக்கடி கேட்கப்படும் கேள்விகள் - வேலை வீசா

  1. ஒரு மனு என்றால் என்ன?
  2. சாதாரண வேலையைச் செய்வதற்காக நான் வீசா பெற முடியுமா?
  3. ஒரு தற்காலிக வேலை வீசாவிற்கு விண்ணப்பிப்பதற்கான வயது வரம்பு ஏதும் உள்ளதா?
  4. எனது அமெரிக்கா-அடிப்படையிலான உறவினர் ஒரு வேலை வீசாவிற்கு என்னை ஸ்பான்சர் செய்யலாமா?
  5. நான் எப்போது அமெரிக்காவில் நுழைய முடியும்?
  6. மோசடித் தடுப்பு மற்றும் கண்டுபிடிப்புக் கட்டணத்தை செலுத்துவது யார் மற்றும் அதனை அவர்கள் எப்போது செலுத்துகிறார்கள்?

மறுபடியும் மேலே செல்க


 

கே.1 ஒரு மனு என்றால் என்ன?

அமெரிக்கத் தூதரகம் அல்லது துணைத் தூதரகத்தில் ஒரு தற்காலிகப் பணியாளர் வீசாவிற்கு விண்ணப்பிப்பதற்கு முன்பாக, உங்களிடம் அங்கீகரித்துள்ள படிவமும், USCIS-இல் இருந்து பெறுகிற குடிவரவாளர் அல்லாதோருக்கான மனுவும் இருந்தாக வேண்டும். இந்த மனுவை, உங்களது வேலை ஆரம்பிக்கத் திட்டமிட்டுள்ல தேதிக்கு முன் ஆறு மாதங்களுக்கு முன்னதாகவே உங்களுக்கு வேலை கொடுக்க வாய்ப்புள்ள நிறுவனமே சமர்ப்பித்தாக வேண்டும். உங்களைப் பணியமர்த்துகிற நிறுவனம், இம்மனு மீது நடவடிக்கை எடுக்கப் போதுமான கால அவகாசத்தைக் கொடுக்க வழி செய்யும் வகையில் இதனை 6-மாத காலத்திற்குள்ளாக சீக்கிரமாகவே சமர்ப்பிக்க வேண்டும். அங்கீகரித்ததும், உங்களைப் பணியமர்த்தும் நிறுவனத்திற்கு I-797 படிவமும், நடவடிக்கை குறித்த அறிவிப்பும் அனுப்பி வைக்கப்படும். இன்னும் அதிகத் தகவல்களுக்கு, USCIS தற்காலிகப் பணியாளர்கள் இணையபக்கத்தைப் பாருங்கள்.

குறிப்பு: உங்கள் மனுவின் அங்கீகாரத்தை சரிபார்க்க, அமெரிக்கத் தூதரகம் அல்லது துணைத் தூதரகத்திற்கு உங்களது I-129 மனு இரசீது எண்ணும், உங்களது அங்கீகரித்த I-797 படிவமும் அவசியமாகிறது. தயவுசெய்து இவையிரண்டையும் உங்கள் நேர்காணலுக்கு உங்களோடு கொண்டு வாருங்கள்.

மறுபடியும் மேலே செல்க


 

கே.2 சாதாரண வேலையைச் செய்வதற்காக நான் வீசா பெற முடியுமா?

இல்லை. வழக்கமான வேலையை உள்ளடக்குகிற வீசா என்று எதுவுமில்லை. அமெரிக்காவில் வேலை பார்க்கத் திட்டமிடுகிற விண்ணப்பதாரர்கள் அனைவரும், அவர்களது வீசா நேர்காணலுக்கு நேரம் குறிப்பதற்கு முன்பாக அவர்களிடம் ஒரு அங்கீகரித்த மனு இருந்தாக வேண்டும்.

மறுபடியும் மேலே செல்க


 

கே.3. ஒரு தற்காலிக வேலை வீசாவிற்கு விண்ணப்பிப்பதற்கான வயது வரம்பு ஏதும் உள்ளதா?

இல்லை.

மறுபடியும் மேலே செல்க


 

கே.4 எனது அமெரிக்கா-அடிப்படையிலான உறவினர் ஒரு வேலை வீசாவிற்கு என்னை ஸ்பான்சர் செய்யலாமா?

இல்லை. உங்களைப் பணியமர்த்தும் நிறுவனம் மட்டுமே உங்களை ஸ்பான்சர் செய்ய முடியும்.

மறுபடியும் மேலே செல்க


 

கே.5 நான் எப்போது அமெரிக்காவில் நுழைய முடியும்?

உங்களது I-797 படிவத்தில் அல்லது உங்களது வேலைவாய்ப்புக் கடிதத்தில் குறித்துள்ளபடி, உங்களது ஆரம்பகட்ட வேலை ஆரம்பிக்கும் தேதிக்கு முன் வருகிற 10 நாட்கள் வரை உங்களால் அமெரிக்காவிற்குள் நுழைய முடியாமற் போகலாம்.

மறுபடியும் மேலே செல்க


 

கே.6 மோசடித் தடுப்பு மற்றும் கண்டுபிடிப்புக் கட்டணத்தை செலுத்துவது யார் மற்றும் அதனை அவர்கள் எப்போது செலுத்துகிறார்கள்?

ஒரு பிளாங்கெட் மனுவில் பயணம் செய்கிறதோர் L-1 வீசாவிற்கானதோர் விண்ணப்பதாரர், மோசடித் தடுப்பு மற்றும் கண்டுபிடிப்புக் கட்டணத்திற்குப் பணம் செலுத்தியாக வேண்டும். தனித்தனி L, H-1B, மற்றும் H-2B மனுக்களில், அந்த மனுவை தாக்கல் செய்யும் போது அமெரிக்க மனுதாரர் USCIS -க்கு மோசடித் தடுப்பு மற்றும் கண்டுபிடிப்புக் கட்டணத்தை செலுத்துகிறார்.

மறுபடியும் மேலே செல்க


 

அடிக்கடி கேட்கப்படும் கேள்விகள் - மாணவர் வீசா

  1. ஒரு I-20 என்றால் என்ன அதனை நான் எப்படிப் பெறுவது?
  2. எனது மாணவர் வீசாவிற்கு நான் எவ்வளவு சீக்கிரம் விண்ணப்பிக்க வேண்டும்?
  3. எனது வீசாவை நான் பெற்றுக் கொண்டேன், எப்போது நான் பயணிக்க வேண்டும்?
  4. அமெரிக்காவில் இருக்கும் வேளையில், வருகையாளர் வீசாவில் உள்ளதோர் நபர் ஒரு பாடசாலையில் சேர அனுமதி பெற்று, ஒரு I-20 படிவத்தைப் பெறுகிற பட்சத்தில் அவர் தனது அந்தஸ்தை மாணவர் என்பதாக மாற்றிக் கொள்ள முடியுமா?
  5. வேறொரு பாடசாலைக்கு நான் I-20 படிவத்தைப் பெற்றால் என்னாகிறது?
  6. நான் ஒரு H-1B ஆகப் பணியாற்றிக் கொண்டிருக்கிறேன் மேலும் ஒரு F-1 ஆக ஒரு பல்கலைக்கழகத்தில் சேர்ந்திருக்கிறேன். மாணவர் வீசா ஒன்றுக்கு விண்ணப்பிப்பதற்காக நான் எனது சொந்த நாட்டிற்குத் திரும்பிச் செல்ல வேண்டுமா?
  7. F-1 மாணவர் ஒருவர் அமெரிக்காவில் வேலை பார்க்க முடியுமா?
  8. SEVIS அமைப்பு என்றால் என்ன அது என்னை எவ்விதம் பாதிக்கிறது?

மறுபடியும் மேலே செல்க


 

கே.1 ஒரு I-20 என்றால் என்ன அதனை நான் எப்படிப் பெறுவது?

படிவம் I-20 என்பது சான்றுபெற்ற பாடசாலை ஒன்று வழங்குகிற ஒரு அலுவலகப் பூர்வமான அமெரிக்க அரசாங்கப் படிவமாகும், இதனை ஒரு F-1 அல்லது M-1 வீசாவைப் பெறுவதற்கு ஒரு குடிவரவாளர் அல்லாத மாணவராக வாய்ப்புள்ளவர் வைத்திருந்தாக வேண்டும். I-20 படிவம் ஏற்றுக் கொண்டதற்கான அத்தாட்சியாகச் செயல்படுகிறது மேலும் அதில் கட்டணத்தைச் செலுத்துவதற்கு, வீசாவிற்கு விண்ணப்பிப்பதற்கான அல்லது வீசா அந்தஸ்தை மாற்றுவதற்கான, அமெரிக்காவில் நுழைய அனுமதிப்பதற்குத் தேவையான தகவல்கள் உள்ளன. I-20 படிவத்தில் மாணவரின் அடையாள எண் இருக்கிறது, இது N என்ற எழுத்தைக் கொண்டு ஆரம்பித்து ஒன்பது இலக்க எண்களைக் கொண்டுள்ளது, இது பட்டைக் குறியீட்டிற்கு நேர் மேலே வலது பக்கத்தில் மேல் பகுதியில் உள்ளது.

மறுபடியும் மேலே செல்க


 

கே.2 எனது மாணவர் வீசாவிற்கு நான் எவ்வளவு சீக்கிரம் விண்ணப்பிக்க வேண்டும்?

உங்களிடம் I-20 படிவம் வந்ததும் கூடிய விரைவில் உங்கள் குடிவரவாளர் அல்லாத மாணவர் வீசாவிற்கு நீங்கள் விண்ணப்பிக்க வேண்டும் என்றே நாங்கள் உங்களை ஊக்குவிக்கிறோம். உங்களுக்கு சீக்கிரமாகவும், உரிய நேரத்திலும் ஒரு நேரம் கிடைப்பதை உறுதி செய்யும் வகையில், நீங்கள் எந்த நேரத்தில் வேண்டுமானாலும் விண்ணப்பிக்கலாம். ஆயினும், உங்கள் I-20 படிவத்தில் குறிப்பிட்டுள்ள ஆரம்பத் தேதிக்கு முன்னாக 120 நாட்களுக்கும் மேல் அல்லாத காலத்தில் உங்களுக்கு ஒரு மாணவர் வீசா வழங்கப்படலாம்.

மறுபடியும் மேலே செல்க


 

கே.3 எனது வீசாவை நான் பெற்றுக் கொண்டேன், எப்போது நான் பயணிக்க வேண்டும்?

நீங்கள் முதன்முறை அமெரிக்காவில் நுழைவதற்கு, உங்களது வீசா எப்போது வழங்கப்பட்டது என்பதைப் பொறுத்தல்லாமல், உங்கள் I-20 படிவத்தில் சொல்லியுள்ள படிப்பு ஆரம்பிப்பதற்கு 30 நாட்களுக்குள் தான் நீங்கள் அமெரிக்காவிற்குள் நுழையலாம்.

மறுபடியும் மேலே செல்க


 

கே.4 அமெரிக்காவில் இருக்கும் வேளையில், வருகையாளர் வீசாவில் உள்ளதோர் நபர் ஒரு பாடசாலையில் சேர அனுமதி பெற்று, ஒரு I-20 படிவத்தைப் பெறுகிற பட்சத்தில் அவர் தனது அந்தஸ்தை மாணவர் என்பதாக மாற்றிக் கொள்ள முடியுமா?

மாற்றிக் கொள்ளலாம். பொதுவாக, நீங்கள் ஒரு குடிவரவாளர் அல்லாதோருக்கான வீசாவைக் கொண்டு அமெரிக்காவில் நுழைவதற்கு சட்டப்பூர்வமாக அனுமதிக்கப்பட்டீர்கள் என்றால், உங்களது குடிவரவாளர் அல்லாதோர் அந்தஸ்து தொடர்ந்து செல்லுபடியாக இருந்தால், உங்கள் அந்தஸ்திற்கான நிபந்தனைகளை நீங்கள் மீறவில்லை என்றால், மேலும் உங்களைத் தகுதியற்றவராக ஆகும் செயல்பாடுகள் எதையும் நீங்கள் செய்திருக்கவில்லை என்றால், உங்கள் குடிவரவாளர் அல்லாதோருக்கான வீசா அந்தஸ்தை மாற்றிக் கொள்ள நீங்கள் விண்ணப்பிக்கலாம். இன்னும் அதிக விவரங்களுக்கு, தயவுசெய்து USCIS இணையதளத்திற்கு சென்று பாருங்கள்.

மறுபடியும் மேலே செல்க


 

கே.5 வேறொரு பாடசாலைக்கு நான் I-20 படிவத்தைப் பெற்றால் என்னாகிறது?

உங்கள் நேர்காணலுக்கான நேரத்தைக் குறித்த பிறகே நீங்கள் I-20 படிவத்தைப் பெற்றுக் கொண்டீர்கள் என்றால், அந்த நேர்காணல் நேரத்தின் போது அப்புதிய I-20 படிவம் குறித்து அமெரிக்கத் துணைத் தூதரக அதிகாரியிடம் நீங்கள் தகவல் தெரிவிக்கலாம்.

மறுபடியும் மேலே செல்க


 

கே.6 நான் ஒரு H-1B ஆகப் பணியாற்றிக் கொண்டிருக்கிறேன் மேலும் ஒரு F-1 ஆக ஒரு பல்கலைக்கழகத்தில் சேர்ந்திருக்கிறேன். மாணவர் வீசா ஒன்றுக்கு விண்ணப்பிப்பதற்காக நான் எனது சொந்த நாட்டிற்குத் திரும்பிச் செல்ல வேண்டுமா?

இல்லை. நீங்கள் அமெரிக்காவிற்கு வந்து சேர்ந்ததும், நீங்கள் புதிய வீசாவிற்கு விண்ணப்பிக்க வேண்டியதில்லை, ஏனென்றால் வீசா என்பது அமெரிக்காவிற்குள் நுழைவதற்கு மட்டுமானதேயாகும். உங்கள் அந்தஸ்தை மாற்றியமைத்துக் கொள்ள வேண்டுமா என்பதை USCIS-ல் கேட்டுத் தெரிந்து கொள்ளுங்கள். ஆயினும், நீங்கள் நாட்டை விட்டு வெளியேறுகிற பட்சத்தில், அமெரிக்காவிற்குள் மறுபடியும் நுழைவதற்கு நீங்கள் மாணவர் வீசாவிற்கு விண்ணப்பிக்க வேண்டியிருக்கும்.

மறுபடியும் மேலே செல்க


 

கே.7 F-1 மாணவர் ஒருவர் அமெரிக்காவில் வேலை பார்க்க முடியுமா?

F வீசாக்களில் உள்ள முழு-நேர மாணவர்கள், வாரத்திற்கு 20 மணி நேரங்களுக்கு மிகாத வகையில் வளாகத்தினுள் செய்யும் வேலைகளைத் தேடிக் கொள்ளலாம். மாணவர் வீசாவில் இருந்த முதல் ஆண்டிற்குப் பிறகு, USCIS-இல் இருந்து கிடைக்கிற அங்கீகாரத்தோடு ஒரு விண்ணப்பதாரர் வளாகத்திற்கு வெளியே கிடைக்கிற வேலைவாய்ப்பிற்கு விண்ணப்பிக்கலாம். மேலும் தகவல்களுக்கு தயவுசெய்து உங்கள் மாணவர் ஆலோசகரைத் தொடர்பு கொள்ளுங்கள்.

மறுபடியும் மேலே செல்க


 

கே.8 SEVIS அமைப்பு என்றால் என்ன அது என்னை எவ்விதம் பாதிக்கிறது?

மாணவர் மற்றும் பரிமாற்ற வருகையாளர் தகவல் அமைப்புத் (SEVIS) திட்டத்திற்கு, பாடசாலைகளும், பரிமாற்றத் திட்டங்களும் அனைத்துப் புதிய மற்றும் தொடர்ந்து படிக்கிற அயல்நாட்டு மாணவர்கள் மற்றும் பரிமாற்ற வருகையாளர்களின் பதிவு அந்தஸ்தை சரிபார்ப்பது அவசியமாகிறது. மாணவர் வீசா விண்ணப்பதாரர்கள், வீசா வழங்கப்படுவதற்கு முன்பாக ஒரு SEVIS கட்டணத்தைச் செலுத்த வேண்டியுள்ளது. அதன் பின் பணம் செலுத்தியதற்கான அத்தாட்சியாக விண்ணப்பதாரர்கள் SEVIS I-901 கட்டண இரசீதை வழங்க வேண்டியுள்ளது. SEVIS இணையதளத்தில் இன்னும் அதிகத் தகவல்கள் உள்ளன.

மறுபடியும் மேலே செல்க


 

அடிக்கடி கேட்கப்படும் கேள்விகள் - பரிமாற்றப் பார்வையாளர் வீசா

  1. எனது வீசாவை நான் பெற்றுக் கொண்டேன், எப்போது நான் பயணிக்க வேண்டும்?
  2. SEVIS அமைப்பு என்றால் என்ன அது என்னை எவ்விதம் பாதிக்கிறது?
  3. “இரண்டு-ஆண்டு விதி” என்றால் என்ன?
  4. “இரண்டு-ஆண்டு விதியைத்” தள்ளுபடி செய்ய முடியுமா?

மறுபடியும் மேலே செல்க


 

கே.1 எனது வீசாவை நான் பெற்றுக் கொண்டேன், எப்போது நான் பயணிக்க வேண்டும்?

உங்களது வீசா எப்போது வழங்கப்பட்டது என்பதைப் பொறுத்தல்லாமல், உங்கள் DS-2019 படிவத்தில் சொல்லியுள்ள பாடப் பயிற்சி ஆரம்பிப்பதற்கு 30 நாட்களுக்குள் தான் பரிமாற்ற வருகையாளர்கள் அமெரிக்காவிற்குள் நுழையலாம்.

மறுபடியும் மேலே செல்க


 

கே.2 SEVIS அமைப்பு என்றால் என்ன அது என்னை எவ்விதம் பாதிக்கிறது?

மாணவர் மற்றும் பரிமாற்ற வருகையாளர் தகவல் அமைப்புத் (SEVIS) திட்டத்திற்கு, பாடசாலைகளும், பரிமாற்றத் திட்டங்களும் அனைத்துப் புதிய மற்றும் தொடர்ந்து படிக்கிற அயல்நாட்டு மாணவர்கள் மற்றும் பரிமாற்ற வருகையாளர்களின் பதிவு அந்தஸ்தை சரிபார்ப்பது அவசியமாகிறது. SEVIS இணையதளத்தில் இன்னும் அதிகத் தகவல்கள் உள்ளன.

மறுபடியும் மேலே செல்க


 

கே.3 “இரண்டு-ஆண்டு விதி” என்றால் என்ன?

இந்த “இரண்டு-ஆண்டு விதி” என்பது அமெரிக்கக் குடிவரவு சட்டப் பிரிவிற்கு உபயோகிக்கப்படுகிறதோர் பொதுவான சொல்லாகும், இதற்கு ஒருசில வீசா வகைகளின் கீழ், குறிப்பாக H-1, L-1, K-1 மற்றும் குடிவரவாளர் வீசாக்களின் கீழ், பரிமாற்ற வருகையாளர்கள் திரும்பவும் அமெரிக்காவிற்கு வருவதற்கு முன்பாக அவர்களது பரிமாற்ற வருகை முடிவடைந்த பிறகு அவர்களது சொந்த நாட்டிற்குத் திரும்பிச் சென்று, குறைந்தது இரண்டு ஆண்டுகளுக்காவது உடல் ரீதியாக அங்கு இருக்க வேண்டியது அவசியமாகிறது. உங்களது J-1 வீசா வழங்கப்படும் போது, உங்கள் DS-2019 படிவத்தில் அந்த இரண்டு-ஆண்டு விதி உங்களுக்குப் பொருந்துகிறதா என்பது குறித்த பூர்வாங்கக் கண்டுபிடிப்பு மட்டுமே செய்யப்படுகிறது என்பதைக் குறித்துக் கொள்வது முக்கியமானதாகும். பிற்பாடு நீங்கள் H-1, L-1, K-1 அல்லது குடிவரவாளர் வீசாவிற்கு விண்ணப்பிக்கத் தெரிவு செய்கிற பட்சத்தில் மட்டுமே இறுதி முடிவு எடுக்கப்படுகிறது.

இரண்டு-ஆண்டு விதிக்கு உட்பட்டு, J-1 வீசா வைத்திருப்பவர்கள் அமெரிக்காவிலேயே இருந்து, முதலில் இரண்டு ஆண்டுகளுக்கு சொந்த நாட்டிற்குத் திரும்பிச் செல்லாமல் அல்லது அங்கீகரித்த தள்ளுபடியைப் பெறாமல், தடைசெய்யப்பட்டதோர் குடிவரவாளர் அல்லாதோர் அந்தஸ்திற்கு (உதாரணமாக, J-1 வீசாவிலிருந்து H-1 வீசாவிற்கு) அல்லது சட்டப்புர்வ நிரந்தர வசிப்பாளர் அந்தஸ்திற்கு (பச்சை அட்டை) சரிசெய்ய/மாற்றிக் கொள்வதற்கு விண்ணப்பிக்க அனுமதிக்கப்படுவதில்லை. நீங்கள் இரண்டு-ஆண்டு விதிக்கு உட்படுகிறீர்களா என்பது, அநேகக் காரணிகள் மூலமாகத் தீர்மானிக்கப்படுகிறது, அதில் நிதி கிடைப்பதற்கு உங்களுக்குள்ள ஆதாரம் மற்றும் உங்கள் நாட்டின் “திறமைகள் பட்டியல்” ஆகியவை அடங்குகின்றன. இது அமெரிக்காவில் நீங்கள் செலவிடுகிற காலத்தின் அளவைப் பொருத்தே தீர்மானிக்கப்படுகிறது.

மறுபடியும் மேலே செல்க


 

கே.4 “இரண்டு-ஆண்டு விதியைத்” தள்ளுபடி செய்ய முடியுமா?

ஒருவேளை தள்ளுபடி செய்ய முடியலாம். அயலுறவுத் துறையின் வீசா அலுவலகம் மட்டுமே இவ்விரண்டு-ஆண்டு விதி குறித்த தள்ளுபடியை வழங்க முடியும். அந்த வீசா அலுவலகம் தான், உங்கள் கடவுச்சீட்டில் என்ன குறிப்பிட்டுள்ளது என்பதைப் பொருட்படுத்தாமல், நீங்கள் அந்த விதிக்கு உட்படுகிறீர்களா என்பது குறித்த இறுதி ஆணையமும் ஆகும். நீங்கள் அந்த இரண்டு ஆண்டு விதிக்கு உட்படுகிறீர்கள் என்றால், உங்களால் தள்ளுபடி பெறத் தகுதியடையலாம். நீங்கள் அந்த இரண்டு-ஆண்டு விதிக்கு உட்படுகிறீர்கள் என்றால், நீங்கள் அப்போதும் ஒரு சுற்றுலா வீசாவிற்குத் தகுதியடையலாம் அல்லது மேலே குறிப்பிட்டுள்ளவற்றைத் தவிர்த்து மற்ற குடிவரவாளர் அல்லாதோருக்கான வீசா எதற்கும் தகுதியடையலாம்.

மறுபடியும் மேலே செல்க


 

அடிக்கடி கேட்கப்படும் கேள்விகள் - இடைவழி/கப்பல் பணியாளர் வீசா

  1. நான் பயணத்தின் இடையே அமெரிக்காவில் ஒருநாள் இறங்கி, அடுத்த நாளில் இன்னொரு நாட்டிற்கு விமானத்தில் ஏறத் திட்டமிடுகிறேன். நான் C-1 வீசாவிற்கு விண்ணப்பிக்க வேண்டுமா அல்லது B-1/B-2 வீசாவிற்கு விண்ணபிக்க வேண்டுமா?

மறுபடியும் மேலே செல்க


 

கே.1 நான் பயணத்தின் இடையே அமெரிக்காவில் ஒருநாள் இறங்கி, அடுத்த நாளில் இன்னொரு நாட்டிற்கு விமானத்தில் ஏறத் திட்டமிடுகிறேன். நான் C-1 வீசாவிற்கு விண்ணப்பிக்க வேண்டுமா அல்லது B-1/B-2 வீசாவிற்கு விண்ணபிக்க வேண்டுமா?

பயண இடைவெளியில் அமெரிக்காவிற்கு வந்து செல்வது தவிர, நண்பர்களைப் போய்ப் பார்ப்பது, சுற்றிப் பார்ப்பது போன்ற மற்ற நோக்கங்களுக்காக தங்குவதற்கான உரிமைகளை நீங்கள் நாடினால், B-2 வீசா போன்று அந்தந்த நோக்கத்திற்கு அவசியமாகிற வீசா வகைக்கு விண்ணப்பித்து, அதனை நீங்கள் பெற்றுக் கொண்டாக வேண்டும்.

மறுபடியும் மேலே செல்க


 

அடிக்கடிக் கேட்கப்படும் கேள்விகள் - மதப் பணியாளர் வீசா

  1. நான் ஒரு மதப் பணியாளர் வீசாவிற்காக விண்ணப்பிக்கிறேன், ஆனால் என்னிடம் அங்கீகாரம் பெற்றதோர் மனு இல்லை. நான் ஒரு R-1 வீசாவை வைத்து முன்னர் அமெரிக்காவிற்குச் சென்றிருக்கிறேன் மேலும் நான் மனுவை வைத்திருப்பது அவசியமாகவில்லை. கடந்த காலத்தில் என்னிடம் வீசா இருந்திருந்ததால், நான் மனு இல்லாமலேயே R-1 வீசாவிற்கு விண்ணப்பிக்க முடியுமா?

மறுபடியும் மேலே செல்க


 

கே.1 நான் ஒரு மதப் பணியாளர் வீசாவிற்காக விண்ணப்பிக்கிறேன், ஆனால் என்னிடம் அங்கீகாரம் பெற்றதோர் மனு இல்லை. நான் ஒரு R-1 வீசாவை வைத்து முன்னர் அமெரிக்காவிற்குச் சென்றிருக்கிறேன் மேலும் நான் மனுவை வைத்திருப்பது அவசியமாகவில்லை. கடந்த காலத்தில் என்னிடம் வீசா இருந்திருந்ததால், நான் மனு இல்லாமலேயே R-1 வீசாவிற்கு விண்ணப்பிக்க முடியுமா?

அங்கீகரித்த மனுவிற்கான அவசியம், 2008, நவம்பர் 28 ஆம் தேதி அமலுக்கு வந்தது. ஒரு R-1 குடிவரவாளர் அல்லாதோருக்கான வீசாவிற்கு விண்ணப்பிக்கிற அனைத்து விண்ணப்பதாரர்களும், அமெரிக்க குடியுரிமை மற்றும் குடிவரவுச் சேவைகளிடமிருந்து (USCIS) ஒரு அங்கீகரித்த மனுவை வைத்துக் கொள்வது அவசியமாகிறது. இன்னும் அதிகத் தகவல்களுக்கு, தயவுசெய்து USCIS இணையதளத்திற்கு சென்று பாருங்கள்.

மறுபடியும் மேலே செல்க


 

அடிக்கடிக் கேட்கும் கேள்விகள் - எனது கடவுச்சீட்டு நிலை அறிக

  1. நான் நேர்காணலுக்குப் பிறகு எனது கடவுச்சீட்டை எவ்வாறு பெற்றுக் கொள்வேன்?
  2. தூதரகம்/துணைத் தூதரகத்தில் கடவுச்சீட்டைப் பெற்றுக் கொள்ள நான் காண்பிக்க வேண்டியது என்ன?
  3. அடையாள அத்தாட்சியாக என்னென்ன வகையான அடையாள அட்டைகள் ஏற்றுக் கொள்ளப்படுகின்றன?
  4. என்னைத் தவிர வேறு யாராவது ஒருவர் எனது கடவுச்சீட்டைப் பெற்றுக் கொள்ளலாமா?

மறுபடியும் மேலே செல்க


 

கே.1 நான் நேர்காணலுக்குப் பிறகு எனது கடவுச்சீட்டை எவ்வாறு பெற்றுக் கொள்வேன்?

சாதாரணமாக, உங்கள் நேர்காணல் முடிந்த ஒரு வேலை நாளுக்குப் பிறகு மதியம் 3:30 மணியளவிலும், வெள்ளிக்கிழமைகளில் காலை 10:00 மணி அளவிலும் அமெரிக்கத் தூதரகத்தில் நீங்கள் உங்கள் கடவுச் சீட்டைப் பெற்றுக் கொள்ளலாம்.

மறுபடியும் மேலே செல்க


 

கே.2 தூதரகம்/துணைத் தூதரகத்தில் கடவுச்சீட்டைப் பெற்றுக் கொள்ள நான் காண்பிக்க வேண்டியது என்ன?

உங்களது கடவுச்சீட்டு அங்கீகரிக்கப்படாத நபர்களிடம் கொடுக்கப்படவில்லை என்பதைப் பார்த்துக் கொள்வதற்காக, உங்கள் கடவுச்சீட்டைப் பெற்றுக் கொள்ளும் போது, நேர்காணல் நாளன்று உங்களிடம் கொடுக்கப்பட்ட டிக்கெட் எண்ணோடு சேர்த்து, அரசாங்கம் வழங்கியதோர் புகைப்பட அடையாள அட்டையை நீங்கள் காண்பித்தாக வேண்டும்.

மறுபடியும் மேலே செல்க


 

கே.3 அடையாள அத்தாட்சியாக என்னென்ன வகையான அடையாள அட்டைகள் ஏற்றுக் கொள்ளப்படுகின்றன?

நீங்கள் அரசாங்கம் வழங்கியதோர் அசல் புகைப்பட அடையாள அட்டையைக் காண்பித்தாக வேண்டும்.

மறுபடியும் மேலே செல்க


 

கே.4 என்னைத் தவிர வேறு யாராவது ஒருவர் எனது கடவுச்சீட்டைப் பெற்றுக் கொள்ளலாமா?

பெற்றுக் கொள்ளலாம். ஆயினும், உங்கள் பிரதிநிதி - குடும்ப உறுப்பினர்கள் எனும் நிலையிலும் கூட - உங்கள் கடவுச்சீட்டைப் பெற்றுக் கொள்வதற்குப் பின்வருவனவற்றைக் காண்பித்தாக வேண்டும்.

உங்கள் சார்பாக உங்கள் பிரதிநிதி ஒருவர் ஆவண சேகரிப்பு அலுவலகத்தில் இருந்து உங்கள் கடவுச்சீட்டைப் பெற்றுக் கொள்கிறார் என்றால் - குடும்ப உறுப்பினர்கள் என்கிற நிலையிலும் கூட - அப்பிரதிநிதி காண்பித்தாக வேண்டியவை:

  • அடையாளத்திற்காக அரசாங்கம் வழங்கிய அவர்களது சொந்த அசல் புகைப்பட அடையாள அட்டை
  • அரசாங்கம் வழங்கிய உங்கள் அசல் புகைப்பட அடையாள அட்டையின் ஒரு நகல்
  • உங்கள் கடவுச்சீட்டைப் பெற்ருக் கொள்வதற்கு உங்கள் பிரதிநிதியை அங்கீகரித்து, நீங்கள் கையொப்பமிட்ட அங்கீகாரக் கடிதம் ஒன்று. அந்த அங்கீகாரக் கடிதத்தில் பின்வரும் தகவல்கள் இருந்தாக வேண்டும்:
    • உங்கள் பிரதிநிதியின் அரசாங்க வழங்கிய புகைப்பட அடையாள அட்டையில் காண்பித்துள்ளபடி அவரது முழுப் பெயர்
    • உங்கள் பெயர்

விண்ணப்பதாரர 16 வயதிற்குக் கீழானவர் என்றால், பின்வரும் ஆவணங்கள் அவசியமாகின்றன:

  • விண்ணப்பதாரரின் பெற்றோர் யாராவது ஒருவரிடமிருந்து பெற்ற கையொப்பமிட்டதோர் அசல் அங்கீகாரக் கடிதம்
  • விண்ணப்பதாரரின் அங்கீகாரக் கடிதத்தில் கையொப்பமிட்ட பெற்றோருக்குரிய அரசாங்கம்-வழங்கிய புகைப்பட அடையாள அட்டையின் ஒரு தெளிவான புகைப்பட நகல்
  • அந்தப் பிரதிநிதியின் அரசாங்கம் வழங்கியதோர் அசல் புகைப்பட அடையாள அட்டை
    குறிப்பு: குழு/குடும்பம் என்கிற நிலையில், ஒவ்வொரு விண்ணப்பதாருக்கும் தேவையான தகவல்களோடு கூடிய ஒரு ஒற்றை அங்கீகரிப்புக் கடிதம் ஏற்றுக் கொள்ளப்படும்.

மறுபடியும் மேலே செல்க


அடிக்கடி கேட்கப்படும் கேள்விகள் - விண்ணப்பம்

  1.  எனது கடவுச்சொல்லை எவ்வாறு மீட்டமைப்பது?
  2.  நான் www.ustraveldocs.com இல் என் சுயவிவரத்தை பதிவு செய்ததன் பிறகு நான் இன்னொரு நாட்டிற்க்கு நகர என்றால்,  மற்றும் என் விசாவை  இன்னும் விண்ணப்பிக்க வில்லை, அல்லது நான் என் முந்தைய விண்ணப்பத்தை விட மற்றொரு நாட்டில் ஒரு புதிய விசா விண்ணப்பத்தை சமர்ப்பிக்க வேண்டும் என்றால் நான் என்ன செய்ய வேண்டும்?

 மறுபடியும் மேலே செல்க


கே .எனது கடவுச்சொல்லை எவ்வாறு மீட்டமைப்பது?

வலை பக்கத்தில் கீழே காணப்படும் "கடவுச்சொல்லை மறந்து விட்டீர்களா ?"  என்னும்  இணைப்பை அழுத்தவும். பயனர் பெயர் துறையில் உங்கள் மின்னஞ்சல் முகவரியை உள்ளிடவும். நீங்கள் உங்கள் விசா விண்ணப்பத்தை தொடங்கிய போது நீங்கள் பயன்படுத்திய மின்னஞ்சல் முகவரியும் , நீங்கள் பயனர் பெயர் துறையில் உள்ளிட்ட மின்னஞ்சல் முகவரியும்  பொருந்த வேண்டும். ஒரு புதிய கடவுச்சொல் உங்கள் மின்னஞ்சல் முகவரிக்கு அனுப்பி வைக்கப்படும்.

குறிப்பு: உங்கள் புதிய கடவுச்சொல் மின்னஞ்சல் mailto:no-reply@ustraveldocs.com  மூலம் இருந்து வரும். சில மின்னஞ்சல் பயன்பாடு விதிகள் அடிப்படையின் அறியபடாத  மின்னச்சல்கள் வடிகட்டி ஸ்பேம் அல்லது குப்பை அஞ்சல் கோப்புறையில் காணப்படும். நீங்கள் உங்கள் மின்னஞ்சல் அறிவிப்பை பெறவில்லை என்றால், உங்கள் குப்பை மற்றும் ஸ்பேம் மின்னஞ்சல் கோப்புறைகளை  பாருங்கள்.

மறுபடியும் மேலே செல்க


கே.நான் www.ustraveldocs.com என் சுயவிவரத்தை பதிவு செய்ததன் பிறகு நான் இன்னொரு நாட்டிற்க்கு நகர என்றால்,  மற்றும் என் விசாவை  இன்னும் விண்ணப்பிக்க வில்லை, அல்லது நான் என் முந்தைய விண்ணப்பத்தை விட மற்றொரு நாட்டில் ஒரு புதிய விசா விண்ணப்பத்தை சமர்ப்பிக்க வேண்டும் என்றால் நான் என்ன செய்ய வேண்டும்?

 நீங்கள் செல்லும் நாட்டில்  CGI  சேவை  உள்ளது என்றால் மற்றொரு சுயவிவரத்தை உருவாக்க தேவையில்லை. நீங்கள் சாதாரணமாக வலைத்தளத்தில் "எங்களைத் தொடர்பு கொள்ளுங்கள்" வழியாக எங்களை தொடர்புக்கொண்டு , உங்கள் கடவுச்சீட்டு இலக்கம், UID  இலக்கம் அல்லது மின்னஞ்சல் முகவரியை பகிர்ந்து கொண்டால், நாம் உங்கள்  சுயவிவரத்தை மீட்டெடுத்து,  நீங்கள் உங்கள் அமெரிக்க விசாவை  விண்ணப்பிக்க திட்டமிட்ட புதிய நாட்டிக்கு மேம்படுத்துவோம். 

நீங்கள் CGI சேவை இல்லாத நாட்டில் விண்ணப்பிக்கும் போது, நீங்கள் ஒரு புதிய சுயவிவரத்தை உருவாக்க அழைக்கப்படுவீர்கள்.ஒரு நினைவூட்டல் என, ஒரு நாட்டில் MRV க்கான பணம் கட்டணம் ரசீது மற்றொரு நாட்டிற்கு பரிமாற்றம் செய்யப்படாது.

மறுபடியும் மேலே செல்க