ໂຄງການຍົກເວັ້ນວີຊາ

ຢູ່ໃນໜ້ານີ້:


ສະພາບລວມ

ໂຄງການຍົກເວັ້ນວີຊາ(VWP) ຊ່ວຍໃຫ້ພົນລະເມືອງຂອງບາງປະເທດ ສາມາດເດີນທາງເຂົ້າສູ່ປະເທດສະຫະລັດອາເມລິກາເພື່ອທ່ອງທ່ຽວ ຫຼື ເຮັດທຸລະກິດ(ຈຸດປະສົງຂອງວີຊາຢ້ຽມຢາມ)ສຳລັບໄລຍະການພັກເຊົາ 90 ວັນ ຫຼືໜ້ອຍກ່ວາໂດຍບໍ່ຈຳເປັນຕ້ອງຍື່ນຂໍວີຊາ. ບໍ່ແມ່ນທຸກປະເທດເຂົ້າຮ່ວມໂຄງການຍົກເວັ້ນວີຊາ(VWP), ແລະ ບໍ່ແມ່ນຜູ້ເດີນທາງທຸກຄົນທີ່ຢູ່ໃນໂຄງການ VWP ມີສິດນຳໃຊ້ໂຄງການນີ້. ຜູ້ເດີນ​ທາງທຸກທ່ານທີ່ຈະເຂົ້າ ສະຫະລັດອາເມລິກາ ພາຍໃຕ້ໂຄງການຍົກເວັ້ນວີຊານັ້ນ ຕ້ອງໄດ້​ຍື່ນ​ຂໍອະນຸຍາດຜ່ານ​ ລະ​ບົບ​ອະ​ນຸ​ຍາດການ​ເດີນ​ທາງ​ແບບ​ເອ​ເລັກ​ໂຕ​ຣ​ນິກ (ESTA),ຕ້ອງໄດ້ຖືກກວດກາທີ່ດ່ານ​ຂາເຂົ້າ ສະຫະລັດອາ​ເມ​ລິ​ກາ ແລະ ຕ້ອງໄດ້ລົງ​ທະ​ບຽນໂຄງການການຢ້ຽມຢາມ ສະຫະລັດອາ​ເມ​ລິ​ກາ ຂອງ ກະຊວງປ້ອງ​ກັນ​ຄວາມ​ສະ​ຫງົບ.

*ປະເທດສະມາຊິກ
ປະເທດແອນໂດຣາ
ປະເທດອົດສະຕຣາລີ
ປະເທດອົດສ໌ເຕຼຍ
ປະເທດເບັນຢຽມ
ປະເທດບຣູໄນ
ປະເທດຊີລີ
ປະເທດສາທາລະນະລັດເຊັກ
ປະເທດເດັນມາກ
ປະເທດເອັສໂຕເນຍ
ປະເທດຟິນແລນ
ປະເທດຝຣັ່ງ
ປະເທດເຢຍລະມັນ
ປະເທດເກຼັກ
ປະເທດຮັງກາຣີ
ປະເທດໄອສ໌ແລນ
ປະເທດໄອຣີແລນ
ປະເທດອີຕາລີ
ປະເທດຍີປຸ່ນ
ປະເທດລັດເວຍ
ປະເທດລິກເຕັນສະໄຕລ໌
ປະເທດລິດຕົວເນຍ
ປະເທດລັກແຊມເບີກ
ປະເທດມອລຕາ
ປະເທດໂມນາໂກ
ປະເທດນິວຊີແລນ
ປະເທດນໍເວ
ປະເທດໂປຣຕູເກດ
ປະເທດເກົາຫຼີໃຕ້
ປະເທດແຊນ ມາຣີໂນ
ປະເທດສິງກະໂປ
ປະເທດສະໂລວາເກຍ
ປະເທດສະໂລເວເນຍ
ປະເທດສະເປນ
ປະເທດສະວີເດັນ
ປະເທດສະວິດເຊີແລນ
ປະເທດໄຕ້ຫວັນ
ປະເທດເນເທີແລນ
ປະເທດອັງກິດ

ພົນລະເມືອງຂອງປະເທດສະມາຊິກສາມາດເດີນທາງໂດຍບໍ່ຈຳເປັນຕ້ອງມີວີຊາສຳລັບການທ່ອງທ່ຽວ ຫຼື ທຸລະກິດ ພາຍໃນໄລຍະເວລາ 90 ວັນ ຫຼື ໜ້ອຍກ່ວາ ຖ້າຫາກພວກເຂົາມີເງື່ອນໄຂທີ່ຕົງຕໍ່ຂໍ້ກຳນົດ.

  • ມີໜັງສືເດີນທາງທີ່ຝັງຊີບ(ໜັງສືເດີນທາງເອເລັກໂຕຣນິກ);
  • ລົງທະບຽນທ່າງອອນໄລ໌ຜ່ານ ລະບົບອະນຸຍາດການເດີນທາງແບບເອເລັກໂຕຣນິກ (ESTA); ແລະ,
  • ຖືກຕ້ອງຕາມເງື່ອນໄຂຂອງໂຄງການຍົກເວັ້ນວີຊາຕາມທີ່ໄດ້ລະບຸໄວ້ຂ້າງລຸ່ມ.

ສໍາລັບພົນລະເມືອງຂອງ ການາດາ, ແມັກຊີໂກ ແລະ ເບີ​ມູ​ດາ - ດິນ​ແດນ​ພົ້ນ​ທະ​ເລ​ຂອງ​ອັງ​ກິດ, ກະລຸນາເຂົ້າເບິ່ງ ເວັບໄຊ໌ທ່ອງທ່ຽວຂອງ ກະຊວງການຕ່າງປະເທດ.

*ສຳ​ລັບການອ້າງອີງທັງໝົດທີ່ກ່າວເຖິງ "ປະເທດ" ຫຼື "ບັນດາປະເທດ" ໃນໜ້າ​ເວັ​ບ​ໄຊ໌ນີ້, ຄວນເອົາໃຈໃສ່ບົດບັນຍັດ ປີ 1979 ວ່າ​ດ້ວຍຄວາມສໍາພັນກັບ ໄຕ້ຫວັນ, Pub. L. No. 96-8, ວັກ 4(b)(1), ໄດ້ບັນຍັດວ່າ “ເມື່ອໃດທີ່ກົດໝາຍຂອງ ສະຫະລັດອ​າ​ເມ​ລິ​ກາ ກ່າວເຖິງ ຫຼື ກ່ຽວຂ້ອງກັບຕ່າງປະເທດ, ລັດ, ລັດຖະບານ, ຫຼື ນິຕິບຸກຄົນທີ່ຄ້າຍຄືກັນ, ຂໍ້​ຕົກ​ລົງ​ດັ່ງ​ກ່າວ​ຕ້ອງລວມທັງ ໄຕ້ຫວັນ ແລະ ກົດໝາຍດັ່ງກ່າວແມ່ນ​ບັງ​ຄັບ​ໃຊ້​ກັບ ໄຕ້ຫວັນ ເຊັ່ນດຽວກັນ."   22 U.S.C. § 3303(b)(1).  ດັ່ງນັ້ນ, ການອ້າງອີງທັງໝົດທີ່ກ່າວເຖິງ "ປະເທດ" ຫຼື "ບັນດາປະເທດ" ພາຍ​ໃຕ້ໂຄງການຍົກເວັ້ນວີຊາທີ່ໃຫ້ສິດທາງກົດໝາຍນັ້ນ, ໃນວັກທີ 217 ຂອງບົດບັນຍັດ​ວ່າ​ດ້ວຍຄົນເຂົ້າເມືອງ ແລະ ສັນຊາດ 8 U.S.C. 1187, ໄດ້ລວມເອົາໄຕ້ຫວັນດ້ວຍ.  ແນວ​ທາງ​ດັ່ງ​ກ່າວສອດຄ່ອງກັບນະໂຍບາຍໜຶ່ງຈີນຂອງ ສະຫະລັດອາ​ເມ​ລິ​ກາ, ຊຶ່ງ​ພາຍ​ໃຕ້​ນະ​ໂຍ​ບາຍ​ດັ່ງ​ກ່າວ ສະຫະລັດອາ​ເມ​ລິ​ກາ ຍັງຮັກສາຄວາມສໍາພັນບໍ່​ເປັນ​ທາງ​ການ ກັບໄຕ້ຫວັນແຕ່ປີ 1979 ເປັນຕົ້ນມາ.

ຄຸນວຸດທິ

ເດີນທາງເຂົ້າສູ່ປະເທດສະຫະລັດອາເມລິກາພາຍໃຕ້ໂຄງການຍົກເວັ້ນວີຊາ, ຜູ້ເດີນທາງຈະຕ້ອງ:

  • ເປັນພົນລະເມືອງຂອງໜຶ່ງໃນປະເທດທີ່ໄດ້ລະບຸໄວ້ຂ້າງເທິງ, ແລະ ຄອບຄອງໜັງສືເດີນທາງທີ່ສອດຄ່ອງກັບເງື່ອນໄຂຂອງໂຄງການຍົກເວັ້ນວີຊາ;
  • ຄອບຄອງໃບອະນຸຍາດອອກໃຫ້ໂດຍລະບົບອະນຸຍາດການເດີນທາງແບບອີເລັກໂທຣນິກ(ESTA);
  • ພັກອາໄສຢູ່ໃນປະເທດສະຫະລັດອາເມລິກາເປັນເວລາ 90 ວັນ ຫຼື ໜ້ອຍກ່ວາ; ແລະ,
  • ມີແຜນທີ່ຈະເດີນທາງເພື່ອ:
    ກ. ທຸລະກິດ - ຈຸດ​ປະ​ສົງ​ແຜນການເດີນທາງຂອງທ່ານແມ່ນ​ເພື່ອປຶກສາຫາລືກັບພາກສ່ວນທຸລະກິດຕ່າງໆເຊັ່ນ: ເດີນທາງເພື່ອເຂົ້າຮ່ວມກອງປະຊຸມ ກ່ຽວ​ກັບ ວິທະຍາສາດ, ການສຶກສາ, ວິຊາຊີບ ຫຼື ທາງທຸລະກິດໃນວັນເວລາສະເພາະ; ຕົກ​ລົງດ້ານຫຼັກ​ຊັບ; ຫຼື ເຈ​ລະ​ຈາ​ສັນ​ຍາ​ໃດ​ໜຶ່ງ.
    ຂ. ຄວາມມ່ວນຊື່ນ/ການທ່ອງທ່ຽວ: ຈຸດ​ປະ​ສົງແຜນການເດີນທາງຂອງທ່ານແມ່ນເພື່ອການພັກຜ່ອນມ່ວນ​ຊື່ນ ລວມທັງການທ່ອງທ່ຽວ, ການພັກຜ່ອນໃນວັນພັກ, ເພື່ອຄວາມມ່ວນຊື່ນ, ການຢ້ຽມຢາມໝູ່ເພື່ອນ ຫຼື ພີ່ນ້ອງ, ການພັກຜ່ອນ, ການປິ່ນປົວໂລກໄພໄຂ້ເຈັບ; ການດໍາເນີນກິດຈະກໍາທີ່​ມີ​ລັກ​ສະ​ນະແບບ​ພີ່​ແບບ​ນ້ອງ, ເພື່ອ ສັງຄົມ, ຫຼື ການບໍ​ລິ​ການ; ແລະ ການເຂົ້າຮ່ວມກິດຈະກໍາ​ແບບ​ມື​ສະ​ມັກຫຼິ້ນ ທາງດົນຕີ, ກິລາ ແລະ ການແຂ່ງຂັນ ຫຼື ງານອື່ນໆ ໂດຍບໍ່ຫວັງຄ່າ​ຕອບ​ແທນ​ໃດໆ.
    ຄ. ການເດີນທາງຜ່ານ - ຖ້າທ່ານເດີນທາງຜ່ານ ສະຫະລັດອາເມລິກາ.

ແລະ ຖ້າເດີນທາງເຂົ້າສູ່ປະເທດສະຫະລັດອາເມລິກາດ້ວຍເຮືອບິນ ຫຼື ເຮືອ ຈະຕ້ອງ:

  • ຖືປີ້ໄປກັບ ຫຼື ປີ້ສຳລັບເດີນທາງຕໍ່. ຖ້າເດີນທາງໂດຍໃຊ້ປີ້ອີເລັກໂທຣນິກ, ຈະຕ້ອງມີສຳເນົາຕາຕະລາງການເດີນ ທາງເພື່ອສະແດງຕໍ່ເຈົ້າໜ້າທີ່ກວດຄົນເຂົ້າເມືອງ. ຜູ້ເດີນທາງທີ່ມີປີ້ສຳລັບເດີນທາງຕໍ່ທີ່ມີຈຸດໝາຍປາຍທາງສຸດທ້າຍທີ່ປະເທດແມັກຊີໂກ, ການາດາ, ເບີມິວດາ ຫຼື ເກາະແຄຣິບບຽນຈະຕ້ອງເປັນພົນລະເມືອງທີ່ຖືກຕ້ອງຕາມກົດໝາຍຂອງພື້ນທີ່ດັ່ງກ່າວ.
  • ເຂົ້າ ສະຫະລັດອາເມລິກາໂດຍພາ​ຫະ​ນະ​ຂົນ​ສົ່ງ​ທາງອາກາດ ຫຼື ທາງທະເລທີ່ຕົກລົງເຫັນດີເຂົ້າຮ່ວມໂຄງການດັ່ງກ່າວ. ນີ້ແມ່ນລວມທັງເຮືອບິນຂອງບໍລິສັດສະຫະລັດທີ່ໄດ້ເຮັດສັນຍາກັບ ກະຊວງຄວາມໝັ້ນຄົງແຫ່ງຊາດສະຫະລັດເພື່ອຂົນສົ່ງຜູ້ໂດຍສານທີ່ຢູ່ພາຍໃຕ້ໂຄງການຍົກເວັ້ນວີຊາ.

ຖ້າເດີນທາງເຂົ້າສູ່ປະເທດສະຫະລັດອາເມລິກາທາງບົກຈາກປະເທດການາດາ ຫຼື ແມັກຊີໂກ, ເອກະສານທີ່ຕ້ອງການຈະຄ້າຍຄືກັນ, ຍົກເວັ້ນປີ້ໄປກັບ ແລະ ລາຍເຊັນຜູ້ຂົນສົ່ງ. ທ່ານຈະຕ້ອງເຮັດໃຫ້ເຈົ້າໜ້າທີ່ກວດສອບໝັ້ນໃຈວ່າທ່ານມີເງິນພຽງພໍສຳລັບສະໜັບສະໜູນຕົນເອງໃນໄລຍະເວລາທີ່ທ່ານອາໄສຢູ່ ແລະ ອອກຈາກປະເທດສະຫະລັດອາເມລິກາ.

ລະບົບອະນຸຍາດການເດີນທາງແບບອີເລັກໂທຣນິກ (ESTA)

ຜູ້ຖືສັນຊາດ ຫຼື ພົນລະເມືອງທັງໝົດຂອງປະເທດທີ່ເຂົ້າຮ່ວມໂຄງການຍົກເວັ້ນວີຊາທີ່ມີແຜນການເດີນທາງໄປ ສະຫະລັດອາເມລິກາ ເພື່ອດໍາເນີນທຸລະກິດຊົ່ວຄາວ ຫຼື ເພື່ອການທ່ອງທ່ຽວຕ້ອງໄດ້​ຮັບ​ອະ​ນຸ​ຍາດ ຜ່ານ​ລະ​ບົບ​ການອະນຸຍາດເດີນທາງແບບເອເລັກໂຕຣນິກ ກ່ອນຂຶ້ນ​ພາ​ຫະ​ນະ​ຂົນ​ສົ່ງທາງອາກາດ ຫຼື ທາງທະເລ ໄປ ສະຫະລັດອາເມລິກາ ພາຍໃຕ້ໂຄງການຍົກເວັ້ນວີຊາ.

ຂໍ້ກຳນົດດ້ານໜັງສືເດີນທາງ

ຜູ້ເດີນທາງພາຍໃຕ້ໂຄງການຍົກເວັ້ນວີຊາທັງໝົດ, ບໍ່ວ່າຈະອາຍຸເທົ່າໃດ ຫຼື ຖືໜັງສືເດີນທາງປະເພດໃດ, ຈະຕ້ອງສະແດງໜັງສືເດີນທາງທີ່ອ່ານໄດ້ດ້ວຍເຄື່ອງຈັກ. ນອກຈາກນີ້, ຍັງຂຶ້ນຢູ່ກັບວ່າໜັງສືເດີນທາງຂອງຜູ້ເດີນທາງອອກໃຫ້ເມື່ອໃດ, ຂໍ້ກຳນົດດ້ານໜັງສືເດີນທາງດັ່ງກ່າວຈະຖືກນຳໃຊ້:

  • ໜັງສືເດີນທາງທີ່ສາມາດອ່ານໄດ້ດ້ວຍເຄື່ອງຈັກທີ່ອອກໃຫ້ ຫຼື ຕໍ່ໃໝ່/ຕໍ່ອາຍຸໃນວັນທີ ຫຼື ຫຼັງຈາກວັນທີ 26 ຕຸລາ 2006 ຈະຕ້ອງຝັງຊິບທີ່ມີຂໍ້ມູນຈາກໜ້າຂໍ້ມູນ (ໜັງສືເດີນທາງເອເລັກໂຕຣນິກ).
  • ໜັງສືເດີນທາງທີ່ສາມາດອ່ານໄດ້ດ້ວຍເຄື່ອງຈັກທີ່ອອກໃຫ້ ຫຼື ຕໍ່ໃໝ່/ຕໍ່ອາຍຸການໃຊ້ງານໃນລະຫວ່າງວັນທີີ 26 ຕຸລາ 2005 ແລະ ວັນທີີ 25 ຕຸລາ 2006 ຈະຕ້ອງມີຮູບຖ່າຍດີຈີຕອລ ພິມໃສ່ໜ້າຂໍ້ມູນ.
  • ໜັງສືເດີນທາງທີ່ສາມາດອ່ານໄດ້ດ້ວຍເຄື່ອງຈັກທີ່ອອກໃຫ້ ຫຼື ຕໍ່ໃໝ່/ຕໍ່ ອາຍຸການໃຊ້ງານກ່ອນວັນທີີ 26 ຕຸລາ 2005 ຈະບໍ່ມີຂໍ້ກຳນົດເພີ່ມເຕີມ.

ອາຍຸການໃຊ້ງານຂອງໜັງສືເດີນທາງ: ຜູ້ທີ່ເດີນທາງເຂົ້າ ສະຫະລັດອາເມລິກາ ຕ້ອງມີໜັງສືເດີນທາງທີ່ມີອາຍຸການນຳໃຊ້ຫົກເດືອນຫຼັງຈາກໄລຍະເວ​ລາ​ທີ່​ຕົນ​ມີ​ແຜນອາໃສຢູ່ສະຫະລັດອາເມລິກາ ເວັ້ນ​ເສຍ​ແຕ່ ໄດ້ຮັບຂໍ້ຕົກລົງສະເພາະປະເທດ​ທີ່​ໃຫ້​ການ​ຍົກ​ເວັ້ນ​ຕໍ່​ເງື່ອນ​ໄຂ​ດັ່ງ​ກ່າວ. ຖ້າຫາກທ່ານເດີນທາງໂດຍບໍ່ໃຊ້ວີຊາພາຍໃຕ້ໂຄງການຍົກເວັ້ນວີຊາ, ໜັງສືເດີນທາງຂອງທ່ານຈະຕ້ອງມີອາຍຸການໃຊ້ງານຢ່າງຕ່ຳ 90 ວັນ. ຖ້າໜັງສືເດີນທາງຂອງທ່ານຫາກມີອາຍຸການໃຊ້ງານຕ່ຳກ່ວາ 90 ວັນ, ທ່ານຈະສາມາດເດີນທາງເຂົ້າສູ່ປະເທດສະຫະລັດອາເມລິກາຈົນກ່ວາວັນທີທີ່ ໜັງສືເດີນທາງຂອງທ່ານໝົດກຳນົດ.

ຖ້າຫາກທ່ານແມ່ນຜູ້ເດີນທາງຈາກປະເທດທີ່ໄດ້ຮັບການຍົກເວັ້ນວີຊາ ແລະ ໜັງສືເດີນທາງຂອງທ່ານບໍ່ຜ່ານເກນທີ່ກຳນົດໄວ້, ທ່ານອາດຈະຕ້ອງພິຈາລະນາເຮັດໜັງສືເດີນທາງໃໝ່ເພື່ອໃຫ້ສອດຄ່ອງກັບໂຄງການຍົກເວັ້ນວີຊາ ຈາກເຈົ້າໜ້າທີ່ອອກໜັງສືເດີນທາງພາຍໃນປະເທດຂອງທ່ານ. ຖ້າບໍ່ດັ່ງນັ້ນທ່ານຈະບໍ່ສາມາດເດີນທາງພາຍໃຕ້ໂຄງການຍົກເວັ້ນວີຊາ ແລະ ທ່ານຈະຕ້ອງມີວີຊາໃນໜັງສືເດີນທາງຂອງທ່ານ ສຳລັບເດີນທາງເຂົ້າສູ່ປະເທດສະຫະລັດອາເມລິກາ.

ຄຸນສົມບັດທີ່ບໍ່ເໝາະສົມ

ຜູ້ເດີນທາງບາງຄົນອາດຈະຂາດຄຸນສົມບັດທີ່ເໝາະສົມໃນການເດີນທາງເຂົ້າສູ່ປະເທດສະຫະລັດອາເມລິກາພາຍໃຕ້ໂຄງການຍົກເວັ້ນວີຊາ. ເຊິ່ງລວມມີຄົນທີ່ເຄີຍຖືກຈັບ, ເຖິງແມ່ນວ່າການຈັບກຸມດັ່ງກ່າວຈະບໍ່ສົ່ງຜົນໃຫ້ເກີດຄວາມຜິດທາງອາຍາ, ຜູ້ທີ່ມີປະຫວັດອາຊະຍາກຳ (ເຖິງແມ່ນວ່າຈະໄດ້ຮັບການອະໄພໂທດ, ການນິລະໂທດ ແລະ ການຜ່ອນຜັນອື່ນໆ), ພະຍາດຕິດຕໍ່ຮ້າຍແຮງບາງຊະນິດ, ຜູ້ທີ່ໄດ້ຮັບການປະຕິເສດການ ເຂົ້າປະເທດ, ຫຼື ຖືກເນລະເທດອອກຈາກ ປະເທດສະຫະລັດອາເມລິກາ ຫຼື ອາໄສຢູ່ໃນປະເທດເກີນກຳ ນົດຕາມທີ່ໄດ້ກຳນົດໃຫ້ໂດຍໂຄງການຍົກເວັ້ນວີຊາ. ຜູ້ເດີນທາງດັ່ງກ່າວຈະຕ້ອງຍື່ນຂໍວີຊາ. ຖ້າຫາກພວກເຂົາເດີນທາງໂດຍບໍ່ມີວີຊາ, ພວກເຂົາອາດຈະຖືກປະຕິເສດການ ເຂົ້າປະເທດສະຫະລັດອາເມລິກາ.

ພາຍໃຕ້ການປັບປຸງການຍົກເວັ້ນວີຊາແລະ ກົດຫມາຍວ່າດ້ວຍການປ້ອງກັນການກໍ່ການຮ້າຍໃນການເດີນທາງຂອງປີ 2015, ຜູ້ທີ່ໄດ້ເດີນທາງໄປຫລືປະຈຸບັນ​ຢູ່ໃນອີຣ່ານ, ອີຣັກ, ຊູດານ, ຫຼື/ແລະ ຊີເຣຍໃນຫຼືຫຼັງຈາກທີ 1 ເດືອນມີນາ ປີ 2011 (ຍົກເວັ້ນໃນການເດີນທາງສໍາລັບຈຸດປະສົງທາງການທູດຫລືທະຫານໃນ ການບໍລິການຂອງປະເທດ VWP) ຫລືນັກ ທ່ອງທ່ຽວຜູ້ທີ່ຍັງມີສັນ​ຊາດປະເທດຊາດຂອງອີຣ່ານ, ອີຣັກ, ຊູດານ, ຫຼື/ແລະ ຊີເຣຍມີບໍ່ມີສິດໄດ້ຮັບການເດີນທາງກ່ຽວກັບ ການ VWP . ສໍາລັບລາຍລະອຽດກ່ຽວກັບການປ່ຽນແປງພາຍໃຕ້ການ ປັບປຸງໂຄງການຍົກເວັ້ນວີຊາແລະ ກົດຫມາຍ ວ່າດ້ວຍການປ້ອງກັນການກໍ່ການຮ້າຍໃນການເດີນທາງຂອງປີ 2015, ກະລຸນາສຶກ​ສາ​ຂໍ້​ມູນ​ເພີ່ມ​ເຕີມ​ທີ່ເວັບໄຊທ໌ http://www.cbp.gov/travel/international-visitors/visa-waiver-program ໄດ້.

ຜູ້ເດີນທາງທີ່ເຮັດຜິດກົດຈາລະຈອນເລັກໜ້ອຍທີ່ບໍ່ໄດ້ສົ່ງຜົນໃຫ້ເກີດການຈັບກຸມ ແລະ/ຫຼືການເຮັດຜິດກົດໝາຍ ສາມາດເດີນທາງໂດຍບໍ່ມີວີຊາ, ຖ້າພວກເຂົາມີຄຸນສົມບັດທີ່ເໝາະສົມ ຖ້າຫາກການເຮັດຜິດກົດຈາລະຈອນຫາກເກີດຂຶ້ນໃນຂະນະທີ່ທ່ານຢູ່ໃນປະເທດສະຫະລັດອາເມລິກາ ແລະ ທ່ານມີຄ່າປັບໃໝທີ່ຍັງບໍ່ທັນໄດ້ຈ່າຍ ຫຼື ທ່ານບໍ່ໄດ້ເຂົ້່າຮ່ວມການພິຈາລະນາຄະດີຂອງທ່ານ, ມັນເປັນໄປໄດ້ທີ່ອາດ ຈະມີໝາຍແຈ້ງຈັບທ່ານ ແລະ ທ່ານຈະປະສົບກັບບັນຫາໃນເວລາຍື່ນໃບ ຄຳຮ້ອງຂໍເຂົ້າປະເທດສະຫະລັດອາເມລິກາ. ເພາະສະນັ້ນ, ທ່ານຄວນຈັດການກັບບັນຫາກ່ອນທີ່ຈະເດີນທາງໂດຍຕິດຕໍ່ສານທີ່ທ່ານຈະ ຕ້ອງໄປປະກົດຕົວ. ຖ້າຫາກທ່ານບໍ່ຮູ້ທີ່ຢູ່ຂອງສານ, ທ່ານສາມາດຫາຂໍ້ມູນທາງອິນເຕີເນັດໄດ້ທີ່: www.refdesk.com.

ການເດີນທາງໂດຍບໍ່ຕ້ອງການວີຊາບໍ່ລວມເອົາຜູ້ທີ່ມີແຜນຈະໄປສຶກສາຕໍ່, ເຮັດວຽກ, ຫຼື ອາໄສຢູ່ໃນປະເທດສະຫະລັດອາເມລິກາເປັນເວລາດົນກ່ວາ 90 ວັນ ຫຼື ມີແຜນທີ່ຈະປ່ຽນສະຖານະ (ຈາກນັກທ່ອງທ່ຽວເປັນນັກຮຽນ ແລະ ອື່ນໆ) ເມື່ອຢູ່ໃນປະເທດສະຫະລັດອາເມລິກາແລ້ວ. ຜູ້ເດີນທາງດັ່ງກ່າວຕ້ອງການມີວີຊາ. ຖ້າຫາກເຈົ້າໜ້າທີ່ກວດຄົນເຂົ້າເມືອງເຊື່ອວ່າຜູ້ເດີນທາງທີ່ບໍ່ຕ້ອງຂໍວີຊາຈະໄປຮຽນ, ເຮັດວຽກ ຫຼື ອາໄສຢູ່ດົນກ່ວາ 90 ມື້, ເຈົ້າໜ້າທີ່ຈະບໍ່ອະນຸຍາດໃຫ້ ຜູ້ເດີນທາງດັ່ງກ່າວເຂົ້າປະເທດ.

ຜູ້ຍື່ນຂໍວີຊາຈາກປະເທດການາດາ ແລະ ແມັກຊີໂກ

ປະເທດການາດາ, ແມັກຊີໂກ, ແລະ ເບີມິວດາ ບໍ່ແມ່ນຜູ້ເຂົ້າຮ່ວມ ໃນໂຄງການຍົກເວັ້ນວີຊາ ກົດໝາຍວ່າດ້ວຍການກວດຄົນເຂົ້າເມືອງ ແລະ ສັນຊາດ ລວມທັງຂໍ້ກຳນົດອື່ນໆສຳລັບການເດີນທາງໂດຍບໍ່ຕ້ອງຂໍວີຊາສຳລັບພົນລະ ເມືອງຂອງປະເທດການາດາ ແລະ ເບີມິວດາ ພາຍໃຕ້ສະພາບການໃດໜຶ່ງ. ເບິ່ງໄດ້ທີ່ໜ້າ​ເວັບ​ໄຊ໌ ພົນລະເມືອງຂອງ ການາດາ ແລະ ເບີມູດາ. ເນື່ອງຈາກວ່າພວກເຂົາບໍ່ແມ່ນສ່ວນຫນຶ່ງຂອງໂຄງການຍົກເວັ້ນວີຊາ, ຂໍ້ກຳນົດຂອງໂຄງການຍົກເວັ້ນວີຊາທີ່ກຳນົດໃຫ້ນຳໃຊ້ໜັງສືເດີນທາງທີ່ສາມາດອ່ານໄດ້ດ້ວຍເຄື່ອງຈັກ ຫຼື ໜັງສືເດີນທາງອີເລັກໂທຣນິກຈະບໍ່ຖືກນໍາໃຊ້ກັບ ຄົນສັນຊາດການາດາ, ເເມັກຊິໂກ ຫຼື ເບີມິວດາ. ນອກຈາກນີ້ , ຄວນຮັບຊາບວ່າຄົນສັນຊາດການາດາ ແລະ ເບີມິວດາທີ່ ເດີນທາງເຂົ້າປະເທດສະຫະລັດອາເມລິກາຈະຕ້ອງມີວີຊາຄົນເຂົ້າເມືອງຊົ່ວຄາວ.

ການປະຕິເສດຜ່ານລະບົບອະນຸຍາດການເດີນທາງແບບອີເລັກໂທຣນິກ

ຜູ້ເດີນທາງທີ່ໄດ້ຮັບການປະຕິເສດຜ່ານລະບົບອະນຸຍາດການເດີນທາງແບບອີ ເລັກໂທຣນິກຈະບໍ່ສາມາດເດີນທາງພາຍໃຕ້ເງື່ອນໄຂຂອງໂຄງການຍົກເວັ້ນວີຊາ. ກະລຸນາຍື່ນຂໍວີຊາກ່ອນການເດີນທາງ.

ຄໍາຖາມກ່ຽວກັບຂັ້ນຕອນຂອງ ລະ​ບົບອະນຸຍາດການ​ເດີນ​ທາງ​ແບບ​ເອ​ເລັກ​ໂຕ​ຣ​ນິກ ແມ່ນ​ໃຫ້ສອບຖາມກັບກະຊວງປ້ອງ​ກັນ​ຄວາມ​ສະ​ຫງົບ.